Search This Blog

Thursday, February 26, 2009

平倉、建倉

今日2628兩張Short call 唔係行使。琴日張HSI 小型二月short call @15 平倉,即係116 - 15 - 6(commission) = 95 即係九百五十蚊到
所以今個月賺 950 + 2000 大約賺2950蚊。


今日就快收市時兩手short call 2628 @ 23 March,收0.99 ==> 0.99*2 = 大約1900蚊(incl. commission)。如果再升就short call ,跌就short put做straddle。

每個月要有四千蚊權金收都真係有點難度。

Wednesday, February 25, 2009

狂攻 (Updated)

short call 即月(二月) 小型恒生指數期指 @ 13000 收 116點
明天到期...的還有SC 2628 @ 23 兩張

入市理據後補.....................

點解會入市? 因為自己的系統好多時出no demand signal都未入過市,無理由自己都唔信自己諗出來的系統,所以想入市好耐。我個系統一出no demand signal好多時明天就會係跌市。

1) 當日25日,我係三點五十分到估期指成交量同hsi的成交金額係底過前兩天的,所以應該出signal。
2) 係中午gap up之後回落,我記得前個晚 #941上個浪係77 - 67.75,中間位係72.375。佢當日最高係72.55,但大家都知我用個方法中間位有個名叫dead of centre,即係反彈到個位會死火,
3) 又加廿五號個日做緊十字星,所以就入市,估佢明天會跌市。
4) 期權倉我係之前估係13000點左右結,所以 short call 13000應該唔會死人。

就係咁我就入左市。

Friday, February 20, 2009

環球分析

上個星期四去左澳門做野,原本計劃做下期貨買賣,即係沽HSI期指,點知去左澳門無睇到市。就係個日HSI + HSF 做左 no demand signal,睇來大市都無運行。今個月的2628 short call應該無問題,941 同1800 就下個月先知道。

暫時睇法無變,大市會繼續尋底,大約係12000,同我之前的目標一樣。星期五成交量微升+十字星,所以阻力開始見,應該唔會太淡。金價剛破1000蚊,即係金價會再升,股市會跌,美匯指數開始變弱,即係美股/港股唔會跌到傻,美匯跌,又即係日本Yen可能會再升,所以日本股應該唔會睇好。如果英磅彈的話,#5更加會升得更好。

期貨HSI 的OI有成九萬幾張,係月尾都咁多張真係唔好睇少,淡倉好明顯係住力。我幾得係月頭係msn 同一名朋友講#5可能會破50蚊,琴日食晚飯時又同另一班朋友講同一返話。我諗到的理由係1) am730報紙係二月個時話出#5仔的ELI係50蚊樓下接貨,2)大魔又話可能之前分析錯,所以估計#5會破50蚊。劇本係3月9日HSI#5仔的比重由11%-->15%咁即係如果大戶挾淡,可以話業積好過預期/ 最壞情況已過,係咁用HSI的#5仔狂挾。

有高手話而家係C-4-b 準備行反彈浪,另一名就話準備行1浪5,兩者都係睇強勁升勢。我自己都估三月中會反彈,所以可能係之前平淡倉。如果係真個升勢會破15000點以上甚至萬七點。熊証好多係14000點以上,其中有間d 熊証勁到俾人買晒,無晒貨,你話大戶會唔會放過e 班人?!

三月個期權倉最多put係11000,成三千張,所以我估係11xxx到反彈,大家做好準備,入定貨。買乜? 我突然有諗過857,因為波羅的海指數回升,佢同油價有關的。加上857係咁平的油價係唔洗俾暴利稅,所以可以做上的理由。我唔肯定黃金會唔會回落,但平時每年的高位係第一季見,大戶會唔會轉炒油,真係可以諗諗。

Sunday, February 15, 2009

雜談


琴日有個朋友問我hcei的指數比重,咁我認真睇返,點知比我發覺原來hsi的恒生比重係要到三月九日先有效,我之前的預測即係時間上會有出入。hsi的比重會由#5係11%增加到15%,而939會增到8%。即係金融股的比重會有40%去到46%,而家最唔掂係金融股,咁即係hsi係三月九號後會有金融股帶重,更加方便做事。

我之前話過三月會跌到傻,而家就淡,係唔係跌到傻就唔理住,遲d 先算。發覺好耐都無貼大市圖,今日貼返。大家會見到一個好似三頂的圖,唔知到時佢準唔準了。當然三頂好易變三底,所以都係估估下。而家係上落市,好快就會爆上或者爆落。

