Search This Blog

Sunday, December 28, 2008

2008 回顧

今年金融海潚,我真係脤面損失好多,整個protfolio蝕三成多,而實質蝕的金錢就一萬三千到。今年玩多左好多野包括股票期權及恒指期權,兩者都係高風險投資產品。今年的心理質素自己覺得係有所提高,尤其玩完恒指期權後,希望對未來的投資有幫助。我自己暫時都係對所有投資產品持開放態度,所有投資產品能係市場上流通一定有期用處,所以我唔會放棄用期權來供我的長線投資組合。2008年我收收的股息有六千蚊多點,估唔到都有幾好的股息。

今年令我有最大的變化係對錢的看法,我覺得做人真係要有一個 balance life。大家都見我今年中後都開始洗多左點錢,通常洗係唔同地方。

我的投資目標係有十手2628以上。暫時還差三手2628,真係要努力。

對下星期係牛皮靠穏,微升,這個動作要係星期中,結算後先出現。之後一月點樣?到時再諗。

Tuesday, December 23, 2008

平倉

今日跌幾百點,我係早上就決定平倉走人。

建倉:
Call 15,400 收權金: 415.00
Put 12,600 收權金: 63.00
平倉:
Put 12,600 成本: 41.00
Call 15,400 成本: 63.00

所以收(415 - 63) + (63-41) 再乖10 = $3740 再減comission $60 + $30 + $30 +30 = $150
對沖的2800 扣comission有$100賺
所以今個月個倉賺 $3690

整個倉需要用約五萬蚊 即係 用少個一個月的時間 回報有大約 7%。當然月尾平倉可能回報更大,但都係過開心聖誕安全點。

Monday, December 22, 2008

高手分析

16-12-2008
本帖給置頂了,點擊又過萬,多謝支持!自從上月二十號出帖寫到今天為止測市都未錯過,希望能長勝下去,造福人網的支持者!

之前寫過 ( 總之結論我看是先高後底,然後在期指轉倉期再抽高結算 ) ,這表示今個月的走向是行一個N形浪。N形的第一畫我都算贏到盡,現在是思考第二畫跌到什麼位置。前文說過為何15781是本月最高位和如何計算,不重複了,而我也是在N形浪第二畫的接近最高點沽貨,算有個好的起步。

為何說先看13900點,這約數是由黃金比率計算出來。浪頂是15781點,浪底是10676點,所以是 0.618 x (15781-10676) + 10676 = 13831點。看報紙又有”專家”用浪底11814點來計,計出了個14265點,我真係唔明?唔通佢十月的經歷太痛苦,唔想再記住。

如昨晚所說,我看13831點都未係本月的最底點,但無論如何,跌到近13831點一定有個反彈後才會再下跌,這個反彈的幅度也會很大,但時間會短。我會在大約13900點食糊先,等彈高再put過。

---------------------------------------------------------------------------------------------------------------------------------------
18-12-2008

我信心十足,未跑就排隊等派彩理由之一

期指的十一月倉底是11700點,今個月是12550點,整個倉底一共才升高了850點,作為牛市一期的單月升幅就差不多是這樣了。如果大市唔跌落去,就在現水平轉倉,一月份的期指轉倉位不是在15500點嗎?這樣整個倉底就突然單月高了三千點!難道港股已經在牛市三期了!

有些股評人一路看淡,上週一見個股市升就突然改叫年底前萬七萬八,簡直是痴人說夢!之前寫過多次,我認為今個月的恆指最高點已見,大市係升唔穿上週的高位15781點。我持有隻熊証60231在15900點打靶其實係好安全的。

萬一期指真係就在高位轉倉,這樣就應該是轉一月份淡倉。咁意思就係這兩個月只係熊二反彈,熊市三期還末到。這樣我所有設想就要由頭思考過啦,大Q鑊過輸錢!

所以看好後市和認為大市步入牛市的投資者應該希望港股拉底轉倉。如果看淡後市,認為熊市有排都末過的投資者應該希望年底前再創高點,在高位轉下月淡倉。有些股評人又說看好後市,又認為年底前不會由現水平大跌的,都係知識有限、思想混亂的水皮友。

我信心十足,未跑就排隊等派彩理由之二

當我們說一間公司的股價一股值十元,其實我們在說兩個相對的價值,一個係股票的價值,另外一面是貨幣的價值。之前說過貨幣的價值是在於滙價和購買力。有朋友問我現在很多企業都可以預見長期不會改善業績,股價點會升,更點會入了牛市?我答話企業業績上的負面因素早在十月大跌到10600點已充份反映,跟著的股價上升可以是由於貨幣的價值下跌而把股價推上,而不需要等待業績改善。

我常說期指大戶利潤一個月大約二千點,有朋友問我十月份不是遠遠不止二千點嗎?十月份的轉倉位是19000點,最後結算在13000點,大戶不是有6000點利潤嗎?我答話二千點是大戶的基本利潤,另外四千點是抵消當月的美滙指數大幅升值,當然總利潤是有6000點。好多人在十月份見跌得多就搏反彈,沒有注意到美滙指數大幅升值對股價的影響,因為他們不明白 ( 當我們說一間公司的股價一股值十元,其實我們在說兩個相對的價值,一個係股票的價值,另外一面是貨幣的價值。) 我就由頭空到尾,利潤甚高。

回看今個月美滙指數由86跌到83的一段係有推高港股到本月高位15781點,為什麼之後美滙指數再由83到跌穿78都末能推高港股呢?這一個多星期的美滙指數的跌幅其實還急過十月的升幅,港股冇受影響,一直升唔穿15600點,是不是十分奇怪呢。

我看是因為美滙指數這個急促的跌幅後很快就會有個急促升幅作低消,一個超靚的Deep V快將出現。這個拉底美滙指數的目的主要是有利於美國企業年終結算。造結算前先以大幅減息拉底美滙指數,然後資金以平價美元回留入美國,由於資金留入,加上大戶推波助瀾,美滙指數就會急促回升。

由於美滙指數急跌,其實這幾天港股上升動力十足,大戶為了不放生好倉,以五號仔來按實大市升幅,今日A股尾市回升,大戶就再加上了943同883,結果港股在15600點前難越雷池半步。

月初就說過
( 到底十二月份幾時震倉呢?這問題可以從資金避難所這處看得到端倪 ) ,美滙指數急促回升正好迷惑市場,造出資金避難的較果,一個須水推舟,底成本的大震倉組合拳又那裡過得了我的法眼呢!
----------------------------------------------------------------------------------------------------------------------------------------
20-12-2008
昨日在港股交易時段,美滙指數大約處於79.5的水平,恆指應該大幅上升,結果在五號仔拖累之下,大市不升反跌。其實再早一天已明顯有這現象,週四在港股交易時段,美滙指數大約處於78之下的水平,照計恆指的價值應在萬八點以上才對,但結果在15600點前難越雷池半步。大戶推底大市之心已經明顯可見!

之前說過有關美滙指數 ( 我看是因為美滙指數這個急促的跌幅後很快就會有個急促升幅作低消,一個超靚的Deep V快將出現。) 比條link大家睇睇個Deep V已在形成中!係唔係超靚呢?

http://stockcharts.com/h-sc/ui?s=$USD&p=D&yr=0&mn=6&dy=0&id=p71316421307

昨晚美滙指數已收高於81點,而且將會再進一步急促回升,週一港股頑強之勢已去,大戶昨日能在79.5的劣勢下連勁假時段在內推底港股370點,利害非常也!我當然是持put等派彩!
---------------------------------------------------------------------------------------------------------------------------------------
22-12-2008
結果今日恆指下跌了500點,又係要加上勁假時段在內才推得到這個位。困難在於美滙指數在港股交易時段從未升高於81,能有這個幅度的跌幅我已經好滿意。

明日又開始期指轉倉了,在這裡出帖已經一個月了,記得我寫過港股是可以一個月一段去看的,有一些上月寫過的內容現在是可以重複使用的。上個月這個時候我寫過 ( 蕭若元先生最近採取的政策是買A股沽恒指。我認為這方法在期指轉倉三日期間的對沖工能會很可能失效。)

現在大家都已經知道人行減利率又減存款準備金率,這消息當然明天會利好A股,但由於對沖工能失效的現象,明日是可以上海還上海升,港股還港股跌。

港股明日會跌幾多呢?最重要因素是今晚美滙指數會升幾多,我沒有改變看法,先看黃金比率13,831點可否守得住。持貨不變。

美滙指數上升會引至日圓下跌,日圓下跌利好日股,但美滙指數上升就利淡港股,所以明天交易時段早段由於港股先前已有調整,加上日股和A股的表現很容易會引人過早入市,最後跌市可能在後段才發生,小心。
----------------------------------------------------------------------------------------------------------------------------------------

Sunday, December 21, 2008

一週回顧

今個星期HSI走勢普普通通,暫時大戶用#5號仔力壓HSI,用中資股力頂,所以暫時都以上落牛皮走勢為住。以現在的分析,我暫時都偏向淡(不是太淡)。#5仔應該遲d 會有反彈浪,理由係星期五個日係大成交下跌,而中資股又因為之前力頂,大戶會俾佢地抖下氣。

其次係HSI& HFI 在星期五的下跌都係成交量增大,所以暫時我都係作淡。

講返暫時想法,2628 如果以九蚊的EV來計,以3倍的ev 即係$27蚊。所以我想估值方便不是太平。加上有其它blogger都指出十一月份保單增長率有放緩跡象,暫時都係睇淡。不過佢點都唔會好似五號仔咁俾人狂沽。可應該會用期權來accumlate貨,不過用stock/ hsi就未定。

暫時找不到941 的數據,招行而家有中國的分析報告係低買。招行對利率係較為sensitivity,所以佢俾人沽得咁低。鞍鋼(347.HK) 將會係我牛市的入貨重要股票。

最後講返期權倉,自己終於有返d 賺,整個股票(對沖) + 期權組合暫時賺二千元到。HSI 的期權倉,睇來會係一萬六千至一萬三千幾左右上落。

Thursday, December 18, 2008

加倉



今日加多張short put@ 12600 收63點期權金,六百都要(權金少所以commision收$30)!!!暫時睇法偏淡。而家的15400C 輸大約350點,short put輸1點。股票win 207點,即係成個組合暫時輸143點= $1430,(計手續費輸$1720)。情況都無乜大問題。上面幅圖係到期日的profit & loss graph,都係慢慢等到期日。

Monday, December 15, 2008

高手分析

今晚說說黃金吧。

今週我在電視上看見幾位期貨專家為上週金價大幅抽升作出分析,他們都不約而同地認為是由於Citi Group的問題,資金避難流入金市才引至金價大升。在他們作出分析時其實已經知道華府救Citi而且股市正轉好中,我真想請問他們金價為何不跌返落740美元呢?都過了還避什麼呢?他們這等見識,只會唸口王,完全不知Basic Principle的轉變,我只好搖頭嘆息!

