期貨、期指

大家都知期貨、期指、期權、窩輪都佔左絕大部份比重。我琴日問個網上高人，佢點分析如何知道個期貨倉係好一係淡倉，個高人用今個月二月來做例子。個方法其實不是一個甚麼方法，但我好似俾人打通左穴道咁，我馬上諗到期貨(HFI)指數係大戶的思物佔比重好重，點解唔用VSA (Volume Spread Analysis) 去分析個大市，個高手都用差不多方法，但我個VSA可嚴緊得多hehe~。 將這兩幅圖合併，HSI 係實貨，所以當佢係長渣一點，而HFI係用來舞上舞落，可以睇短一點，馬上試下睇睇合拼圖。

係公司望下，無老細係到，結果覺得此方法好似可行。現在cap 張圖比大家看看。將來有機會研究一下加期權，因為可以知道大戶會挾到邊個位，我見網上好多高人都用。窩輪其實都係期權的一種，但我自己覺得係比散戶玩，實輸多，輪商的提款機，對手太弱，所以暫時唔多理住。分析個大市，到時買乜都咁方便。

大市分析

本月份較大未平倉期權倉集中於２４０Ｃ～３０８５張２２０Ｐ～２６３４~２３０Ｐ～２３９５張，即係可能結係2400 同 2300 中間，當然暫時未作得準，因為好似話要睇月尾d 數據喎。林森池話一月廿二日個時可能見左底，我就唔知，不過暫時個勢唔係太差，當然唔係話好，應該牛皮市，可能要到三月公佈業績個時先會機會上得快點。我自己第一次咁分析法，睇下準不準。

又入中國人壽

今日係29.1 買入一手中國人壽，我決定同中國人壽共存亡。見佢平過三十蚊，就入一手，如果佢跌到廿六蚊，個時我又出左糧的話，咁我又可以入一手。大約我個plan係咁樣，我入係因為我覺得現在是牛四，牛五應該去到三萬五，所以中國人壽應該年尾可以去到五十蚊。加上林森池話佢平均價係三十三蚊，雖然我將佢由神級變返做大師級，但佢點都係勁ge...。再講，雪災、第四季「虧損」都係去到27.x 元，佢又唔驚次按、美國經濟問題，我想暫時應該無乜咁勁的壞消息去壓佢價。技術分析可以看我上個post，用得週線圖，就要看長線一點，一個星期得兩日半，所以不是太可靠，還是看看香港下星期怎樣。暫時我真係唔太驚股災來左，還是牛市。

大跌分析

近排好懶，無乜點寫blog。其實我寫左一篇blog，因為寫到一半無post出來，係關於改良緊我的入市方法，但太難寫，暫時寫左一半，有空再寫咪佢。

今次大跌市，有人話係由放accumlator ，所以如果係的話因該見低。都俾d 人客斬到無晒貨了。我地又睇下圖，今次睇週線圖，點解睇週線圖，因為我發覺我的入市方法用日線圖好似比較適合短線少少，所以我今次試用週線圖。

首先睇下#941週線圖，你見最後個兩枝candlestick都係hammer-like，根據我經驗見到hammer-like candlestick係週線圖再加有兩枝的話命中率好高。第二係個前一枝係white hammer candlestick，之後個枝係shadow 裏面，好似一枝testing 的signal。

之後係#3968，又係幾枝hammer-like candlestick。我諗市差極大有限，因為係跌市係好少見到連續幾枝hammer 陰陽燭。其次是那枝紅色hammer 成交量好高，及出左no supply 可以當做testing signal。941 同3968都收到係acuulating zone附近。

再來，由一個網上高手的結論，我覺得佢係好準的。
-------------------------------------------------------------------------------------------------
今次牛市由03年4月開始。
牛一浪始於03年4月，終於04年3月，運行時間11-12個月。
牛三浪始於04年5月，終於07年10月，運行時間約41個月。這符合牛三浪為時間最長及升幅最大的特性。
牛五浪通常會與牛一浪的運行時間相若。果如是，則牛五浪頂將出現於08年12至09年1月之間。

中間的調整浪是:
牛二浪, 始於04年3月, 終於04年5月, 約不到3個月.
牛四浪, 始於07年10月底, 終於08年1月22日, 也不到3個月,
這與波浪理論相吻合.

