Search This Blog

Sunday, December 30, 2007

2007年投資回顧


今年係投資路上都算幾豐收,學左好多野。有學到睇圖,candlestick、volume spread analysis等。基礎分析就估值準左,因為知道某些行業的分析方法,信心大左。心態自己覺得成熟左同開始知道甚麼時間適合我入市買股。暫時知道某些牛皮時間係我入市好時機,回報都算可以。

今年回報暫時約27%,十一月個時入貨的好多都變左大閘蟹。但我相信來年回報應該不太差。如果唔計十一月入個時的股票,回報就有差不多六成。

暫時我的資產分佈如下:


我自己都中左招,好似招股的368.HK,又無狠下心追貨同賣貨。當然最重要係有時無跟到自己的投資計劃,自己個心魔成日係到作怪。這些都係一個問題。來年要從中吸取教訓,唔好再一錯再錯。31/12/2007 已經升到$6.55,真係升得快...唉

我相信我將來的投資回報會更好!!!

Wednesday, December 26, 2007

回應網友: 成交量 II



首先股價要飛升,一定要貨源少同有好強大的demand。因為咁,通常d 大戶都要係低位收集,收到咁上下佢地要做d 股價上去,引人注意,個日通常都要有好大成交同股價比平時升得好多,引人注意。之後個股價通常都會係咁升,升到咁上下無d 大戶會慢慢散貨同你會見到d 成交量減少左d ,或者大成量但股價升唔到上去,之後股價就會開似跌。跌到某一點d人開始驚,就會係咁放貨,個時你會見到個日會成交大同大跌,個日一開始你就會俾supply主導,直到d 人放晒佢想d 貨為止,e 個會不斷不斷重環。睇圖~

由於大跌個時係d 人唔想要貨,所以有好多supply,睇圖要睇到d 成交量變得好少,咁會出到no supply個signal出現。你見到近日的HSI就因為無乜出貨,所以跌得好少,就開始係26000點到跌唔落去。當這個phase出現,要股價升就要係有demand。看圖一定要由頭看到尾明白晒成個圖的故仔,無supply的話已經可以話係貨源歸邊。所以只要有少少demand個股價就會升,唔需要好大的成交量去support個股價上升,而家個HSI就係咁樣慢慢升。不過去到蟹貨區個時大戶如果好想做佢上佢,佢要消化d 人放出來的貨,個時一係就超大成交做佢上去,一係係個區到排徊再收貨,好似雙底,三底咁,不過這些係後話。

你會問一個問題,成量交係一買一賣的成交結果,你論上係demand=supply。我這個理論係一位外國人所發明(Volume Spread Analysis),我可以話這個睇圖方法係最有率,因為我見所有高手最主要係得股價同成交量,指標係無乜點用。佢個理論背後就係因為股價係由大戶所操縱,所以個d 成交量係由大戶做出來。所以咁睇圖就可以知道大戶想做乜。但要注意這個方法唔識合用係太細的仙股亳子股咁,最好用 係流通量交多的股票上。

你睇HSI張圖,係約29000個時上左去又插返,即係好多蟹貨,你又見個到有支大大陰燭,同由supply主導,所以估佢要靠勁消息一野推佢上去,一係係個區到排徊再收貨。這個又即係解釋左點解破頂會一飛沖天。而家HSI升好似做緊雙底咁,佢係29000-26000係咁收貨,佢又跌唔去落去,所以我估無乜貨會沽出同佢近日成交咁少,又假期都升到,應該係由demand推動。睇圖最後加埋基礎分析,26000同HSI係合理價約18 p/e所以大戶想收集有demand一點都不出奇。後市我係睇好,加上我有重貨係正股到。

我可能解釋唔係太好,不過最主要係想大家明白股票的運動背後的理念。其它的example: 例子一 例子二(震倉)

回應銘記,我唔炒即市所以我都唔知。我通常都以日線圖為住,持股數星期至一個月以上,我方法係食股價的大浪,唔會係咁炒。我自己會睇小時圖,日線圖同週線圖為主。時間逾長個d signal就越準。最主要都係你想玩幾耐。尾時時的大單邊我有時都會睇,好似美國晚上出議息,香港地產股最尾個十幾分鐘會爆升,個時我覺得可信性較大。你話單邊走勢,如果係個股來講好多時會出現鎚頭(Hammer)的陰陽燭。我自己覺得鎚頭陰陽燭的可信性係高,但前提係要睇整個股走勢,有空再交流一下。