投資市場上沒有永恆不變的Basic Principle,政治政策的改變是可以令到Basic Principle作出180度 的轉變!其實自從十月初起美國國庫債券已成為主要的資金避難所,後來美國政府為銀行存款作保證,香港政府也跟上,加上當時美元升浪已成,大家都見美股十月 一路下跌美元就一路升,這表示由於有了存款保證,資金避難流入美元、港元銀行存款,而銀行錢太多了就買入美國國庫債券。黃金的資金避難地位兩個月前早已被 完全取代。當黃金成為資金避難所時,金價與美股是成背馳的,這才是資金避難的現象,但從十月初起,金價已與美股基本上同步了。

Basic Principle轉變了成兩個,兩個月後的今天還唸口王,瞢然不知,還用舊的Basic Principle作基礎來分析金價走向,點會測得中呢,問你死未!
--------------------------------------------------------------------------------------------------------------------------------------
27-11-2008
有網友問怎樣看期指轉倉位,一般情況看圖就可以。我以今年六月底轉倉為例,因為最易看到。期指結算是每月尾二的交易日,但建倉就是結算日前三天,只要看這三天的圖就夠。六月的結算日是27號,所以看的是242526號三天如圖。平均轉倉位只是一個約數,就是每日的中間位和密集區。因為這三天中間區都是在22600點,可以說七月期振指平均轉倉位就是22600

六月是最易的,很多人都看到。

但十一月的11700點平均轉倉位就大有學問,因為轉倉三天千多點上落,沒法從圖上看得到的!辦法是我自悟出來,要從看圖加推理和計數,這個課題寫書都要獨立一個Charter才說得明白的。

---------------------------------------------------------------------------------------------------------------------------------------
29-11-2008
美股昨晚還好,看來如我所說期指成倉後的震倉不會出現。但不用多謝大戶開恩,因為震倉只是遲早問題,一個月不會由頭升到尾。比較好的因素是一般只有成倉後的震倉才會穿期指平均轉倉位,打後時間震倉是會企硬在平均轉倉位之上,就如十一月份企硬在11700點之上一樣。

到底十二月份幾時震倉呢?

這問題可以從資金避難所這處看得到端倪,所以昨晚我先寫了資金避難所已由黃金轉去美元存款和美國國庫債券,知道這個Basic Principle的轉變才可再思考下去。

電視上看見幾位期貨專家都看金價會在大市氣氛轉好和Citi Group的危機過後回軟,因為他們認為升上去是資金避難流入導致,大市轉好資金就要流出自然金價回軟。結果昨晚Citi Group股價勁升,金價升到820美元,下星期初金股都會再升,真係好有興趣想看看專家門怎樣自圓其說。所以投資都係要自已思考,聽水皮到這等地步的專家們分析,不如畫鬼腳。
------------------------------------------------------------------------------------------------
4-12-2008
今日個市又係好悶,我聽蕭生今日的政經短評語氣好肯定地話美股今晚會見頂回落,我唔明點解咁肯定?不過我一向係唔受人影響,仍然是持貨不變。

好多睇圖的專家都認為現在恆指正在行一個三角形,指數波幅會在三角形的頂線軌和底線軌內上下波動,最後波幅在三角的陀螺尖收窄後才作突破。現在三角頂部大約在14000點,底部的升軌支持大約在12300點,所以以目前的恆指點數來看,沽空的空間較多,勝算也高得多。

自從星期二開始,恆指就單日內沒有什麼波幅,而且一天比一天升近三角頂部,好象一日比一日勝算多。美股回升了兩天,升幅也不小,A股也升了,都沒有真正能推高恆指,給人感覺恆指弱勢已成,氣氛甚差,一但外圍下跌,恆指就會下試三角形下面的升軌支持位了。

Wong Sir 說過大戶畫圖,散戶看圖,畫把梯就抓上去,畫個井就跳下去!我看這是個引人做淡局!要由三角頂下跌就早發生了,點解這三日波幅咁細,因為一跌得多就等於放人,前功盡廢,升得多就破壞氣氛!結果積了三日的空倉就差唔多到時間夾鑊甘的!
--------------------------------------------------------------------------------------------------------------------------------------
5-12-2008

美股跌了,港股不跌反升,因為不能跌,一跌就前功盡廢,放生做空倉的人。結果今日再升近三角通道頂部,大市波幅小,儲積空倉,如昨晚所寫,我看這是個引人做淡局,大挾倉快到!我當然是持貨等挾上!

今晚答一答網友問題。Wongster UKUSD short term and long term看法。 Paganini問點解我認為金會升。其實兩個問題可以一齊答,因為美元與金價背馳這 Basic Principle 沒有改變。

我會從兩個方面看美元,一個是滙價,就是美滙指數,第二是購買力。從EURO/USD圖看美元走勢比看美滙指數清楚,從圖可見2000年尾美滙開始下跌,這EURO滙價的起步,同時也是金價牛市的起步點。從金價圖很難數浪,不過EURO圖就輕易數出一、二、三、四浪。這圖唔夠update,但可見黃金比率0.382的位置是1.2428,這位置剛在十一月二十一日對現了然後反彈。同日美滙指數見88.46回落,我相信四浪已經在這天行完,EURO與黃金入了五浪,美滙指數就入了C浪。

C浪是先慢跌後急跌,所以三個月內美滙不會急跌,加上資金在這段時間還會不斷流入美債,所以美滙跌幅有限。對滙價來說十二個月也不能說是long term,十二個月後應未開始急跌,但到時資金流入美債現象會慢下來,走勢會較現在急D

要知先賣出一元美債才可印出一元美金,四浪尾五頭的資金流入美債正好為大量印銀紙作準備,一開始印銀紙,貨幣的購買力就會大跌,當然購買力下跌不限於美元,而是全球貨幣。

黃金是商品,也是貨幣,是一個不能大量印刷的貨幣,這樣黃金的上升價值就是美滙指數下跌乘上貨幣購買力大跌!不要信Cash is King,從十一月二十一日開始,Cash is not King anymore!股神畢菲特早就在十月就這樣說了!
---------------------------------------------------------------------------------------------------------------------------------------
11-12-2008
之前寫過今個月的期指轉倉位是12,500點,其實比上月的11,700點只高出800點,作為牛市一期的單月升幅就差不多是這樣了。上個月的恆指最高點是15,300點,今個月最高點按理應該可參考15300 + 800 = 16,100點,問題係上個月期指底水百多點,而今個月輕微高水,這樣就要減返兩百點出來去到15,900點。所以我估計今個升浪的最高點 (也應該是今個月的最高點) 是介乎15300 15900點。

今日忽然在收市前急升,我見期指大約在3:40分都已升穿15,500點,離15,900點很接近,期指收市遲半小時,很有可能期指在收市後才升上高點。就算唔係,可上升空間也不多了,不值過夜。立定主義後馬上行動,分了幾段沽貨,又要平期指,時間無多,手忙腳亂。

2899今日升了近18%,看來是提早反映今晚金價大升,現在黃金升到810美元了。最近港股領先美股,看港股後去炒美股勝算高;原來看金礦股炒黃金都好得!

金價昨晚大升,今晚又大升,這當然是資金流向造成,問題是那裡來的資金?一早說過黃金已沒有資金避難所的作用,現在股市氣氛也甚好,也沒有什麼難要避,今次金價的升浪又與美股現背馳,十分奇怪。

其 實我相信是昨日開始大戶已經開始在環球股市出貨,套出的資金就選擇了黃金作為短暫停留,才引至金價離奇大升。今早亞州股市一開市就傳出救氣車業的好消息, 這是大戶以好消息出貨的手段,一邊出貨,一邊買金!以我看期指的功力,今月高位已見,早說過今個月是先高後底,大震倉啟動了!

大戶在出貨後選擇了黃金作為資金短暫停留,有利金礦股,但這一步我就冇本事預測到,所以在沽出2899後還留有今日10%升幅,可惜可惜!但恆指的轉角應該冇看錯,見到期指突然在收市前底水一百多點就更有信心了。

這個震倉我加了個大字,當然非同小可,先看13900點,破了就……聖誕節啦,希望大戶唔好玩咁盡啦
---------------------------------------------------------------------------------------------------------------------------------------

Saturday, December 13, 2008

分析


琴日港股大跌,我隻options由蝕五千幾變做蝕三千幾,計我d 對沖股就暫蝕一千幾。暫時睇今個月勝算都幾高,不過都係估估下,點知佢一陣又升成千點。

之前講過係comment到話金價大升,美股跌左d ,係大戶放d 資金去避大震倉,所以應該今個浪未跌完。我暫時估13500,最多去到12000,因為12000有好多options,係大倉來的,穿的可能性不大。

如果去到13500,我諗住入2628 或者941 或者加張short put,個張short put可能即月或者一月,到時睇下點。之後我估一月,二月應該會都係升市,最少去到萬八,甚至去到二萬。不過都係估估下。

今次開options真係壓力大,有好幾次已經想止蝕。最後朋友都話有正股洗乜驚,後來我都係覺得是對,所以都無理到,如果咁快止蝕,今日真係打心口。壓力大,連自已估的方向都錯晒,升時去到萬七以上,亂晒。

而家睇返d 圖,大跌個日成交增加,應該還有得跌,不過好似唔會跌到傻個種。美股adr 大升四百幾點,睇來星期一又要慢慢捱價。

Tuesday, December 9, 2008

挾倉


好大壓力,止蝕還是死坐? 紅色線係而家的p&l 當然要乖十。
藍色線係月尾到期的p&l 。
粉紅色係options p&l 。
紅色係而家options + 用來對沖的stocks的 p&l。

Saturday, December 6, 2008

大市預測


今日係到睇上各個網上高手的分析,暫時好似好壞都有,其中一個指出牛一已經開始來臨。我沒有甚麼竟見,但由於高手預測恒生指數可能會係14800以上結算,所以真係對我來說要非常小心。

我自己都唔知爆邊,但爆邊一定會來,IV 同成交係咁收窄,我想下個星期應該會出現。暫時看不到向上還是向下,所以無竟見,只可以說向最有應該會有二千點以上波幅。

如果係牛一,那麼我估二月大插,係最後上車時機,之後並會進入牛市,詳情不講了。期權倉方面,Call 多過 Put,近來少見的情況,實在要小心。941 的高位已經高過十一月頭的價位,雖然成交細,但當無人入市的時候成交細係唔出奇,但大升就有問題,這也是我認為今個月不會大升的理由。

道指近日都係升,真係好勁。即係中資股會上升,本地地產股暫時無運行。

我個倉位點算呢?
1) 牛皮,不用理
2) 急跌,到時做多張sp
3) 慢慢地升,不用理,可能到時會roll去下個月,又收期權金。
4) 慢慢地跌,不用理。
5) 急升,這是我最怕的,而家的情況感覺上會出理。如果急升到14400至15000,我會馬上平倉。我應該到時會打和,而我的2800會有點賺。

最後睇返晒d圖,我感覺係向上多,不過未有signal明確向好還是向淡。

Monday, December 1, 2008

建倉




今日第一次做恒生指數細期權一張。short call 15400 收權金 418點,即$4180蚊,之後再用正股買少少對沖。結果就好似以上的profit & lose 圖咁。

今日做這個trade 當然要個落order的朋友(經已)做得好,加上我自己唔知點解今次好想做這個trade同好有信心。今日見到成交量低,no demand signal剛好係前高位出現,美國dji又有這個signal,所以覺得係做淡好機會。我自己估今個會係13500左右結算。