結論是: 港股07年10月30日高見31958後, 完成了牛三浪, 並開始了牛四浪的運行, 牛四至1月22日低見21709後結束, 調整幅度接近牛三浪的50%(由04年5月的10917至07年10月底31958).

另一個支持的理據是, 匯豐1月份股價最高131.90, 最低跌至104.00, 但當月成 交量高達864.5M, 這是除98年8月政府入市時成交量1.1B外, 最大的單月成交, 誰人會在大跌市中大手入貨, 答案只能是
基金經理.

筆者: 我自己都發覺所有大藍籌股都有大成交量的特性，而家咁大成交量都係見底的先兆。並對佢的分析十分認同，我自己都係咁數法。
-------------------------------------------------------------------------------------------------

我地又睇下HSI週線圖，你見出現左一個好高成交量同hammer 陰陽燭。第二枝係一枝doji star，成交量交為細，可以視作testing signal。我自己真係唔多信會跌到二萬點，但由放中國暫時有雪災問題，所以需要較出時間去recover。

HSI日線圖可以說在1月31日出左枝testing signal。加上港匯走強，可能有突破跡象，此現象可能係由於直通車。有高手quate左好多新聞出來，例如update個系統，温家保講話，曾x權講話等等。都可能暗示直通車會出台。記得一個多星期時post我話果已經有HSI Daily chart 到有no supply訊號，同大插當日成交量超高，種種因素綜合來講可以話向上幾會又大一點。

從十年持倉大戶的資料得知大戶已經開始減淡倉，佢地最高個時有成一幾張(見post)，但現在已經減少，所以我認為下跌力度相對較低。中國人壽睇返圖暫時無#941同 3968那麼強，1200暫時好唔掂，好驚又坐艇，看看來緊個星期點攪法。

最後，在一月份有好多call 輪係一月二月到期，所以做落去都唔係無道理。次按已經俾美國係咁救，我見唔到香港會有超級大影響，因為香港近日係跌多過美國、日本、上海等地。跌多過其它地方即係危前有機。

2628 林森池仍然好樂觀，雖然條友真係俾佢玩死，但暫時我都覺得Q4無可能會蝕本到成百億，所以我成日都諗個句:「淡淡定有錢整」。

暫時計下有幾多資金，睇下入市再溝貨。應該係2628，我同佢拼命。

中國人壽

出左中國人壽07年盈警。經本公司初步估算，預計中國會計準則下，本公司2007年度實現的淨利潤將比截至2006年12月31日止2006 年度增長50%以上。咁就中招，點解會咁少，我以為可以過百，最大問題係點解Q3時淨利潤係246.96億，但全年得返143.84億，咁第四季不是無左成百億!? 唔係咁玩野呀? 有人話係因為06年新的會計制度，但係查下中國的07中中期報告，淨利潤有成169.96億並且用左會計新制，無可能年尾得返24.6.96億咁少 ? 今日中國人壽開市馬上係咁插水，真係無眼睇呀!!!