Friday, December 21, 2007

成交量

近日大家好多都話成交量少,交投淡靜,上升不配合成交量,所以好大機會會跌。我可以告訴你,這想法只是對了一半,因為佢地唔識得睇睇圖,只係將一條rule 亂咁用。
價格升係因為demand大,但又可以講係supply少。需求必須存,價格先會上升係一種常見的誤解。 股價升時,可以係市場沒有賣出的興趣, 因為賣方賣了他們想賣的,咁樣成交量就自然細la..道理同話貨源歸邊,或者係收集左差不多。 另外,股價未到賣家賣出的範圍,無supply,股價一樣會升。股價升或者跌開就唔會點停,要股價轉變,係要一個好大的"力",這種力不是常常出現,一出現,股價就會係咁一路去,真到另一種力的出現,所以d 人話順勢就係咁解。
點可以分別到係demand/supply做主導,有人留言問我的話我再講。

加息 - 銀行股分析


調整前利率 調整後利率 調整幅度
活期 0.81 0.72 -0.09
三個月 2.88 3.33 0.45
半 年 3.42 3.78 0.36
一 年 3.87 4.14 0.27
二 年 4.5 4.68 0.18
三 年 5.22 5.4 0.18
五 年 5.76 5.85 0.09

二、貸款
六個月 6.48 6.57 0.09
一 年 7.29 7.47 0.18
一至三年 7.47 7.56 0.09
三至五年 7.65 7.74 0.09
五年以上 7.83 7.83 0


加息只有活期存款與貸款的利差加大了,對招商較為有利,因為活期佔款較多。而對其它銀行的影響來說只是中性,既有利差擴大的部分也有利差減小的部分。至於對其它行業,因為長期貸款無乜加到,所以無乜所謂。因為有加有減,唔知佢個真正影響,所以唔會多理佢。

最後聽人講(同事)大陸將會出股票增值稅,VAT 成十幾%。唔知係唔係真la......

Wednesday, December 19, 2007

Derviative Analysis 衍生工具分析漫談

derviative俾我一個較為神秘的感覺,佢可以leverage的原理操縱個正股,大市,對大市的波動及未來走勢有影響。我見到好多高手都玩期指期權,但就好少玩窩輪,而且我見網上好多高手都要睇這些數據來預測大市,所以我一直都想知道有甚麼方法可以從中預測大市。但我上網狂做research、上網問人,大家的答法都不一(十個九個唔答),沒有一個有效的系統去做預測,所以暫時用期指期權的數據來預測大市都係一知半解。暫時綜合所有方法如下:
  1. 睇期指的未平倉合約及未平倉合約淨數。這個方法有個問題,就是好難知道是沽方還是買方處於優勢。因為期指是有對家買賣,點先知道買賣雙方誰是強手? 例子: 期指的未平倉合約數量也是在跌市時增加,升市時減少,反映造淡力量佔了上風.講就易,真係分析是都唔知準不準。
  2. 睇期權倉分佈。這個方法係知道個最大個倉位係邊到(put or call)自己就可以估到個支持位同個阻力位。因為大戶係唔想俾指數超過這些大倉位而要賠錢的。但這個方法更本就係靠感覺,d 倉位根本就好似差不多咁。而且又係對家,所以實係有大戶參加。加多句由上年至今年每當加期貨合約按金恆指都上升。
  3. 睇call/put ratio,如果call多就可能會跌,put多就可以會升,因為話這反映散戶的睇法喎。但咁大成交量邊有可能只有散戶呀。加多句睇指數及熱門股隻的 call 輪街貨量持續增加 ; 相反, put 輪街貨量持續減少,咁大戶就會做淡。
  4. 每週睇下個十大參加者數據即係恒生指數期貨市場佔有率數據。在這次牛市中, 每週的十大好倉,經常都比十大淡倉多二,三千張; 你見市況整體亦向上.每當十大淡倉多出三千張, 大市於一週內回跌五百點的機率很高.如果淡倉多出6000張之多, 我只在2006年5月見過.若結算後情況持續, 甚不妙!
  5. 在月尾轉倉的時候,留意一下下月期指約莫在什麽範圍內做的,然後結算完之後,看期指突破範圍的方向,就多數是什麽倉了。上就好倉,落就淡倉。有時候,大戶也會做個假突破,然後再回頭,假突破的幅度和時間都是很短的。
  6. 高低水,但這個方法被好多批評過。高低水太容易受影響,好似三四月的派息月,通常都幾水百幾點。所以有無無路足,但我有個同事間唔中都睇佢來玩牛熊証的。
  7. 有人睇沽空金額銳減及投機告好買盤增加來確認大市見低。
  8. warrants對正股的影響好多網上都有討論,但暫時都無一個切實的答案。例子:
    My proposition is based on data and observation. For instance, the crude oil surged over 4% last night, yet 857 and 883 still plunged over 3% today. I have been watching 857 transactions for over 1 month, ABN has been very agressive selling 857 last two weeks. Today, the warrant issuers such as KBC, GS, DB, UBS etc joined forces to sell 857. Needless to say, some funds such as mirae asset were also selling too.
    In addition, do you realize 9089 and 9792 will be expired this month? Their market outstanding volume are huge. ABN has been buying back 9089 since last week. GS has been selling 857 for its 9792 with exercise price of 15 can be made worthless until expiry
    When 2 warrants are expiring within the same week, there's indeed incentive to sell-off the stock. 857 was heavily sold by several foreign firms yesterday, this I notice.
    睇市場數據
    Link
講左咁耐,大家都可能覺得這些方法都係無乜用,因為都唔可以話太準確。唯有講小弟看不透la...望有高人指點一下迷津! 如果真係要睇咁多野,我諗我一日都無咁多時間去做其它野。暫時結論係眾人相反(鳴謝timothy chan 既寶貴意見)。
買期買put者買call也。買期買call者買put也。
買call賣put者買期也。買put賣call者賣期也。
期指期權相合,變化萬千.唯歸於本源之時,CALL即是PUT,PUT即是CALL.期者亦復是也.