Sunday, November 30, 2008

十二月大市分析

今日星期日去左朋友家,三個人係到講下股票。其中朋友的策略也不錯,今日回家靜靜想想,其實係可行,決定用自己的options calculator再計,發覺有點似strangle。我自己對十二月大市分析係牛皮。

今日睇返期權倉,最大權倉係15000C 同 12000P 成五千幾張,所以我估十二月會係這個range上落。大市40%熊証係14000-15000,保守計大市會上到16000點,下望12000點。我可能會做一個方法係short call 但點數未計好,因為暫時iv縮得好快,期權金收得唔多而權倉又近日不知何故大升,我估可能係聖誕節時份,所以上升。

第二個理由係十二月一向都係基金放假月份,成交自然會疏落,所以一定唔會有力推向更高處。唯一較擔心係消息市,唔知中或美突然有好消息出現。

但反方係已經有人睇牛一來,因為週線圖的RSI 等等。暫時唯一有點安慰係那枝大陽燭成交係細。

#5, #941, 2628 走勢好似有點麻麻地。這個係因為no demand signal開始出現。暫時觀望中等開HSI short call。

Saturday, November 22, 2008

11月尾分析

咁快又08年十一月尾,係韓國機場而家已經有聖誕歌,香港都有燈色了。暫時分析係十一月尾應該會有向上,但十二月有點要留意係12000點Put有成五千張期權倉,真係大得驚人。遲點十二月頭才作分析。

暫時睇唔到轉勢的跡象,不過個是比較無咁波動,IV細,應該係遲點會有單邊市。而家日日都有壞消息,暫時個市都無太大reaction,我想過多一排應該會磨低牛皮。期指方面星期五成交好大,這一點要留意,有人開新倉,但不知淡/好倉主導。十大未平倉合約近兩星期都係好倉多過淡倉,我想大家應該不要睇得太淡(十一月尾)。

由於係香港,並不會長時間出trip,所以我應該會對我的蟹貨組合有點變動。遲點要睇睇我有幾多錢淨。我暫時還會覺得會破11000。

3968 暫時睇圖係非常弱。2628, 941 還可以。基本上金融股暫時係無運行。2628要看看星期一可不可以做一個像樣的大陽燭。

Sunday, November 9, 2008

又分析

之前話會跌,同加上到萬六點,所以暫時睇食花生睇戲算。現在我身在韓國,經驗上通常出差的時候港股都會較為波動,時限係兩星期。如果星期一做到一枝靚陽燭,咁個市有會升多一排,否則就唔多似好好。

暫時週線圖睇hsi 都係普普通通,要再留意一下。於係外地,暫時無都無乜大計。2628 我暫時都有點介心,唔似轉強。期權方面暫時見到call 係12000、13000同15000多左好多倉,而put方面係14000, 12000, 13000 都多左好多,睇個樣係上落市多,但波幅係好大,大家小心點, 不過唔知準唔準la....

Tuesday, November 4, 2008

發夢



首先,今日唔知點解公司無block個證券網,咁我當然走入去睇下即係期權,我自己都係第一次用。發覺13000 put 成交大,大戶可能會係總統選舉後做野。暫時睇跌!!!

上個星期我係日本旅行,當日星期一恒指大跌,我係酒店晚上睇CNN個時先知跌左差不多13%。之後因為病病地所以走去訓,訓訓下記得發夢,夢中見到任志剛話【好快會有反彈,目標去到16000,我重記得而家恒指得一萬幾,有無咁勁呀?之後我問彈到上去會點,佢無答之後我醒左】

諗返起都攪笑,任志剛點會講目標,但我絶少發夢,都係信住先。

Saturday, November 1, 2008

接貨

今日要接貨941了。係75 蚊買入941,而家的941 係67.8 ,計我之前收3.19 的期權金即係 (75-3.19-67.8)*500 = 蝕2000蚊到。 遲d 我要研究下做我的2628,暫時個價都幾平,不過我諗中資銀行或者保險係下年三月先係高潮,2628自己的保單增長快,但係某方面大增,自己上網找找。

綜合來講我自己的估不到跌得咁快,去日本旅行前都係估最多跌到13000點,點知我係日本返回酒店個時跌左差不多13% 一日,真係估不到。

暫時我睇返期權倉,估計十一月走勢係大約15000 (二千幾張call) - 14000 (三千幾張put) 點左右上落,即係個市的IV會慢慢變低修正。十一月頭應該偏好,十一月尾應該偏差。而家應該係築底,短期來講應該見底。因為近日連升三日,是近個月較少有的,這證明築底有一定實力。第二的是hsi週線圖已經出現一枝大陽燭,暫時睇來如果下個星期枝燭ok的話,應該還有得升少少。由於今個月應該係修正浪,所以波幅較細。

個股方面我暫時認為2628係弱勢股,因為10月28日的成交太大,可能有人力沽貨,暫時都係睇位開short call,不過我次次都話咁做,都未開得成。還是努力接貨中。

Sunday, October 19, 2008

向上還是向下


這個星期開始有公司倒閉,令我想到的是香港都中招。我諗壞消息應該係農曆新年過後開始變得更差,任志剛都話金融風爆未來,我諗會唔會佢地知道一些野,先提供100%存款。而且十一月頭美國大選,十一可能唔會太差(賀下佢)。由於以上問題,我覺得一個中線反彈會出現,幾時,真係不知道,之後會好似sars 咁狂插,個時應該係09 年中。2010牛市又來返,暫時我係咁估計。

中國的銀行招商出業積,己經開始有放援問題,暫時所有中資銀行股係無運行,睇圖你見近日成交大,似係派放格局。

我的股票期權要接貨,不過都預左,唯有接貨,第我十一月再出擊。我準備將我係BOOM的股票全部轉入去輝立,實行我個股票期權大計。

睇返期權倉,17000c 有好多OI,睇個樣今個月好難破17000。暫時睇係17500以下結,但應該會上返去15000以上。網上有好多人話會反彈又有人話會大插。我自己真係唔知,睇圖而家下跌力還有,尤其係週線圖走勢奇差。日線圖方面做左個bearish engulf的candlestick pattern,但成交量比較近日不是太大,所以我會睇定d 先算。其實跌到14xxx左右佢都反彈得好快(雖然升一陣又跌),但都俾到一個力上升係到。不過暫時個力就差d,唔排除跌到13000 先有返個中期反彈浪。

大家見我每週寫blog,但好少做買賣,一來無膽同驚,二來我keep住對住股市係希望將來可以幫我找到外快,有點收入。雖然暫時無乜用,但我想三十歲前應該功力會出來。最後,下星期去日本暫停寫blog,十一月中都會出國training,根據過往經驗,我出國越長,港股波動越大,小心!!

Tuesday, October 14, 2008

回應Jay

想問下option,版主應該係sp。 (主要係short 為主)

想問如要買option,個買賣情況係點!
1. 自己開價?(行使、期權金)
市價,好似買股票咁,你開十萬蚊一手941 邊有人買

2. 按金點睇(上過hkex,唔係好明)
基本上按金係每日收市時hkex計出來的,平常人係估不到。按金係你需要有的錢放係你期權戶口到。

3. 同經紀講想sp?(有無咁簡單)
買股票期權可以同經紀或者上網買賣,你夠錢就做得。 平時網上只有買,而家會有多個選擇做沽put / call。 (開個期權戶口就得,好簡單)

4. 駛唔駛成日「目及」住?
好似買股票有d 人日日睇住有d 唔多睇

5. 咩情況要轉倉?
通常你d 期權嚴重價內又快到期,你又唔俾人行使,咁就要轉倉。

6. 接上,咩情況要斬倉?
通常唔夠俾按金或者你要止蝕

7. 接5,轉倉有咩技巧?
這個好復習,個個人都唔同。住要係平左你即月期權合約,再沽遠期put / call 收期權金。

8. 接4,睇咩做行動指標(volume、price、未平倉合約?)
個個人唔同我住要睇candlestick + volume + implied volatility 其它唔多睇。

Monday, October 13, 2008

小反彈

近日好忙,同朋友日日出街玩,點知佢今日都滯留係港,因為佢 visa 有問題。長話短說,睇返期權倉, 十月應該無乜力下試14000點以下,應該十月中以後會反彈為主,目標最高係18000點以下。

近日多國救市,但睇圖看成交量還很大,有可能會再試底。加上曾俊華的言論,我自己認為唔洗太高追。

這個月股市十分波動,我的股票期權超級價內,期權金去到成萬蚊,真係可怕。幸好一早有錢做準備,如果唔係實俾人挾爆倉。不過今次應該要接貨,真係可惜。

由於十月尾去旅行,所以暫時不會太過積極入市,十月尾過後新公司出糧後,資金會較為充裕,到時才想想入市策略。近日好累,唔寫太多了。

Saturday, October 4, 2008

港股十一月陸沉?



1) 今日睇期權分析,發覺Put 多過Call 並且一層層每係萬五 、萬七等都有倉位,倉位不是很太,但最特別係十一月的14000有成三千幾張,我自己覺得可能會係十一月跌到落萬四點都唔出奇呀!!! 不過暫時都唔係太sure,暫時睇個市有望係萬八點以上。不過倉位真係有點奇怪,大家小心點。

2) 近日五號仔都好強勢,但恒生爆左單新聞,五號仔無乜理由唔中招,所以我抱有懷疑。

3) 政府係夠唔到股市,所以我都唔相信e 個熊市完結。

4) 好多人話股神巴菲特買好多野,但大家知唔知佢入個d 係優先股同有10%利息,又或者佢有特權先入,所以我暫時覺得佢唔係看好股市,而係個市無乜好買,找點安全的東西來投資。

5) 睇返恒生指數週線圖及好多股票都出現no supply signal,但還需要時間驗證,還是觀望為妙。大家不是睇得太淡。好多時做人好矛盾,個感覺話淡,但個圖又唔係太淡,攪到自己無乜信心。

6) 綜合來講睇唔清方向,不會太淡,還是不做任何交易為妙。如果2628 再升我會short call,希望做到11月有千五元的權金收入。十月會好忙,又去旅行又有朋友來港找我,所以會做少d 交易待十一月才出撃。不過暫時想做33蚊的十一月2628 short call 收一千蚊權金,好似都唔錯。

Sunday, September 28, 2008

等待



1) 今日睇返d 圖同期權倉,暫時睇今個月月尾有望係19000 點以上結算,二萬一以上就無乜可能了。
2) HSI 個圖成交縮小,並有hammer-like candles,分分鐘可能會有小型爆單邊情況發生,星期五微微向下,暫時要看多一兩日才可以確定走勢。
3) 暫時情況不變,中長線看淡。hsi 週線圖不是很靚,所以唔會大手入貨。遲少少看個恒生指數期權,做一套straddle。
4) 中國人壽去到阻力位,成交變大,力就有,但我諗佢需要點時間了。
5) 招銀又係成交變細,應該等出方向。
6) 中交建同中國移動就差少少。
7) 多隻大股都等出方向,唯有慢慢等,#5 可能有力上。
8) 暫時策略不變,候機開權倉。