我覺得而家買股票最重要係分析乜? 當然係政治,甚它都唔係太重要。聽下d 人點樣玩財技,最好當然係聽下有Q仔、無窮人

星期五見到有傳3968蝕六千萬美金,雖然3968馬上話澄清無咁個事,但佢地無詳細交代,所以真係要小心點。

Thursday, February 12, 2009

大市分析

今日個市都係跌,原本諗住破14000會再上一陣,點知都係破不到,原因係當時熊証係14000以上,所以前幾日都諗住會上。前日我自己的系統出左個hsi no demand,之後再出hsf 同hsi 出no supply,結果都係錯,多個月後我可以總結我個系統估頂係準過估底。

而家點睇? 當然係睇跌,之前我都講,但有所轉變,應該唔會跌破10000點,暫睇12000。之後係第五浪,會有可能升上萬五點以上,時間係三月頭開始升浪。如果係咁我會係二月尾平我的 sc 1800 或 941。五浪係又快又勁又急,估係咁估。

而家會點? 慢慢收下我d 淡倉期權金息。如果一兩日後突然升破14000,咁我咪係14800再開淡倉, sc我自己的股票。不過我幾有信心跌浪開始,上A係咁出十星同射擊之星,成交量又奇大,美國又死晒火,應該無人救到港股。

Monday, February 9, 2009

加倉

short call 941 一手 @ 75 March
收期權金 5.61 * 500 = 2805 再扣二百元手續費,即係二千六到。

咁我之前係十月接貨@75個手941 實賺硬。

Sunday, February 8, 2009

期權檢討



今個月做左期權一排,由於蝕錢係股票期權,但佢又用股票來交易,所以正確來講係無乜點蝕。股票個邊就蝕左好多,不過都係賑面,一日唔賣一日都未死得。好過#8號,真係好似個財經騙局咁。買股票就有這些財技問題,一個普通散戶點可以用基礎分析避開這些問題? 大到好似美國d 銀行,試問自已可唔可以避得到。所以如果個間公司有stock options,但又俾人玩財技,咁會點呢? 我就真係唔知了。

我目標係每個月用期權制造現金流,希望每個月有四千蚊。以我勁低的人工,四千蚊已經係我一個月自己的開支,%來講都算不錯(升職加薪都應該無咁勁)。

而家我做左 short call 有 1800 同2628,可以睇返上個兩個post。暫時係輸錢,不過股票交收,又唔係真係輸錢。可能2628要賣貨,1800 就唔知,三月先再算。


講返大市,原本諗住做short call hsi feb 好彩上個星期五打去俾我經紀(朋友) 個時都係驚,無做到,結果美國adr 大升,一萬四千應該會破,我估還有力上,去到萬五都唔奇。到時睇下有無signal再做sc ,今次係我手上的941兩手。 hsi 期權倉最大係12000 - 12600 P 同 14000 - 146000C 所以暫時睇上到14000後係阻力至14600,之後一上係15000 同15400。今個月可能係急升再急跌,刹淡再刹好倉,之後係13000結。我暫時都係股今個月係上落市。

睇返hsi 日線圖,可能會做一個頭肩頂出來,目標係14000 以0.5計,0.638 就自已計,之後但插的話我估係三月或二月尾。理由有 1) #5號仔的比重會係二月十九日提升,所以大戶做市會更易。2) 任志剛已經暗示過有銀行會俾大戶做市,我諗係五號仔,加上佢近日係到吹淡風提醒散戶,佢通常兩個星期至一個月就來料,所以我估之後係大跌市。 3) #5會係三月四日公布業績,所以之前或之後實會做野。如果以上都錯晒,咁我六月先會跌,而二三月會係大升突升。

#2628 的股票期權重倉位係26 同21 所以我估佢最多升到26會跌返下來。

都係個句,係股市最重要係策略,所以估對同錯都唔係太重要。今日計返以前的支出同收入,結果都係要關左個南洋商業銀行,點解? 個介面唔好同唔聚財,我唔鐘意用,用親買股票都蝕錢。我有個朋友用時富,唔知好唔好,不過平。輝立我會用,話晒有個專用經紀係到,方便打工仔,尤其係我這類通街走的人,打閒打個電話問下價/ 落盤。不過講平,今日俾我找到I-Access ,平到笑,拥金$5蚊!!! 對我這類無乜資金的人,真係福音,我可能會搬我d 股票去I-Access ,同輝立一齊用,兩個都做到期權,同股票期權。拥金平,可以策略上有所改變。

Thursday, February 5, 2009

加倉

今日加倉

做兩手short call #2628 FEB @23
收1.08 期權金 -->所以係 1.08*2*1000 = 2160

上次我係 23蚊個兩手貨實賺,如果俾行使就23蚊賣返出去。暫時係再升再開Short call。目標暫定14000。

Wednesday, February 4, 2009

建倉

上期話我接左23蚊的 2628。

今日我就開倉做

#1800 (中交建) Short call March @ $9 X2
收權金 0.63 即係 630 蚊 X2
一共做左兩張 = 1260蚊

由於我係燈神,所以個市暫時係會升,不過遲d 再升會再做2628 SC 之後941 SC ,大家小心點。