Tuesday, December 18, 2007

組合分析

1200.HK the last white candle closed more than the middle of the previous dark candle. Also, the candle has impressive vol. It is a good signal.

3968.HK the hammer-like shadow is not long enough but the vol is less than previous two dark candles. It shows a no supply signal. The candle is relative higher than average, maybe need to be tested again. Note: no supply signal appears on the long legged-doji candle with two hammer-like candles before, although supply entered slightly after that. Bad news may come out (watch out!)

1800.HK need a white big candle to confirm, the hammer-like candle has good vol.
941.HK need more signal to confirm although the candle has a vol more than the previous candle.
347.HK seem ok but the vol is not impressive, but the candle closed in the middle of the previous dark candle and its upper shadow engulf the previous dark canlde, it needs a candle to confirm its variant morning star.

272.HK the downward trend maybe stopped. The last candle has low vol and closed above the previous candle, need more signal to confirm.
2628.HK can hold on the resistance and the last candle closed in the middle of the previous dark candle.

Most of the stocks appear a small doji these days, indicate the downing speed is slowing down. Also, many crabs appear in the chart, the uptrend moment will not be strong and take time to recover. I think the first big resistance is at 28500 for HSI.

Sunday, December 16, 2007

招商分析

今日係網到見到有人看淡銀行股,住要係因為加息,加準備金,針對內房的宏調,及銀行股在今次的跌市中是較深的原因而看淡。上網看過分析同看過財務報告,發現招商在第三季有39%增長,淨利息收入超過100%。一、發行H股,二、利息差,三、手續費傭金收入,四、稅率降低。
調高準傋可以看這個分析: LINK
第點係佢有超額儲款準備金,可以放貸來自己用。可以睇下這個分析: LINK

銀行主要收入係
1) 利息收入 (手續費傭金)
主要係貸款及債券利息收入,所以加息可能對這個收入有利。人民幣升值對其影響不大。
2) 非利息收入
增長好快同占業務約16%,有不錯的發展。

而招商銀行的非利息收入增長強勁,加上佢可以變動自己的資產,好難預計加息等宏調對佢的影響。佢個超額存款利率好似增加左好多,我唔知點解同乜原因。我就覺得招商銀行唔會有乜大問題出現,但增長唔知會唔會放緩,不過應該有30%以上增長。最後,近排銀行股跌得咁多,此中俾人個信心麻麻地。

Thursday, December 13, 2007

中外運航運 2rd Edition

中外運航運股係IPO抽返來,我中一手@8.18招股價。結果今日賣出@6.17輸左好多錢!!! 我人生第一次要只蝕輸錢,真係好慘。原因如下:
  1. 記得我之前曾經說過如果見到李超人減持航運股就要小心,因為本身和黃的重點業務是做碼頭,所以李超人比任何人更清楚航運業的發展週期。
  2. 我早前預測今年航運業將會見頂,因為一切都是需求問題,隨著供應增加(新船),運費將會下跌,航運股的增長將會放慢。
  3. 我自己睇過年報,分析見另一篇文章。自己對止蝕都係唔夠熟練,唔可以係七蚊個時只蝕,還需努力學習。
結果我輸幾多? (8.18-6.17)* 500 = 1005 + 手續費,大約1105。無左一千元。嗚~~~~