Sunday, September 21, 2008

短期向上



今個星期真係好精彩,大插大升,令到好多人都找不着頭腦。自從新工後,我不能做今何股票及銀行網上活動,令到我十分苦惱,暫時只可以想到是打電話。不令貼市有好有壞處,遲點才知結果。

組合如下:
2628: 33.66 * 7
941 : 89.9 *2
3968: 29.44 * 5
1800: 10.3 *2
Oct 941 short put $75

講返大市,分析如下:

1) 期權倉應該會係二萬點以上結,二萬一以上有點困難。21000C 好大倉位,困難重重。
2) 暫時睇個市係向上,但成交量超大,加上19/9 日那支陽燭唔係好大,我暫時睇有點介心。不過佢點都會升多一排,因為唔係十字星。
3) 看返週線圖HSI,真的好似以前的decending triangle, 一大插後會反彈,但反彈到頸線會回頭再大插過。此走勢尤其係wyckoff 的theory內,佢指明大成交的回升將來有好大機會回試,所以我暫時會係21000 左右short call 2628,lock 實我2628 @26.1 的利潤。
4) 任志剛的講話到的說話我認為吻合我的阻力位。
5) 要諗方法處理1800。



今日同朋友們傾過下投資方法,幾好。

Monday, September 15, 2008

風雲大變


自從我開始買股票期權,有朋友問我這方面的問題,暫時我權倉係蝕錢中。近日中國移動真插,我的 P @ 75 OCT 變成ATM,好彩就未變DITM。今日看看週線圖,有可能會跌到落60蚊,如果我75蚊硬接,我會輸15蚊即係$7500。當然,計權金就輸六千左右。要救這個otpoins 可以有:

1) 接貨乜都唔理,唔理佢當睇唔到。
2) 蝕錢平倉再short 下個月或遠期 put 再收權金
3) short call 做straddle

以上方法1) 最方便, 3) 係最煩, 2) 就因為當時會去日本,執行上有點困難。因此我可能會接貨。熊市short put 買貨我自己覺得係一個可行方法,好過放係銀行無事做,我的目標不是股價脤面,而是股數!!!

941 在星期日又有壞消息出,真係壞消息一大堆,睇來星期一又會跟大市向下。暫時睇來回去到七十蚊水平,估計會蝕千五元。不過941 是hsi 重要成份股,升市一定要靠佢,二來 PEG小過0.6,都真係幾平,接貨都唔係太膽心。

1800 中交建,我有兩手,買入價是10.3,現在又係蝕錢中,暫時有個諗頭係short call 11蚊,升破時放貨,我原本都唔想要這個手,諗住入2628。

如果大插,會去到底邊,慢慢牛皮,這個問題遲些才算吧。插得比我想像中快,真係估不到。美國間兄弟銀行死左,明天5號仔必死,唔知會唔會係最後的銀行板洗倉。

現在是策略很重要,這個星期的週線HSI rsi 應該會去到超賣,我會根據自己的習慣進行買賣。期權倉倉位係Put 1800 有成三千幾張,暫時係重倉位,應該會唔會大破,照我計劃入返小小股票。中國出減息消息,睇來中國經濟都係唔多掂,環球經濟風雲大變,大家好好把握,小心行事。

我會不會一無所有,我的股票會不會好似日本那樣,一振不起? 祝我成功。

Friday, September 5, 2008

Catch the falling knife

今日終於做了股票期權,真係人生第一次。

倉位:
Short Put 941.HK Oct 75
收權金約 $3.19 * 500 = 千五到

入市一來有人打強心針俾我,二來IV超過40%,平時941的IV 約三十幾左右,三來今日係panic sell,最多跌2.9%,應該會有反彈。

暫時諗法,如果下跌到72 左右俾行使,都係一個好價錢,唔想行使可以roll到下一個月收期權金,只要唔大又快咁插應該問題不大。

股票個方面今日買入3968 @ 23.35 一手,再跌會溝多一手貨。有於實股,不是太擔心。1800 連日洗倉,由大賺變到蝕,好彩今日係尾市個時彈返上少少,暫時不理。2628 係都唔多跌,不會入貨住。

而家個位會慢慢加碼入倉。我自己有差不多數萬資金,九月尾個時有我舊公司的AL 補錢及新公司的入職花紅,所以都有幾萬,應該俾到我加碼入倉。最重要係我睇九月尾係會升上到二萬點以上,所以九月中應該會轉勢,十月個時會有反彈浪,並安全渡過美國總統選舉。

現在用左一注錢,買有兩注,可惜錢真是不多,唯有小心行事。港股尾市再插,星期一開市有點擔心。

Sunday, August 31, 2008

靜觀其變



大市方面多隻指數股都開始有力不從心的現象,唯獨941因之前俾人狂插,有可能會有點反彈,但現在有一個現象,就是不同指數股俾人輪流洗倉。這個現象有點似開始進入熊市三期,就是二三線股跌得太殘,無人理佢,而指數股卻是最後一批的洗倉對象。這個情況應該會出現一排皮牛市,可是緊日金融股反彈,真是需要時間來證明。

我自己的股票,1800, 2628, 3968 甚至939, 5 , hsi 都去到一個叫dead of centre 的地方(黃金比率 0.5) 左右,這個是地方是一個阻力位,但暫時睇成交量都應該未有能力去衝破佢。近日佢地都係成交大或出現upthrust等signal,並有no demand signal,所以現在做的是觀望。

HSI 週線圖出現了陽燭,暫時對這個陽燭有點保留。

期權倉方面,put 是多過call 的,並要注意重倉區在21000 及20000點左右,call方面就21400以上,所以估計今個月會在21400附近結算。有點要注意,今次期倉倉係put 個邊好散,會唔會插到20000點以下呢?真係唔知道。

關於外圍,美國可能打風,油價會不會升呢? 打仗有沒有幫? 美國數據可以收正後大好,真係攪笑。美國總統是在十一月,通常個市都要例好。最後,九月尾係季結,都係會轉好的。

Saturday, August 23, 2008

反彈



原本上星期諗住反彈先插,點知就一野插左落去無水花,真係估唔到,不過好彩乜都無買。而家RSI已經係超賣,通常都會反彈,反彈定見底呢? 無人知道,唯有耐性地慢慢等。

1) HSI 週線圖見no supply signal,下跌能力有限
2) 美股做好,香港有望裂口高開,但我對裂口一開都有介心。
3) 暫時期權倉有高手話會插落二萬點後好快升返上二萬一點,不過我自己睇都會係二萬一七到結算。

4) 上圖係美股中國人壽LFC的point & figure chat,我諗好多人都唔知係乜,自己查下。
5) 而家好多股都做緊三底,三底一升唔返跌穿機會係好可怕的!!!
6) 希望入多四手中國人壽係牛市前買夠貨。暫時有75%係股票,25%係現金。
7) 8/18/2008 當時HSI & HFI 都有no supply signal但可惜失效。
8) 睇返HSI,七月尾八月頭個時好明顯見到upthrust+high vol,之後8/18日no supply,之後有一個大陽燭,證明大市開始會有反彈。
9) 如果佢又升返一半,大約係21800左右同我自己的期權倉倉位吻合。
10) 暫時都係等待!!!

Sunday, August 17, 2008

機前有危



近日多隻二三線股俾人洗倉,好似之前的美聯物業,幸好本人把心一横,止蝕離場,否則真係蝕大本。當然,止蝕已經遲左,如果唔係應該可以有可觀收入。真係大教訓!!!

講開美聯,發覺blog界有好多人中招,但自已又唔係blog到寫自己中招變大閘蟹。大家應該小心嚴選優質的blog才可看。

講返大市,大市連跌多日,應該有一定的技術性反彈。HSI有一個 no supply signal,暫時不宜太淡。好多blue chip都俾大戶一隻一隻咁洗倉,例如941, 939 等等,大家應該有心理準備5 號仔可能係其中一隻。而家點底個時成交都係偏大,我唔排除一兩個月後大市會跌破二萬一千點,因為hsi週線圖不是太好。由於後市不明暫時只可以說短線睇好中線睇淡。

個股方面:
939/ 941 / 3968: 大成交下跌,應該會有技術反彈,但係可能會再試底。
1800: 可能會有一個反彈,因為做緊一個成交量好細的doji。加上之前有d hammer-like candle,所以可能會見底。
2628: 較大成交的doij,暫時牛皮。
857: 基本上似俾大戶洗晒倉,要等下一個牛市先有作唯,應該唔會大跌大升。

睇返自己的資金,暫時都係唔夠錢大手大手入2628。唯有慢慢儲多點錢,希望遲點有十萬大軍吧。

Sunday, August 10, 2008

大市分析


暫時大市無乜方向,自己都唔係太識睇。睇期權倉位,暫時都好似上星期無乜重大變化,估計會係22000 左右上落,同期指圖的裂口差不多。

1) 1800, 3968 陰陽燭待變,可能會少少反彈,暫時方向不明,耐心等待。
2) 941 有望跌穿$100水平,見佢係$100 死守,成交量變大,但應該暫時唔係時候跌穿,大家要等待下。
3) HSI 週線圖出左 小小 no supply ,成交慢慢變小,但星期三因風球無事,所以要格外留意。
4) 有人說歐洲經濟將會變差,又有人說歐洲經濟不是太差,更有人說八月尾九月中係決彈時刻,暫時真係唔識睇,努力儲錢,等待入市。
5) 上A係咁跌,但H股指數股無乜跌得唔係好勁,這點要注意。
6) 有人說油金跌,對股票市場有利,但睇法可以解說做無晒d 錢,要拿錢夠美國?
7) 2628,好似無乜力水上去,牛皮偏淡,但信心不是很大。
8) HSI原本諗住衝多一浪先跌,點知就跌早左。感覺唔會咁快大跌,原因係今個星期最後個三天下跌成交較大但力度不是很深,同樣升市時又成交大,並插返下來,所以走勢應該都係好淡打仗,加上doij係保力加通道底,唔會咁快大跌。

Sunday, August 3, 2008

大市分析 - Trading Range


今日睇期權倉,發覺八月頭個倉位係Put 21000 + Call 24000 有好多倉,估計大戶 short 兩邊食期權金,即係本月大市應該係e 個range附近上落。幾時上落就唔知,可能八月四日hsbc出業績一係八月八日奧運之後會有所變化,一切有待觀察。

1) HSI 週線圖係一個 hammer 待變的可能或者係一個testing,暫時無方向。
2) HSI 日線圖如果星期一高收+一個大陽燭,後市向好,但水位不大。
3) 2628, 3968, 1800 都係hammer-like candle,有待星期一驗證。941 都係,又要好似日線圖咁,一枝大陽燭。全部感覺偏淡,但無signal出,只是感覺。
4) HFI 倒升日好大成交,星期一一定要升,否則會較為利淡。
5) 272.HK 好似大戶收貨,有待觀察,應該係內房明日之星。

Sunday, July 27, 2008

大市分析 - 牛皮向好


暫時睇應該唔會太大跌,因為結算就來,權倉無乜大變化。我睇權倉應該係22800左右,應該係咁。HSF 一個hammer-like candle加個大vol唔似太差。

個股方面如下:

1800: 走勢麻麻地,可能遲d 會我會沽左佢。好似講左好多次....有排先會升返上去
2628: 好似不太差
0941: 俾2628差少少
3968: 都係唔會理,之前走勢不是很好

近日用五號仔挾指數上,8月4 日係業積公佈日,由於裂口太多,加上七月廿一同廿三日成交大+裂口太高+燭身較細,我驚到時會用好消息出貨,大家要小心。

Sunday, July 20, 2008

大市分析

1) 暫時都唔知係唔係見底,要等兩次的爆上及回落先知。而家只係等!!!
2) 雖然入市訊號未出,但感覺好似見左底,都係等signal。
3) 期權分析應該係22600左右,但要注意權倉會成日變。
4) 如果今次小陽春又底過之前的26000後回落,咁個市好可能會跌破20000點。
5) HSBC (唔係香港的0005.HK),近日成交量奇大,真係奇怪。
6) 2628走勢麻麻,但又未太衰。

Monday, July 14, 2008

大市分析

又係大市分析的時候,我希望每週寫一次,增強自己的分析能力。暫時見到係咁:

1) HSI & HFI 見到no demand signal,兩者出現此signal + 係裂口位,下跌機會大!!! (廢話美國星期五先插完)
2) hsi 週線圖可能做底的訊號,暫時唔明。
3) 睇返圖,熊市通常一至二年,最多三年到。而家係狼市,應該一年攪掂。
4) 美國債市大獲,因為睇上網d blog分析,佢地個問題幾間國際大銀行加晒d 儲備都唔夠。打銀行工d 朋友就有心理準備加薪方面。
5) 因為以上問題,睇來美國又係到印銀紙,黃金應該長升長有。
6) 全球的通脹問題美國暫時唔會點理,即係美國唔加息,自己經濟都ok差,最多出口術算數。出得多作用不大,d 油應該升多一浪。
7) 期權倉今次發覺七月頭個時d Put 有成六七幾張 Call係二千幾,而家兩者都係二千幾。記得月頭講可能去到二萬三千幾,而家睇來唔會。倉位集中P 21000 / 20000,C 係22000 以上。即係最多係二萬到二萬二左右上落。
8) HSF 今週成交好大,原因不明,估計殺淡倉。但唔似變好倉,HSF週線圖咁大成交,最要係陽燭但彈唔高,即係big effect, little result,有可疑。
9) 上a 唔識睇,但暫時去左阻力區。有人話會去到二千五左右。日線圖有小小似派貨,唔肯定。
10) S&P 唔洗點理,三個字無眼睇。香港decouple 得唔得就真係天先知。

暫時保留現金。來緊星期去日本好大,通常我出去做野都個市都唔多掂,幾準ga....haha

Saturday, June 28, 2008

策略 2nd Edition

今日研究下我手上的資金同股票,有以下發現:

1) 週線圖hsi有no supply signal
2) 週線圖hsf成交量奇大-- 暫時看不明,不過不尋常。
3) 之前睇還可能有一跌,所以還要忍耐,忍耐。
4) 七月期權倉有幾多put ,所以如果今個七月係24000- 23800 結,咁大戶就賺到笑。
5) rsi 跌到20,反彈可能發生。

策略:
1) 可能反彈時放1800 ,跌到殘,俾大戶洗倉,賺小小去溝貨算。
2) 希望入兩注2628。
3) 小注溝3968,再平均價拉落$30 以下。
4) 餘錢買股票options玩下。

看法:
1) 暫時只可以示作技術反彈,要有明顯的突破才能改變看法。
1 - Big Effort = Big Volume ---> Good Result = Big White Candle
2 - Retraction = Diminishing Volume
3- The Effort needs to be continuous !!!

倉位:
1) 約二萬四千四左右先有錢賺

返查數字:
2007年: 賺2萬8
2008年: 暫時脤面蝕六萬一,已蝕一萬二千六。一共蝕七萬二千幾。

暫時現金: 股票 約 16: 84。

今次對美聯物業真係不幸中大幸,如果之前早點出貨就唔係咁傷。當時入市無問題,只係出貨時成日以為基礎分析好掂,唔理佢,最後大戶洗倉,如果再遲d 放真係幾年唔洗諗住返家。其實今次2628, 3968 我諗都要set返個止蝕位,唔係好似我咁坐貨。要諗下基礎同技術分析的平衡。

Friday, June 27, 2008

又來分析

今日跌市,不得不提一位朋友,看得真係幾準。我又如何? post幾記之前講話可能見底,但我係唔會入貨,因為reward: risk唔高,而家再睇返:
1) 條下降軌無破都唔好買貨。 (後來研究出來)
2) 上文提的倒升signal最後收市個時做不到。 (要一個倒升變陽燭+第二天再收大陽燭)

今次真係入市signal救左我,所以信個方法好個信自己個心魔,有錢就想入貨係唔掂的

又講返個市,今次的走勢會唔會好似前文真係天先知。有一樣我果然無錯係 10/6/2008 個日下降個時成交又增多,以我個理論,又要再數三個下跌浪先見底,如果今日第二個,即係重有一個先停。

今日望實 d put options ,諗住係$24 short put 2628,牛刀小試,權金真係好少,好似朋友話渣不如做期權好過,我都覺得講得對。今日發現係個2628 $24 options, IV 係都上唔到50% 以上,即係唔夠貴,唔貴唔short.........

Thursday, June 12, 2008

倉位

我個倉位大約係二萬四千四左右,即係HSI跌過這個位我就會輸錢,咁即係我輸緊錢,就係咁簡單。睇下無機會溝貨,暫時可能會有反彈浪,去到邊就唔知,唔知會唔會一去無回頭la...

Wednesday, June 4, 2008

大市分析

記得四月中時說過大市可能已經見左底post 。現在六月,暫時諗法都無變,都係慢慢儲錢再入貨,不過未諗到入股票一係開股票期權。好多人話美國或者中國經濟問題,其實我自己都唔知。美國可能將會踏入加息時期,即係代表經濟可能會好返。中國的奧運,通常舉辦國都會一兩年後經濟唔係太好,所以大家要小心點。

近日學多左期權的東西,同又再學返圖表分析。變我的感覺係風險管理或者入市的策略係最重要。估唔估得中唔係太重要,最重要係策略,這方面尤其係期權中體會得到。

我看大市(HSI)向好有以下理由,
1) 一月中大市以超大成交下跌這是一個singal 。
2) 三月中做了個Hammer candlestick,即係插落去後即日倒升,成交很大,強手再入貨。
3) 四月頭大市以高成交向上,大反彈力幾好,不過佢回落時成交收縮,意味住想沽貨的人少。
4) 四月尾成交增大,可惜四月廿九日當日成交極大但反彈力很少(25500),有派貨意味。
5) 五月開始下跌浪,但成交又有少少減少,都係意味沽貨人數減少。
6) 今日會做一個倒升格,如明日向上,我會上望26400。發覺近日都跌市,成交都是較多的,不過跌幅不是太大,可能有心人托市。
7) 我不會入市,上升空間對我這個入市sytle 不符,還是觀望。好可惜四月中無錢入市,真係太可惜。
8) 我自己覺得跌到二萬點機會不大,因為大戶做得上去,點會俾你買貨呀,除非有好特別的事件發生。我暫時話21000係超強大支持位,一來有HSI有支持,二來中國上A 3000點時出招。暫時牛皮靠穏。

Monday, June 2, 2008

Wyckoff Method


我諗大家都無聽過Wyckoff Method。一個好久好久以前(都成個世紀)一個唔係太出名的人用,佢個方法連Livermore 都好相似。佢個方法係basic on 最簡單的law --- Law of Supply and Demand。個方法有點似我用的Volume Spread Analysis。其實我以前都有學過下,但因為太難學,所以放棄左。而家識得多左,再睇返,發覺好多技術分析都係由佢變出來。佢個方法真係太難學,唔係好似乜RSI > 30 就反彈,個方法唔用indicator,只用price + volume,好似睇幅圖之後自己欣賞。

Wyckoff Method 我見有人會用圖(正常圖)+ P&F Chart 我都唔知p&f 係乜圖,好奇怪的圖。佢地的正常圖係只有Closed, Day High 同 Day Low,夠晒特別!

香港都唔見有人識。幅圖係我星期日研究,佢個方法用Daily Chart好適合我自己的style。由於學習中,所以睇圖各人會有出入。

Tuesday, May 27, 2008

中國移動

琴日有朋友打來問我中國移動點睇,我當然話唔洗驚,最好跌多d 等我入貨。暫時睇法係3G的三張牌照法給三間公司,你可以話中國移動的3G優勢細左少少,但風險又平均左。我的睇法如下wcdma和cdma2000係非常成熟的技術,但國產td-scdma 就麻麻地。不過後者可能會平一點,同將來可能可以推廣到其它地方。

有兩樣野要注意,鐵通係做地線,佢係完整,對中國移動的發展係有幫助。大家最近都有廣告想手機同屋企電話合拼。至於其它又要攪上市的買賣,又要股東通過,都唔會咁快攪掂。中國移動的優勢一定係到,暫時無可能打死佢,見報紙又話乜無晒優勢真係攪笑。佢又唔係好似美國at&t咁俾政府分折唔同公司,又唔係好似香港電訊咁無晒市場專利(最賺錢的長途電話無左),點會咁快死人。大家諗下以前3G出時邊個會用,最多咪係打電話出同入。但有樣野不得不突,就係光纖到戶,這個可能係未來的大潮流,但我唔知咁合拼同中國移動有無用。

3G最大用處係佢的HSPA,即係無線boardband,同將來的mobile TV。我知道td-scdma已經測試成功,應該唔會對持牌者有太大技術問題。要建一個3G網絡都要兩年到,暫時睇唔到中國移動有乜問題,建網絡初實有問題,你一定要有2G網絡輔助,質素上中國移動佔優。新聯通的網絡客戶係低質數,但新聯通有晒銅線、光纖、WIFI、GSM/WCDMA業務牌照,未來有優勢,但需要好長好長的時間。

我其實都幾同意林森池的講法,中國一定要中國移動強大,走出中國好似Vodafone咁,對將來中國建交(幫人起通訊網絡)等有深遠影響力。

琴日睇返中國移動的IV,去到57%,係近年新高,如果開short put真係好時機,都證明左rsi低過三十,IV高,反彈機會好大,short 即月股票期權收期權金有著數。

Monday, May 19, 2008

股票期權 二



上文講到我會寫左個program分析下d 股票期權,琴日星期日一次個寫個晒d 程式入晒去MS Access database,好個用Excel。暫時入左一個月data,入到人都傻,係公司入入一唔小心洗晒d data又入過,不過最後攪掂。而家係用Excel plot 圖,直接係Access拿data,要乜code, date 等等一press 個button就有。有無用就唔知,不過本書話同上網d 人話IV好重要,所以入左e 部份data。

基本上大跌市時期權金會升, IV升,個時做short put好似幾好。本書有四大strategy。
1) Short Naked Put
2) Short spread put
3) Covered Call
4) Ratio call

暫時計過如果以我有廿幾萬現金同貨做期權,我可以每月有約二千玩收入。

Wednesday, May 14, 2008

股票期權

近日對研究股票期權,雖然好耐之前都有研究,但今日多左個朋友(Alex)抄期權,所以問佢d 問題方便好多,解答左我好多疑問。今次真係的起心肝慢慢入返d 數據入電腦再係Excel 寫左少少program去分析,發覺股票期權好有用。暫時睇書同研究左一樣野:

1) 用股票期權買入中國人壽,可以平成三分二咁多,咁樣如果林森池話三十八蚊樓下好平,點解我地唔用這個方法買入
2) 如果真係跌到傻,你咪行洗張股票期權接貨,補返差價接貨(同你當時買入正股的價差數百元only),然後坐貨lor....林森池話可以好安心坐嘛,唔洗驚。重點係唔怕坐貨,用股權溝貨
3) 如果買完真係升,你就發到變豬頭
4) 當然要某特別環境來做,暫時研究緊,方法好似可行,我會寫多個program試試
5) 因為你hold 住股票期權時用好少錢買,所以你可以有餘錢買其它野 或者放去銀行收下息。香港有成年後先到期的股票期權,放入去定期都得la...

