Search This Blog

Wednesday, January 23, 2008

大跌市


今 日大跌市,跌到我都麻目晒,無晒感覺,甚至有點興奮,因我第一次係香港見到大時代的日子。一日之內我個投資組合無左成五萬蚊,真係快手。前前後後可以一個月內無成十萬,你都唔好話股災的威力。

俾我都無估錯 (睇前個post),大戶真係做場大戲俾紅白藍睇,條友真係唔多掂,俾個市場帶住走,無d公信力。我肯定反彈浪會開始,因為今天成交超大,明天升的話一定有人暗中買貨,由於成交大,所以去到一半,一定有人沽返貨,因為人戶應該未收集好。加上大戶一定唔會放走26000班蟹民, 我都係其中一份子,所以未去到26000前一定會調頭。散戶見不對路驚熊市會狂沽貨,咁就會加速直插。大致上股市應該會咁走。我自己估23400個gap一定fill到,25800都有可能,這個gap應該fill完又插過。

三月#5號仔會公佈業績,根據不明消息透路, #5號仔可能會減派息,但咁多年第一次,如果係真真係會又插過。所以如果心血少的人不防在這個反彈浪止蝕離場。我唔肯定係唔係熊市的開始,但我只可以話現 在已經血流成河,係人都驚。係一個好位入貨,可惜我已經無晒錢,要等出糧才有。

今日減息,地產股應該係火車頭,我隻1200唔該同我死返上去。

No comments:

Post a Comment