Search This Blog

Wednesday, January 27, 2010

short put 2628

星期一 short put 2628 @ 35 Feb,收 $939
入市係因為個日成交底,以為沽壓不是太大

結果星期二係咁跌,都無計,唯有慢慢坐貨
暫時跌左大約三千點,我估二三月會跌完最後一千點
信心絕不被動搖

Sunday, January 24, 2010

大跌市


今個一月大跌市,睇來明天還會再跌,分分鐘穿二萬點,跌到二月,到三月先見底回升。原本諗住一月係好倉底,睇來都係淡倉多。睇圖就一早知有明題,但係而家都救唔到個倉了,唯有坐貨慢慢等呀,我對後市都係樂觀的[半年後]。

暫時我諗我自己睇圖係最準,之後先係睇下期指期權倉個類指標。ADR 跌左成五百幾點,黑期好似都無幾百點。總之就係大跌市呀。我現在的cash得返好少,三萬多點,無乜大作為可以做。sc 就太少期權金,而家的vol 係咁縮,係琴日先彈返個少少,真係差不多等如白做。我諗可能去到19800 應該點都會穿一穿二萬點了。我估大約跌四千點就玩完,之後二月平淡係底位徘徊。

期指係星期四同星期五都有十幾萬張數成交,但二月的倉位無乜點變,意味住大戶唔覺得期指的現位係用來轉倉的。我估大戶可能一邊平淡倉,一邊反手開新倉。係OI方面有七萬幾張,只係減少左二千張多點。期權方面,大約會係20600有大戰。有可能明天先底後高格收,雙底反彈,係二月再跌過破二萬。

以2628的圖來看,星期五成交巨大,並有返升的現象,如果明天星期一陽燭收,後市不太差,二來係下降通道底,最怕明天係咁跌,即沽壓強大,可能會急速下跌,做就C 浪,快速尋底。如是者,我會入返少少貨? 太多手2628....頭痛...
我暫時估set係
1) $37到開38 sc Feb 三手,博佢破唔到下降軌。
2) 明天跌時,開2628 sp 1 手收博佢反彈。理由係期指估返來。

939 的圖來看,近一個星期成交量係咁增多,應該好淡打仗當中,以勢來講都係向下。不過已經睇得出有力開始頂住。939 係領跌的先頭部隊,要留意一下。

明天再跌我估,應該下星期尾會有反彈,我可能睇機會係個時開short call,我諗vol 應該會升返小小gwa....

Wednesday, January 20, 2010

2010 年

近排我無乜理個股市市場,因為掛住打wii 。上個星期比間黑店

黃金商場黑店: 日比谷遊戲專賣店 2B鋪

攪到我勁煩,詳情唔講了。今個星期都係找工再找工,寄破欠基金的申請表,又要攪mpf等東西,總之就係忙,晚上回家人都散晒。

講返個大市先,近排係咁跌,已經由十二月跌到而家,好多股好似銀行股已經行緊一浪底於一浪的走勢。我暫時睇法原本一月的好倉可能變做淡倉,我暫時信心不 足。我前文已經指出十二月轉佁的時候佢的期指張數及今個月的期指倉位俾打散,所以係一個無得點估的盲點,因此我自己將十二月推斷的好倉搬入一月到。今個月 已經行左大約三份二,股票權金收得好小,因為我無積極開倉。hsi options 一月的vol 微微高過 三月的vol ,小心一月尾會好波動,情況係較為少見到的。睇圖就認真麻麻地,大家小心為妙。

暫時睇個市唔係話太差,最少我係樂觀,重要係好樂觀個種。我睇後中國的股市,一來M1 , M2的增長好好,二來我係外國的blog見到2-30yr spread T-bond 有象顯示市場上會加息[ 提外話: 原來2 - 10 bond spread的數據是勁難找的 ]。不過,有點注意係市場上咁多人吹加息,可能到時大家一獲熟。