股神畢菲特佢都有short put 的,唔好以為佢只係買正股!!!

Wednesday, May 7, 2008

預測

暫時我睇圖係睇日線圖為主力,但係發覺我只可以估到幾日的走勢,完全不是我想要的。我想要的係一個大浪,如數星期,所以我唯一的諗法係要用週線圖。我買大股多,只得數天的預測可以話無乜肉食。

Sunday, May 4, 2008

Daddy

2008年5月4日早上3:20分

放心,我地會一樣生活得好好。

Thursday, May 1, 2008

Bull & Bear

為甚麼是牛市?

在美國...
增加money supply係?經濟差的情況下發生...
增加money supply...減低interest...
在生意角度看成本低了...
在投資角度看bond value高了...從而股票價格變得相對給引...

香港沒有能力控制自已的monetary policy...
但在高通漲...經濟好...又跟隨減息下...
港幣會depreciate...
但資產價格...樓價跟股市就會上漲...

美國面對的是短期和中期financial market信心問題...
貝爾斯基是因為financial market短暫信心問題而借不到cash...並非市場其他銀行沒有cash...
美國政府做得很好就是很快做了擔保...解?了短期信心問題...和financial cashflow問題...
至於中期的...
美國銀行賠錢是因為bond market信心問題...
那些mortgage back securities 是變相derivatives...
因為市場信心...這些MBS市價跌得很厲害...加上有些MBS跟本沒有市價...
美國銀行只能在這刻大量撥備...
但撥備並不是realised loss...只要仍然有principal and interest repayment...
當信心回復時...就能回撥...

股票是買將來的...不是現在...沒有信心風險...?豐怎會有多於6厘股息...

irst of all... how do we define a bear market???

* In terms of fundamentals... GDP drop to -ve... unemployment rate rise... Lending money start to shrink... we cannot find all of these at present moment in Hong Kong...
* In terms of technicals... someone define it as index drops more than 20%... someone defines it as the 50MA dropping below 250MA...
* I have my own definition... I define it to be a dropping of index in around or more than 1 year of time...
* Thus...from my own definition... In last 20 years... the bear markets that HK experienced are...
* 94-95...97-98...00-03...
* I defined 87 and 89 as corrections only...


Now I will try to eliminate why the market is not bear at present...

* From my definition... if the market is bear... it has to drop below 20500 again...
* if it drops below 20500... it will be a prolonged dropping period... and will last for around a year from last Nov...
* However...we cannot see Hong Kong has the fundamental financial and economic environment to support the bear market...
* If there will be a bear market... it has to be influenced by US or mainland China...


Will US has a bear market???

* Surely the property market of US has dropped... however the major property stocks in US has already drop by around 50% which has reflect around 20% dropping in property price already...
* Keep in mind that the DowJone does not have major property stocks in it...


So is the sub-prime crisis gone already???

* My answer is that the investment banks is majorly impacted by both the cashflow raising difficulties... and the market value drop of the mortgage backed securities...
* The cashflow raising difficulties has been solved in the Bear Stern case from the Federal...
* Market value drop is a matter in faith... the reserve that has been made in the unrealised lose in the market value securities held by investment bank will improve in the future...


So what will make US going into recession???

* Continuous reduction in property price...
* Increasing in bad debts from other lending segments such as credit cards and personal loans...
* Substantial reduction in the consumer spending behaviour...
* I believe the chance in observing the above facts is not great... but there are still chances...


China market

* The bull market of China only start from mid 2005...
* if it is bear market right now... this will be the shortest bull market I have ever seen... and given current China fundamentals...


My portfolio

* I build up my portfolio when HSI was 22xxx... I believe there is 70% chance of bull market...


Portfolio Risk

* The risk is certainly the current market is bear market... if it is a bear market the HSI will drop below 20500 again in 3rd/4th quarter...
* the index may result in 16000 to 18000...


How to reduce the risk

* I will review the market environment in mid May to see whether the chance of Bear market increase or not...

Tuesday, April 29, 2008

中國人壽

中國人壽大跌六成,最大問題唔係投資收益,而係賠償準備金同退保金額幾大。暫時網上都有好多高手有支持,有投反對,更多的人係持有觀望乜都唔做。我諗要等森林池先講解下佢的睇法。

暫時投資都係觀望等待機會。我的睇法如下: 中國經濟領導人係豬原將以前的手下,所以手斷應該較為強硬,因此到a 股狂跌去到三千點左右才出手救市。之後温家保口風由叫大家小心,到話現在去到合理水平,中國人壽又推新保險,都係証明三千點係一個好的價位。人民幣要等a 股合理水平,加美元等貨幣下跌才可以變自由對換,中國政府不需再有宏調,應該債市上升已經投左票。

美國減息,要等九個月,即係第三季尾。如果三千點真係底,那麼好多重磅股會升返,到時佢地投資收入好,盈利會暴升。

Monday, April 21, 2008

組合回顧

去左英國受訓,好耐無理個市,一來無乜好講,二來好lazy。

首十名未平倉合約好倉同淡倉差火多,比上幾個星期好,而家係連續第二個星期向好,所以大市應該唔會太差。

大市而家時好時壞,好難講,暫時我中國移動好勁,剛去到蟹貨重災區,應該係個到徘徊,即係一百三十左右。

美聯可能會做雙底,因第二個底茖去七蚊左右個時成交變細,更有一日大成交跌市,第二日無大跌,唔係太差,所以暫時觀察中。

中國人壽係廿八廿九蚊左右徘徊,睇來唔會再跌返廿六蚊,個區成交勁大,應該有人強入貨。

大市係二萬四徘徊,暫時無乜方向。不過方向應該會就出,因為成交量微微增加。

Monday, April 7, 2008

圖表分析



暫時升市成交減少,可能明天或後天日有小小回調,只要唔大跌就very good,企係到整固再上就掂。週線圖的HSI有一個變型的morning star,所以應該可能有望見底,但暫時只可以作較大型的反彈浪。大家睇下日線圖,係三月十七同三月十九日見到一個hammer 同一個doji,加上隔一日係彈上,並且只係幾日,我諗係大戶測試個底同作最後震倉用。

還有A50基金近日成交有異動、温總說話的語氣比以前温和、上A升左、美國壞消息出左一大堆、商品尤其係油大跌,我懷疑係基金由商品走返去買股票、美國/美金跌得無咁勁、十大未平倉合約終於係好倉多過淡倉。加上多間公司業績都幾好,暫時都係睇會唔會企得穏係24000-25000 附近,因為我諗好大倉位係個到,會打大仗。

睇下圖941 / 2628/ 857 /939,941 同939 都幾強勢,加上個月中似有收貨signal,大家見佢地一破左一月廿二日個底時,成交量係急增,即係大戶可能入貨,要留意。

Tuesday, April 1, 2008

短評

近排心情麻麻,太多事煩,不是金錢及人類所能控制,無乜點理投資。基本上我暫時睇個市有點反彈,唔會太差,應該去到二萬四,時間係四月中左右。大升市應該要等十月下旬,記住熊市只係佔股市的三成時間,其它時間都係牛市。世界各地有好多新興市場,美國唔掂,雖然有點影響,但應該唔會打死港股。

暫時我的投資組合:
2628: 業績幾好,EV HKD 9.8左右,$28 樓下可以入。有人話好,有人話唔太好,暫時觀察中。
1200: 業績不錯,但係炒股,小心,需要時間,隨時賣走佢,香港樓市有d 人話放緩。
3968: 業績幾好,估佢08年都有三成增長,但宏調關係要小心,暫時股價合理。
941 : 業績幾好,所以跌得最少,唔洗掂理佢住。3G出左台測試,無乜特別。
1800: 唔知...未出

Monday, March 17, 2008

投資重創

我係06年買入第一隻股,但接觸股票就係大學個陣時,當時暑假無事做係到睇投資書。今日係我有史以來第一之投資重創。

我的美聯跌破7蚊,做緊6.82,我現在還有一手。今朝係7.1放左一手,我買入兩手的平均價係10.72,真係輸得好慘。係好慘烈。原本基礎分析係好好,但技術走勢不利,我當然以基礎分析先行,點知諗住8 蚊放,佢一彈到9 蚊,11蚊個時我唔放,諗住可以炒減息,應該有機會重上,結果唔放,真係大錯特錯,要係而家先來壯士斷臂,係好唔要得的行為。美聯唔似人壽個d 大股,所以我一定要走,今次真係俾好多錢買個教訓返來!!!

Thursday, March 13, 2008

又入中國人壽

今日入左一手中國人壽@27.85。入的原因係溝貨,有錢就入,目標係有咁多入咁多貨,我長線絶對看好。唯一擔心係美聯,下星期係關鍵,佢再跌就真係走人,唔理la....,到時換馬入中資股。如果大市再插的話,只要走左美聯我係完全不換擔心。

而家有六手中國人壽,平均價係34.9。如果要慢慢溝到平均價到三十蚊左右,如是者我要入到有十手中國人壽,我諗佢兩年都唔洗升返上三十蚊。咁我真係慘,暫時EQ都頂得順,我媽係咁叫我唔好入貨,但我無聽到。入完又要等三個月la.....希望早到手中有股,心中無股la....

HSI 由高位跌左三成,中國人壽跌左五成,真係股災呀!!!