大跌市

今 日大跌市，跌到我都麻目晒，無晒感覺，甚至有點興奮，因我第一次係香港見到大時代的日子。一日之內我個投資組合無左成五萬蚊，真係快手。前前後後可以一個月內無成十萬，你都唔好話股災的威力。

俾我都無估錯 (睇前個post)，大戶真係做場大戲俾紅白藍睇，條友真係唔多掂，俾個市場帶住走，無d公信力。我肯定反彈浪會開始，因為今天成交超大，明天升的話一定有人暗中買貨，由於成交大，所以去到一半，一定有人沽返貨，因為人戶應該未收集好。加上大戶一定唔會放走26000班蟹民， 我都係其中一份子，所以未去到26000前一定會調頭。散戶見不對路驚熊市會狂沽貨，咁就會加速直插。大致上股市應該會咁走。我自己估23400個gap一定fill到，25800都有可能，這個gap應該fill完又插過。

三月#5號仔會公佈業績，根據不明消息透路， #5號仔可能會減派息，但咁多年第一次，如果係真真係會又插過。所以如果心血少的人不防在這個反彈浪止蝕離場。我唔肯定係唔係熊市的開始，但我只可以話現 在已經血流成河，係人都驚。係一個好位入貨，可惜我已經無晒錢，要等出糧才有。

今日減息，地產股應該係火車頭，我隻1200唔該同我死返上去。

檢視大市

而家飛高浪急，歐洲狂跌，由7%變到現在5%實在插得好勁，自己的銀彈已經用盡，雖然自己對後市是樂觀，但股市是一個群體的活動，不是你一個人話事，唯有持有手上的蟹貨，慢慢等署光出來。大市已經去到 panic selling，美期(今日休市)spread 多過50點。

日元走強報105.79，各地爭相收水平倉，短期各市場資金將可能收緊，原油及金屬資源市場價格已經下滑，再加美國次按產生的信貸問題，小心資金進一步由股市流走。同時，須密切留意日本央行動態。

18-1-2008 資料 :
HSI 期指未平倉合約, 10大淡倉比10大好倉多1萬7千多張 ; 恐怖!

我前個post估爆邊，估向上，但點知就向下真係激死我。我係based on 林森池的分析加自己技術分析，這個不是大問題，問題係要學習之前的錯誤。

1) 睇圖，發覺我第一次入中國人壽同招商個時係早左，原因係當時只係第二隻腳，但vsa無出到適當的信號，我諗我可以諗如果突然有一天大插(supply主導)並之前出現升不起的信號可以視之為轉勢Link。如果出現這個signal，唔理VSA出乜都要係三隻腳或者後先好入市。

2) 從圖中可以睇到我入2628@44.9是一次重大錯誤。我入市係因為之前佢一野升反上去個時成交量好，雖然出現左no demand signal但後來的成交量都唔錯，加上佢的水位剛好係一支大陰燭之間，我博佢牛皮爆上，好似上年八月個時咁，所以馬上入市。第二係50%的黃金分割法，因為大約去到這些位，通常都會牛皮，或者回落，我記得我係諗住長渣，所以唔鬼理。$45大約係4.5倍EV，我諗如果勁升應該做到五倍，所以博入去。今次教訓我以後會牛皮多個某個日子先可以入市，最好係一個小雙底後才入市，同唔好咁博命，我會切記!!!

3)今次係好多時係no supply signal 到入市，但証明一樣野，我要confirmation signal，即係一個testing，而家終於明白點解要confirmation，所以下次要有確定signal先好入市。

4)三角形估得無錯Link，會用這個方法，暫時睇唔到我用這個方法有乜問題。

5)今次我承認無之前咁保守，因為大市氣氛的問題，我以後會小心再小心。我會計好晒所有野，諗好晒先會入市，唔會即場諗買唔買入，俾大市影響自己的情緒。

6) 記得當時有人估24000，佢係王教授，係myradio到講，我當時睇圖係認同佢講法，因為24000係恒生八九月的牛皮區，即係accumulation area。但我都係信林森池多點。現在睇應該係第四隻腳的開始。

7)我記得係十二月尾我有以下分析Link。當時我講大市應該係由demand主導，但結果而家有眼睇，係由supply住導，所以我都係估佢爆上，但結果又係錯。係我最後換馬，可以看到個日有成交量supply增加，但我當時一定唔會知道的。我估demand主導但忘記一個好重要的問題，就係testing signal出現，之後有兩個no demand signals加一個係枝陰燭的位置，所以我要小心這個問題。但就算係個位入市，我都唔會大敗，因為點都唔會好似我而家咁傷。