有blogger提出新保險法其實對保險業的入帪無明顯好處或壞處。而我剛找到的數據也指出加存款保證率的影響指係五五波,所以暫時以2628 的現價來講係保持合理的水平。2628 每次接觸到36.4 的水平時,成交係巨大的,我估計可能係做底當中,需要多點時間去證明。 以我自己的p/e model計算,2628 平均來講係p/e 30x - 20x 游走...大約係42-40蚊。CLI 2628 options的vol 去到24,又係好底,有可能下個月又爆過,同十月個時差多。

939 的跌勢好急,有點不尋常,有可能大戶壓住來收貨,不知道。939係七八月在5.8左右徘徊,所以6蚊邊的股價入939 無問題,只怪本人係差不多七蚊入晒貨。買銀行股一來係借貸會有增長,但中央似想收緊、二來係會加息,暫時可能會估第二季、三來香港恒指要升一定要力托佢地、四來風險較底。我睇可能到 三四月先係銀行/ 保險股發威的時侯。根據一篇分析,中國加息最主要係因為經濟增長過熱,暫時睇來係有可能的,如果唔係點會有咁多相關操施出台。不過銀行股都係跑輸大市,十二月m1/ m2 有所回落,一月就m1有點反彈。之前銀行提高準備金率銀行股大跌,我肯定市場反應過大,數據上加親一兩個月後股價都會再上衝,所以大家諗諗。

只要2010 我的股做三十% 升幅,我已經賺到笑 [以金額計]。941 可能係2010年當炒!!!

Tuesday, January 5, 2010

short call 2628

今日short call 2628 Jan @ 40 收 0.8 *2 ,只係太多貨,再升再short call 。今日咁short一short 先可以將條PK HR扣我的錢平手。佢地可以話無講過出laptop allowance,要係我來緊的糧扣返千五蚊[十一月已經出左]。

再升再short call 2628,之後睇下會唔會short 939 及 2899。2628 有機會去到42蚊先返轉頭,我估2628去到40蚊先再開short call,可以開多3-4手。2628佔我個倉成七成, 1988陷, 939 平, 3968 廟, 2899 暫時旺。今日咁升一升,我的賑面就升左成個月份糧。

算了,鬼叫我紫微斗數的財帛宫勁多衰星。睇來我條命都係多錢財爭議,得閒會俾人係荷包打劫。唔認命都唔得,唔夠三年發生兩單 + 一單agency走數。

講返大市,之前的期指搬倉法有點問題,暫時諗唔通。唯一想講係佢無signal出淡倉,而十二月係淡倉,所以我的看法是一月都照係好倉睇。十二月那個淡倉可以不理, 睇返之前數據都有咁個情形發生。唯一問題係暫時都解不開09 March的搬倉方法,只可以用止蝕/ 俾人挾爆左margin的方法來反手做好。

差點唔記得講十二月的轉倉,佢的net OI好多, 其實係有機會淡倉, 但我覺得好倉更有機會,所以如事者, 一月可能會挾得好勁。今日見金股狂升,有可能今晚的USD會跌,我估USD已經見頂,但下跌速度會好慢。反彈的應該會下2010中至下旬,這是因為美國會有國會選舉[can't remember exact date],到時美國的數據會偏向經濟向好,做就美元反彈。

綜合來講, 我上個月話一月會見頂的機會不大了,因十二月向淡, 推遲了走法。估計下個星期可能經金佬要追位買貨,做就股市再向上衝,咁樣會同十二月轉倉有點吻合。

我朋友成日話我的分析根本不是分析。我覺得佢意思唔夠學術, 這個我不反對, 但分析最重要係KISS,只係計係無用的。市場上要賺錢, 計到好似rocket science不等如準. 當有uncertanity 出現,沒有可能會準確。因為這個原因, 我睇圖只用candlestick + volume差不多唔睇indicator。FA就睇下p/e , 行業方向(我都唔知點計)等, 其它都無乜點睇。當越學越難而花越多時間去學時,我倒不如去用第二個方法補救。 或者咁講當我用一個方法有50%準, 而要花一倍甚至多倍時間研究去到80%準, 咁我不如找第二個方法補個30%