% Lose % Recover Buy P Current P $ Lose Total $Lose
1 0% 10.76 10.76 0 0
0.9 11% 10.76 9.684 2152 4304
0.85 18% 10.76 9.146 3228 6456
0.8 25% 10.76 8.608 4304 8608
0.75 33% 10.76 8.07 5380 10760
0.7 43% 10.76 7.532 6456 12912
0.6 67% 10.76 6.456 8608 17216
0.5 100% 10.76 5.38 10760 21520

以8.07 計要美聯升33%先可以recover到,根本可以話無可能,上面太多蟹,實在困難重重,所以真係要恨心點。

Sunday, March 9, 2008

組合檢討

我現在組合如下:
2628 中國人壽
941 中國移動
3968 招商銀行
1800 中交建
1200 美聯物業

暫時我最驚的係美聯物業,平均價係10.72,現在有兩手,就係輸緊(10.72-8.97)*4000= 7000 即係16.3%。現在的選擇有:
1) 止蝕,估計輸得會更多,因為美市唔掂,明天開市會再跌,這個是個問題。
2) 坐艇,唔理幾耐,總知就坐艇。但大家都知保本係投資重重重要的法則。
3) 博反彈,係一個好少少的價沽,好過輸到傻。
時機有:
a. 熊市點都會有個死貓彈
b. 美聯係三月十七日公佈業績,可能會有機反彈,但近日都知優質股係見光死。
c. 美國應該會在三月十八日議息,到時可能還有點機,但又可能會話香港跟足,到時又 死。加上之前地產股都一見光就死,所以點都有點保留。講真止蝕來講真係遲左點。

1) 美聯係炒股,一唔掂會衰足幾年,所以一定要好小心。明天一定插,真係唔知點算好。而家差不多破左之前的收集區,如果再跌真係要走,二線股好難炒。蟹貨多好多人會走人,收集區一破好多人會驚。
2) 近排好lazy,掛住玩hifi,暫時睇圖真係散貨格,當然有點馬後炮,但已知係散貨。 最都係你不理財,財不理你。
3)有點安慰係下跌成交量較之前細少少,同有個下跌裂口,希望可以補到。如困係9.5 同10.55 走的話都唔會太傷。 策略唯有咁,萬一彈都唔彈,點都要係八蚊到走一手,唔理,如果唔係有排都唔洗升返上去。

教訓,自己的基本分析無錯,當升到十四蚊個時我重諗緊長hold一年應該好掂,點知個市一路變差,有時基本好都有無用。二、炒股有時真係要睇圖,因為真係好有用。暫時思路係咁。
------------------------------------------------------------------------------------------------
睇返圖,原來hsi 由高位跌到現在有成50%跌幅,真係成個股災咁。假假林森池本書計得對,佢對hsi的估值係二萬點,但現在hsi的p/e係十幾倍,加上業績又唔錯,應該係幾平。現在係合理偏平,但會唔會去到勁平呢? 這個是個問題,因為我地的泡沫係無97借貸咁來,所以個市應該唔會大散。

又睇圖,而家係牛皮中,會唔會跌破一月的低位呢? 真係唔知。一月個時個底位係勁大成交量,所以要時間做個底,情況好似散貨咁,越來越低,問題來,幾時完呢?我唔知。根據我的觀察,星期五跌個時hsf唔係好大成交,但hsi就好大,港滙微微增強。但三月四日個時可能有少少淡倉,真係要小心,不過有網上高手話係轉左好倉。暫時無唔識睇 。

Wednesday, March 5, 2008

擔心

而家我的整個組合是輸緊錢的,重要幾多,但我個d 優質股不是那麼擔心,唯一的是美聯物業1200.HK。我入左兩手平均價是10.72,現在輸左都幾多錢。理論上我對佢的前景是樂觀的,但佢由高十四個幾位跌到去現在九蚊左右,真是有點麻煩,因為個市場氣氛唔好,加上我驚d 基金走放棄二線股,所以好驚佢一路跌落去。唯一有丁點安慰係佢暫時都係十至九蚊個區域徘徊,無乜大上大落。佢會係三月十七日公佈業績,看看到時佢會點,如果唔係可能真係要忍痛止蝕離場。心理壓力好大。

Tuesday, March 4, 2008

隨筆

好耐都無寫過投資網誌,點解? 因為個市係上落市加上近個月無乜投資情緒,即係無乜錢la..哈哈。近排都就去聽音樂,睇下邊d 歌好聽,都廢事理個大市。講返個市,記得係一月尾個時(post)我話有消息指HSBC會減派息,結果大家都知唔係la...證明消息來源係廢的,投資都係要靠自已。

睇返個市,首十名未平倉合約係(long: short) 90913 : 103344 ,個合約張數差距好似無以前咁多咁,這是一個好事來的。大市都係上落市,暫時都無乜好講,而家學似進入業績公佈期,應該唔會太差,所以暫時大跌開間應該不大。

而家係25000個位都有好多call/ put options,大家都係非常重要倉位,暫時係應該唔會跌過2300因為個倉位都幾大。睇住咁先,這個分析方法我唔係好識,哈哈。

圖就無乜睇法,牛皮,成交細,等待機會。

Thursday, February 21, 2008

期權

之前我一直有留意高手用期權未平倉合約來分析個大市,突然有點發現,就係這個方法真係有的,原來英文叫open interest configuration,唔係open interest distribution。找到個關聯字,馬上search下,發覺外國都有人用,用法都係睇下邊個倉多open interest,邊個位係阻力或者支持位,我見d 高手都幾準下。

講返個市,上次講Link用期權來分析大市,當時倉位最多係240 C 有成三千幾、220p 同230 p 都各有二千幾張。而家d 倉位有D向上,240C 變做二千幾,其它無乜點變,240C以上d倉位加左少少。唔通個時真係開始轉好當中? 我有個假設,做賣方的因為只收期權金同風險可以好大,所以都係超級大戶來的,即係Call係阻力,Put係支持位。唔知這個方法又work唔work la...。

二月六個日關始三日係收貨區,大市二月頭爆上,挾倉,之後收貨格。因為有個高手教我話睇一月尾個時做的倉位,高過佢就好倉低,低過就淡倉低。我估大戶係2萬2 至2 萬3個時大手入貨買現貨,所以無可能會再大跌,因為好似做緊個小雙低咁。而家又似牛皮格局,又似一個三角形,當個市好小小又可以升上d,不過我估2萬五係好大阻力,2萬五以上有好多Call options,反之Put options就無乜,諗法就係咁樣。

期貨、期指


大家都知期貨、期指、期權、窩輪都佔左絕大部份比重。我琴日問個網上高人,佢點分析如何知道個期貨倉係好一係淡倉,個高人用今個月二月來做例子。個方法其實不是一個甚麼方法,但我好似俾人打通左穴道咁,我馬上諗到期貨(HFI)指數係大戶的思物佔比重好重,點解唔用VSA (Volume Spread Analysis) 去分析個大市,個高手都用差不多方法,但我個VSA可嚴緊得多hehe~。 將這兩幅圖合併,HSI 係實貨,所以當佢係長渣一點,而HFI係用來舞上舞落,可以睇短一點,馬上試下睇睇合拼圖。

係公司望下,無老細係到,結果覺得此方法好似可行。現在cap 張圖比大家看看。將來有機會研究一下加期權,因為可以知道大戶會挾到邊個位,我見網上好多高人都用。窩輪其實都係期權的一種,但我自己覺得係比散戶玩,實輸多,輪商的提款機,對手太弱,所以暫時唔多理住。分析個大市,到時買乜都咁方便。

Saturday, February 16, 2008

大市分析



本月份較大未平倉期權倉集中於240C~3085張220P~2634~230P~2395張,即係可能結係2400 同 2300 中間,當然暫時未作得準,因為好似話要睇月尾d 數據喎。林森池話一月廿二日個時可能見左底,我就唔知,不過暫時個勢唔係太差,當然唔係話好,應該牛皮市,可能要到三月公佈業績個時先會機會上得快點。我自己第一次咁分析法,睇下準不準。

Wednesday, February 6, 2008

又入中國人壽

今日係29.1 買入一手中國人壽,我決定同中國人壽共存亡。見佢平過三十蚊,就入一手,如果佢跌到廿六蚊,個時我又出左糧的話,咁我又可以入一手。大約我個plan係咁樣,我入係因為我覺得現在是牛四,牛五應該去到三萬五,所以中國人壽應該年尾可以去到五十蚊。加上林森池話佢平均價係三十三蚊,雖然我將佢由神級變返做大師級,但佢點都係勁ge...。再講,雪災、第四季「虧損」都係去到27.x 元,佢又唔驚次按、美國經濟問題,我想暫時應該無乜咁勁的壞消息去壓佢價。技術分析可以看我上個post,用得週線圖,就要看長線一點,一個星期得兩日半,所以不是太可靠,還是看看香港下星期怎樣。暫時我真係唔太驚股災來左,還是牛市。

Sunday, February 3, 2008

大跌分析

近排好懶,無乜點寫blog。其實我寫左一篇blog,因為寫到一半無post出來,係關於改良緊我的入市方法,但太難寫,暫時寫左一半,有空再寫咪佢。

今次大跌市,有人話係由放accumlator ,所以如果係的話因該見低。都俾d 人客斬到無晒貨了。我地又睇下圖,今次睇週線圖,點解睇週線圖,因為我發覺我的入市方法用日線圖好似比較適合短線少少,所以我今次試用週線圖。

首先睇下#941週線圖,你見最後個兩枝candlestick都係hammer-like,根據我經驗見到hammer-like candlestick係週線圖再加有兩枝的話命中率好高。第二係個前一枝係white hammer candlestick,之後個枝係shadow 裏面,好似一枝testing 的signal。

之後係#3968,又係幾枝hammer-like candlestick。我諗市差極大有限,因為係跌市係好少見到連續幾枝hammer 陰陽燭。其次是那枝紅色hammer 成交量好高,及出左no supply 可以當做testing signal。941 同3968都收到係acuulating zone附近。

再來,由一個網上高手的結論,我覺得佢係好準的。
-------------------------------------------------------------------------------------------------
今次牛市由03年4月開始。
牛一浪始於03年4月,終於04年3月,運行時間11-12個月。
牛三浪始於04年5月,終於07年10月,運行時間約41個月。這符合牛三浪為時間最長及升幅最大的特性。
牛五浪通常會與牛一浪的運行時間相若。果如是,則牛五浪頂將出現於08年12至09年1月之間。

中間的調整浪是:
牛二浪, 始於04年3月, 終於04年5月, 約不到3個月.
牛四浪, 始於07年10月底, 終於08年1月22日, 也不到3個月,
這與波浪理論相吻合.

結論是: 港股07年10月30日高見31958後, 完成了牛三浪, 並開始了牛四浪的運行, 牛四至1月22日低見21709後結束, 調整幅度接近牛三浪的50%(由04年5月的10917至07年10月底31958).

另一個支持的理據是, 匯豐1月份股價最高131.90, 最低跌至104.00, 但當月成 交量高達864.5M, 這是除98年8月政府入市時成交量1.1B外, 最大的單月成交, 誰人會在大跌市中大手入貨, 答案只能是
基金經理.