8) 而家大跌市成交好大，因該有買力並no supply又出現，但現在歐洲那邊又大跌，任剛光又出來講野，命中率好高，所以我諗我唯有儲錢再看看出唔出擊。如果咁睇又要做一個testing先知佢係唔係到底，我之後就係唔等這個confimation(灰點)我要小心點。如果緊signal + confirmation，其實唔係想像中咁多位可以入。

9) 底估左美國對全世界的影響，我以為可以decouple到，因為香港當時有少少唔跟美國升同跌，如果大戶真係做市，真係俾佢玩死。

10)現在的走勢有點似Hell Triangle，因為係港股直通車帶動，同當時2628入A股，857入A股都差不多，都係三個底之後馬上狠狠地插下來。如果咁講需要長一點時間recover但個底可能已經見左。我唔肯定，我要等confirmation signal出現才知道。

11) 今日美國休息，大家都自由行。會唔會做場大戲俾美國睇呢?叫佢好快點做返d 野救下個經濟。

現在看看我的protfolio:

2628.HK	CHINA LIFE	-21,100.00
1200.HK	MIDLAND HOLDING	6,560.00
0941.HK	CHINA MOBILE	27,800.00
3968.HK	CM BANK	-3,925.00
1800.HK	CHINA COMM CONS	19,200.00

當然係輸得好多好多，唔多樂觀!!!電台好多人都開始驚，唯一有點安慰係咁。暫時寫住咁多，諗到再加上去。

換馬

今日早上唔洗工，當然係酒店呀，因為無人理我，唯有約住個客下午先開工。原本望住個市場都好地地，突然有人msn我話941@26.x。我之後馬上想換馬，因為347 同272 理佢好煩，加上941真係算好價，所以有換馬諗頭。馬上login set command，但係個password唔work?!有無攪錯，馬上打馬途電話去，叫佢放272 + 347 入941 現價。最後成交係放左
沽
272@8.23*2500 (bought at 6.75)
347@20.46*2240 (bought at 16.274)
入
941@127.8
個價麻麻地，不過我諗都係平，唔理la..而家係望天打掛，唔好大跌呀!!!我估爆邊應該會係一個星期到發生，睇下我有無錯la.....god bless me

一做完野返來check下....唉..941 大跌...美市唔多掂....唉..唔通我08年投資失敗?

大市分析

睇個勢大市已經跌到無乜力，但係升個時又無力升喎。因為e 幾日成交量升返但係股價都係窄幅上落。我估係買方想開始發力，但沽方係到死守，所以暫時都唔會見到大升的景象。原本我估應該係差不多時候，但e 幾日咁個成交量同上落，所以策略上還要睇定d 先得。從中可以見到2008年月頭個時下跌成交又多返，但第二日佢又數返上去，e 種異動一旦完成就會爆發。還有一點要注意，一個三角形態最佳突破時間係由佢個三角底至到佢個三角尖約三分之二，即係差不多現在。我估一至兩個星期有結果。

之後望下週線圖。一個desending triangle出現。望三角型態最動要看看陰陽燭的燭身由大變細。成交減少，但e週增加，你會話係之前聖誕得半日市，我就話係大戶打緊丈，應該等消息就出結果。我當然係買上呀!