我覺得林森池佢最厲害不是只係選股, 佢看大市的方向係一流,係宏觀性,不用計出來的。用簡單經濟學/ 經濟新聞/ 政治等等解釋整個市場方向. 不過係佢的書本上, 甚至好多股評人都不能將/ 沒有提供 如何將多方面, eg. bond, fx, stock, commodity, political 等集合所有資訊而分析。股票點都受大圍/ 大市影響, 大市掂, 大部份股票通常掂, 選股我覺得反而不是最重要, 但市面上時常只著重個股,因為我地買的係個股。因此我近年的方向,係睇出大方向, 到時買乜都事半功倍.

Sunday, January 3, 2010

2009 投資回顧

今年可以說是精采的一年,今年投資過期權、期指及股票期權。股票又試過短炒,又試過期權俾人狂挾重傷。期指及期權又試過短抄,今年投資最差係三月之後個幾個月,因為我成日以為個市會跌,所以無入市買股票,甚至走去short call期權、股票。前者能我重傷,後者不是有點傷,更重要係俾人行使左我的貨,賺不到整個升浪。今年的投資雖然實現投資有丁點收入,但係嚴重跑輸大市。我認為今年的投資係失敗的。

今年我好無聊咁學我的朋友睇過下我自己的record {佢話佢2008年睇晒我的record,我自己都無咁好恒心},發現今年試左好多測市方法。包括: VSA, Wckyoff, 用期權倉測市,及最後用期指倉,當中不但睇港股,也睇黃金,外匯等走勢。以上對比2006年我初入股場有勁大分別,我當時只係睇個股,唔理大市。個股如果以FA就睇佢財務報告,TA就睇candlestick 的pattern。而家我一開始係睇大市,之後先睇個股。FA著重行業發展,較少理財務報告,而TA已經無用candlestick 的pattern,即係已經係一大組或者一個浪一個浪咁睇了。暫時試過好多方法測市,或者好似有人話讀書做學問,你會睇好多參考書,直到當你明白晒你要學的野甚至出到論文反撃前人的學說,你會慢慢歸納到一些結論成為自己的學說。我諗我還要慢慢地走,但已經漸漸成型,無太大改重了。2010年望可以歸納一個方法,多方位觀/測市。

期權操作方面,最失敗係做short 尤其係期指無做多小小去lock 倉。其實short的倉位一價內就要馬上去救,而唔係等到月尾望佢會由價內變做價外。當時諗法真係天真。股票期權方面最錯係做2628 straddle,以為賺左一次下一次可以都賺,點知俾vol crush刹死。方法無問題,,只係入市時機太差,以為2628 vol @ 38會低,點知最低去到24,真係激死人。

操作能到手續費奇高,我自己覺得咁樣方法唔係太好,我會減少出入市以減低手續費。

今年現實只係賺二萬幾蚊,扣晒股票倉賑面蝕的金額手續費等等,回報實在太低,以XIRR計係negative。點解? 因為我好多股票係07年已經入市,但現在都係蝕囉。今年重傷係期權short call、3968的股票期權short call被挾,結果走位又只要蝕小d,點知諗住再蝕少d,結果到頭來都係要蝕多點。這個操作係我今年發生了好多次,如IPO、short call期權無馬上止蝕、2628 straddle又蝕四千到最後蝕一萬,都係無馬上止蝕退出。08年的1200.HK已經又係咁,真係要切記再切記。今年坐貨等升的心理好似不大好,震小小倉就俾人震走,好似IPO,2628跌先來開sc等等都顯示我心理質素的問題,希望以為都唔會發生呀。等三樣重傷係2628 straddle ,上文已經有提,而最後係放走1800蟹貨及941 蟹貨,前者無四千幾,後者無成二萬,真係慘呀。

希望2010投資會大賺呀。