筆者: 我自己都發覺所有大藍籌股都有大成交量的特性,而家咁大成交量都係見底的先兆。並對佢的分析十分認同,我自己都係咁數法。
-------------------------------------------------------------------------------------------------

我地又睇下HSI週線圖,你見出現左一個好高成交量同hammer 陰陽燭。第二枝係一枝doji star,成交量交為細,可以視作testing signal。我自己真係唔多信會跌到二萬點,但由放中國暫時有雪災問題,所以需要較出時間去recover。

HSI日線圖可以說在1月31日出左枝testing signal。加上港匯走強,可能有突破跡象,此現象可能係由於直通車。有高手quate左好多新聞出來,例如update個系統,温家保講話,曾x權講話等等。都可能暗示直通車會出台。記得一個多星期時post我話果已經有HSI Daily chart 到有no supply訊號,同大插當日成交量超高,種種因素綜合來講可以話向上幾會又大一點。

從十年持倉大戶的資料得知大戶已經開始減淡倉,佢地最高個時有成一幾張(見post),但現在已經減少,所以我認為下跌力度相對較低。中國人壽睇返圖暫時無#941同 3968那麼強,1200暫時好唔掂,好驚又坐艇,看看來緊個星期點攪法。

最後,在一月份有好多call 輪係一月二月到期,所以做落去都唔係無道理。次按已經俾美國係咁救,我見唔到香港會有超級大影響,因為香港近日係跌多過美國、日本、上海等地。跌多過其它地方即係危前有機。

2628 林森池仍然好樂觀,雖然條友真係俾佢玩死,但暫時我都覺得Q4無可能會蝕本到成百億,所以我成日都諗個句:「淡淡定有錢整」。

暫時計下有幾多資金,睇下入市再溝貨。應該係2628,我同佢拼命。

Wednesday, January 30, 2008

中國人壽

出左中國人壽07年盈警。經本公司初步估算,預計中國會計準則下,本公司2007年度實現的淨利潤將比截至2006年12月31日止2006 年度增長50%以上。咁就中招,點解會咁少,我以為可以過百,最大問題係點解Q3時淨利潤係246.96億,但全年得返143.84億,咁第四季不是無左成百億!? 唔係咁玩野呀? 有人話係因為06年新的會計制度,但係查下中國的07中中期報告,淨利潤有成169.96億並且用左會計新制,無可能年尾得返24.6.96億咁少 ? 今日中國人壽開市馬上係咁插水,真係無眼睇呀!!!

Wednesday, January 23, 2008

大跌市


今 日大跌市,跌到我都麻目晒,無晒感覺,甚至有點興奮,因我第一次係香港見到大時代的日子。一日之內我個投資組合無左成五萬蚊,真係快手。前前後後可以一個月內無成十萬,你都唔好話股災的威力。

俾我都無估錯 (睇前個post),大戶真係做場大戲俾紅白藍睇,條友真係唔多掂,俾個市場帶住走,無d公信力。我肯定反彈浪會開始,因為今天成交超大,明天升的話一定有人暗中買貨,由於成交大,所以去到一半,一定有人沽返貨,因為人戶應該未收集好。加上大戶一定唔會放走26000班蟹民, 我都係其中一份子,所以未去到26000前一定會調頭。散戶見不對路驚熊市會狂沽貨,咁就會加速直插。大致上股市應該會咁走。我自己估23400個gap一定fill到,25800都有可能,這個gap應該fill完又插過。

三月#5號仔會公佈業績,根據不明消息透路, #5號仔可能會減派息,但咁多年第一次,如果係真真係會又插過。所以如果心血少的人不防在這個反彈浪止蝕離場。我唔肯定係唔係熊市的開始,但我只可以話現 在已經血流成河,係人都驚。係一個好位入貨,可惜我已經無晒錢,要等出糧才有。

今日減息,地產股應該係火車頭,我隻1200唔該同我死返上去。

Monday, January 21, 2008

檢視大市


而家飛高浪急,歐洲狂跌,由7%變到現在5%實在插得好勁,自己的銀彈已經用盡,雖然自己對後市是樂觀,但股市是一個群體的活動,不是你一個人話事,唯有持有手上的蟹貨,慢慢等署光出來。大市已經去到 panic selling,美期(今日休市)spread 多過50點。

日元走強報105.79,各地爭相收水平倉,短期各市場資金將可能收緊,原油及金屬資源市場價格已經下滑,再加美國次按產生的信貸問題,小心資金進一步由股市流走。同時,須密切留意日本央行動態。

18-1-2008 資料 :
HSI 期指未平倉合約, 10大淡倉比10大好倉多1萬7千多張 ; 恐怖!

我前個post估爆邊,估向上,但點知就向下真係激死我。我係based on 林森池的分析加自己技術分析,這個不是大問題,問題係要學習之前的錯誤。

1) 睇圖,發覺我第一次入中國人壽同招商個時係早左,原因係當時只係第二隻腳,但vsa無出到適當的信號,我諗我可以諗如果突然有一天大插(supply主導)並之前出現升不起的信號可以視之為轉勢Link。如果出現這個signal,唔理VSA出乜都要係三隻腳或者後先好入市。

2) 從圖中可以睇到我入2628@44.9是一次重大錯誤。我入市係因為之前佢一野升反上去個時成交量好,雖然出現左no demand signal但後來的成交量都唔錯,加上佢的水位剛好係一支大陰燭之間,我博佢牛皮爆上,好似上年八月個時咁,所以馬上入市。第二係50%的黃金分割法,因為大約去到這些位,通常都會牛皮,或者回落,我記得我係諗住長渣,所以唔鬼理。$45大約係4.5倍EV,我諗如果勁升應該做到五倍,所以博入去。今次教訓我以後會牛皮多個某個日子先可以入市,最好係一個小雙底後才入市,同唔好咁博命,我會切記!!!

3)今次係好多時係no supply signal 到入市,但証明一樣野,我要confirmation signal,即係一個testing,而家終於明白點解要confirmation,所以下次要有確定signal先好入市。

4)三角形估得無錯Link,會用這個方法,暫時睇唔到我用這個方法有乜問題。

5)今次我承認無之前咁保守,因為大市氣氛的問題,我以後會小心再小心。我會計好晒所有野,諗好晒先會入市,唔會即場諗買唔買入,俾大市影響自己的情緒

6) 記得當時有人估24000,佢係王教授,係myradio到講,我當時睇圖係認同佢講法,因為24000係恒生八九月的牛皮區,即係accumulation area。但我都係信林森池多點。現在睇應該係第四隻腳的開始。

7)我記得係十二月尾我有以下分析Link。當時我講大市應該係由demand主導,但結果而家有眼睇,係由supply住導,所以我都係估佢爆上,但結果又係錯。係我最後換馬,可以看到個日有成交量supply增加,但我當時一定唔會知道的。我估demand主導但忘記一個好重要的問題,就係testing signal出現,之後有兩個no demand signals加一個係枝陰燭的位置,所以我要小心這個問題。但就算係個位入市,我都唔會大敗,因為點都唔會好似我而家咁傷。

8) 而家大跌市成交好大,因該有買力並no supply又出現,但現在歐洲那邊又大跌,任剛光又出來講野,命中率好高,所以我諗我唯有儲錢再看看出唔出擊。如果咁睇又要做一個testing先知佢係唔係到底,我之後就係唔等這個confimation(灰點)我要小心點。如果緊signal + confirmation,其實唔係想像中咁多位可以入。

9) 底估左美國對全世界的影響,我以為可以decouple到,因為香港當時有少少唔跟美國升同跌,如果大戶真係做市,真係俾佢玩死。

10)現在的走勢有點似Hell Triangle,因為係港股直通車帶動,同當時2628入A股,857入A股都差不多,都係三個底之後馬上狠狠地插下來。如果咁講需要長一點時間recover但個底可能已經見左。我唔肯定,我要等confirmation signal出現才知道。

11) 今日美國休息,大家都自由行。會唔會做場大戲俾美國睇呢?叫佢好快點做返d 野救下個經濟。

現在看看我的protfolio:
2628.HK CHINA LIFE -21,100.00
1200.HK MIDLAND HOLDING 6,560.00
0941.HK CHINA MOBILE 27,800.00
3968.HK CM BANK -3,925.00
1800.HK CHINA COMM CONS 19,200.00
當然係輸得好多好多,唔多樂觀!!!電台好多人都開始驚,唯一有點安慰係咁。暫時寫住咁多,諗到再加上去。

Tuesday, January 15, 2008

換馬


今日早上唔洗工,當然係酒店呀,因為無人理我,唯有約住個客下午先開工。原本望住個市場都好地地,突然有人msn我話941@26.x。我之後馬上想換馬,因為347 同272 理佢好煩,加上941真係算好價,所以有換馬諗頭。馬上login set command,但係個password唔work?!有無攪錯,馬上打馬途電話去,叫佢放272 + 347 入941 現價。最後成交係放左

272@8.23*2500 (bought at 6.75)
347@20.46*2240 (bought at 16.274)

941@127.8
個價麻麻地,不過我諗都係平,唔理la..而家係望天打掛,唔好大跌呀!!!我估爆邊應該會係一個星期到發生,睇下我有無錯la.....god bless me

一做完野返來check下....唉..941 大跌...美市唔多掂....唉..唔通我08年投資失敗?

Tuesday, January 8, 2008

大市分析


睇個勢大市已經跌到無乜力,但係升個時又無力升喎。因為e 幾日成交量升返但係股價都係窄幅上落。我估係買方想開始發力,但沽方係到死守,所以暫時都唔會見到大升的景象。原本我估應該係差不多時候,但e 幾日咁個成交量同上落,所以策略上還要睇定d 先得。從中可以見到2008年月頭個時下跌成交又多返,但第二日佢又數返上去,e 種異動一旦完成就會爆發。還有一點要注意,一個三角形態最佳突破時間係由佢個三角底至到佢個三角尖約三分之二,即係差不多現在。我估一至兩個星期有結果。

之後望下週線圖。一個desending triangle出現。望三角型態最動要看看陰陽燭的燭身由大變細。成交減少,但e週增加,你會話係之前聖誕得半日市,我就話係大戶打緊丈,應該等消息就出結果。我當然係買上呀!

Wednesday, January 2, 2008

買入美聯集團


今日買入美聯集團@12.16一手。買入原因係因為我認為香港樓市08年應該不錯,我十一月時寫的分析,大家可以睇下。
不我今日要講下個股的研究,我對美聯的分析方法如下:
1) 美聯佔香港物業代理的生意約三成
2) 只香港全年的樓宇成交金額對比返07年上半年美聯做左的生意額就知07年美聯全年的盈利。
3) 美聯自己有多一間上市公司係專做寫字樓的,生意都不錯,但重要是美聯1200.hk有八成以上的生意係做住宅,所以要係土地註冊處找住宅樓宇的數據

5) 大家睇下香港係下半年尤其係十月個時的成交金額係爆升,因為美國剛踏入減息周期。又有人話係因為股市好,所以好多資金走左去買樓。還要一提係香港的銀行存款係好高,好多人將d 錢係放晒入銀行,香港人大把錢去買樓。
6)07年上半年美聯勁賺,比06年上半升左成六倍。
7)我可以肯定08年的樓宅供應是不足,資料來源係網上好多高手的分析結果,你地自己找下。這個勢可以最少去到08年年尾。

得出的結果是07年美聯約有0.8元 EPS,12.16/0.8 = 15.2 P/E。今年樓市只要美聯自己分析會有40%的增長,我自己保守d 當佢30%,p/e都可以話算平。如果咁睇法,美聯08年尾上到20蚊真係不是問題。如果美聯再跌,我會放272瑞房換馬再買美聯集團。

最近消息,十二月的樓宇成交金額只有52511百萬元,比我係計算時的72000少。所以全年的EPS應該為0.8不是0.84。保守點,當EPS0.72,我係12.16/0.72=16.89 P/E。市盈率暫時都合理,看看一二月的重要月份是不是像06年那樣只是小陽春。