剛看到網上高人的分析:
早前大市吹淡航運股和李嘉誠沽出中國遠洋,可是大家竟然將乾散貨航運與集箱貨櫃航運及運油航運混為一談,齊齊大手沽貨。

其實現時集箱貨櫃航運及運油航運由於運力已經持續增長強勁,加上美國經濟放援,所以集箱貨櫃航運及運油航運的前景絕對看淡。

可是,乾散貨航運則不同。由於早前大多數船廠都是轉向生產景氣旺盛的集箱貨櫃船及運油船,因而乾散貨貨運船的供應嚴重不足,加上乾散貨舊船拆解高峰將於 2009-2010年來臨,因此很大機會拉長了乾散貨貨運船供應不足的問題。而且,中國大陸五年國策是加大基建投資,配合中國內部經濟強勁,乾散貨航運的 需求必定持續高企。如果眼界擴闊一些,最近印度十一五國策已經打算加大基建投資,因此利用乾散貨航運從澳洲運輸入口原材料的需求肯定持續火熱。加上 Vietnam的經濟發展火熱,所以在2008年終Baltic Dry Bulk Index上升至18000-20000點是有可能出現的現象。

如果有膽量和信心,現時可以趁低留意買入現價超平的純乾散貨航運股2343太平洋航運及368中外運航運,其後持股至明年12月,到時股價可能有意想不到的驚喜吧~

我放得太心急? 無乜感覺因為一手太細廢事理。

Wednesday, December 12, 2007

買入3968 招商 - 4th Edition

今日以$34.1 買入招商銀行一手。

招商銀行好多人都話好,佢個信用咭業務係中國來講更加係表表者。以34.1 計,07 PEG大約係人至0.8 左右。如果08計就得0.5左右,個價都算合理。加息我自己就唔覺得會對銀行有太大影響,所以我會一有機會就收集銀行股。當然,林森池都係佢書中講過中國銀行股憂慮,所以我唔會買其它銀行股。

今次買入當然要有圖表幫助下。圖中可見有一日佢一野上左去$34蚊,而第二天一跌的時候就由低位數返$34蚊。加上個兩支candle的成交都算合理,Clear out個支成交量大,第二支倒升個支又多過average,所以這兩支candle應該可靠,我自己覺得$34蚊係一個支持位。當然,還有其它signal 廢事寫...lazy



其次係今日睇圖(即時),發覺當係$34蚊個時成交係比較大,而且馬上掃返上34蚊左右排徊,所以我自己都覺得$34係一個不錯的支持位。如果再跌的話我還有一手餘錢可以入。看圖:


收市係Daily Chart 是一個Hammer-Like candlestick + High vol. 如果明天收高是大陽燭,咁個入市signal就非常完美。暫時睇好~

13/12/2007 今日佢收33.75,再跌,做唔到一個好的見底入市signal。今日成交都好高,破左33個價位,但都收返上來。走勢還可以,再做多一個hammer-like candles,證明佢係一隻好股,我對此股係基本同技術分析來講好有信心。如果夠膽不防狂數。暫時得返一手的錢去入招商。

不過負面消息出現:
收緊貸款和加息又對招行(其他銀行一樣)不利,但我本人就唔係太介意。

友人話我的所謂阻力位一野就破,邊係乜阻力位。我只想講阻力位應該係入市的時候,破左阻力位可以考慮沽不沽。今次破晒阻力位係因為宏調出現,所以俾基金洗倉。觀圖看到有力想阻止跌晒,但力量無能謂力。但佢要升的話不太難。

Thursday, December 6, 2007

2628.HK

今天買入2628.hk,我係customer site但用台灣sales的手機上網買入。真係煩,南洋要當日先可以入command。我的買入價係44.9,可能會有點貴同要坐下船,但因為我問我媽借錢來買,可以放一排,所以感覺沒有太大所謂。

現在我有四手中國人壽,包拾係24.2, 40.1, 42.7, 44.9入,平均價係38左右。07的PEG只有0.8 左右,所以我不是太擔心,當然我可能會有計錯數的可能。我可能會再入3968/ 1200。

Tuesday, December 4, 2007

短評

近排好忙,日日做野做到八點幾,返到hotel都成十點幾。剛剛望望d 圖,成交量縮左少少,剛剛去到下跌裂口位,應該暫時無乜力向上,回有輕微回調,但我諗應該係入市好機會,大家到時睇下點la...。

琴日諗住入2628,點知原來南洋商業銀行只可以係當日早上8:30之後先可以入comman,真係煩到爆,我上早就要出去,鬼有時間上網。又錯過好機會.....