買入美聯集團

今日買入美聯集團@12.16一手。買入原因係因為我認為香港樓市08年應該不錯，我十一月時寫的分析，大家可以睇下。
不我今日要講下個股的研究，我對美聯的分析方法如下:
1) 美聯佔香港物業代理的生意約三成
2) 只香港全年的樓宇成交金額對比返07年上半年美聯做左的生意額就知07年美聯全年的盈利。
3) 美聯自己有多一間上市公司係專做寫字樓的，生意都不錯，但重要是美聯1200.hk有八成以上的生意係做住宅，所以要係土地註冊處找住宅樓宇的數據

5) 大家睇下香港係下半年尤其係十月個時的成交金額係爆升，因為美國剛踏入減息周期。又有人話係因為股市好，所以好多資金走左去買樓。還要一提係香港的銀行存款係好高，好多人將d 錢係放晒入銀行，香港人大把錢去買樓。
6)07年上半年美聯勁賺，比06年上半升左成六倍。
7)我可以肯定08年的樓宅供應是不足，資料來源係網上好多高手的分析結果，你地自己找下。這個勢可以最少去到08年年尾。

得出的結果是07年美聯約有0.8元 EPS，12.16/0.8 = 15.2 P/E。今年樓市只要美聯自己分析會有40%的增長，我自己保守d 當佢30%，p/e都可以話算平。如果咁睇法，美聯08年尾上到20蚊真係不是問題。如果美聯再跌，我會放272瑞房換馬再買美聯集團。

最近消息，十二月的樓宇成交金額只有52511百萬元，比我係計算時的72000少。所以全年的EPS應該為0.8不是0.84。保守點，當EPS0.72，我係12.16/0.72=16.89 P/E。市盈率暫時都合理，看看一二月的重要月份是不是像06年那樣只是小陽春。

2007年投資回顧

今年係投資路上都算幾豐收，學左好多野。有學到睇圖，candlestick、volume spread analysis等。基礎分析就估值準左，因為知道某些行業的分析方法，信心大左。心態自己覺得成熟左同開始知道甚麼時間適合我入市買股。暫時知道某些牛皮時間係我入市好時機，回報都算可以。

今年回報暫時約27%，十一月個時入貨的好多都變左大閘蟹。但我相信來年回報應該不太差。如果唔計十一月入個時的股票，回報就有差不多六成。

暫時我的資產分佈如下:


我自己都中左招，好似招股的368.HK，又無狠下心追貨同賣貨。當然最重要係有時無跟到自己的投資計劃，自己個心魔成日係到作怪。這些都係一個問題。來年要從中吸取教訓，唔好再一錯再錯。31/12/2007 已經升到$6.55，真係升得快...唉

我相信我將來的投資回報會更好!!!

回應網友: 成交量 II

首先股價要飛升，一定要貨源少同有好強大的demand。因為咁，通常d 大戶都要係低位收集，收到咁上下佢地要做d 股價上去，引人注意，個日通常都要有好大成交同股價比平時升得好多，引人注意。之後個股價通常都會係咁升，升到咁上下無d 大戶會慢慢散貨同你會見到d 成交量減少左d ，或者大成量但股價升唔到上去，之後股價就會開似跌。跌到某一點d人開始驚，就會係咁放貨，個時你會見到個日會成交大同大跌，個日一開始你就會俾supply主導，直到d 人放晒佢想d 貨為止，e 個會不斷不斷重環。睇圖~

由於大跌個時係d 人唔想要貨，所以有好多supply，睇圖要睇到d 成交量變得好少，咁會出到no supply個signal出現。你見到近日的HSI就因為無乜出貨，所以跌得好少，就開始係26000點到跌唔落去。當這個phase出現，要股價升就要係有demand。看圖一定要由頭看到尾明白晒成個圖的故仔，無supply的話已經可以話係貨源歸邊。所以只要有少少demand個股價就會升，唔需要好大的成交量去support個股價上升，而家個HSI就係咁樣慢慢升。不過去到蟹貨區個時大戶如果好想做佢上佢，佢要消化d 人放出來的貨，個時一係就超大成交做佢上去，一係係個區到排徊再收貨，好似雙底，三底咁，不過這些係後話。

你會問一個問題，成量交係一買一賣的成交結果，你論上係demand=supply。我這個理論係一位外國人所發明(Volume Spread Analysis)，我可以話這個睇圖方法係最有率，因為我見所有高手最主要係得股價同成交量，指標係無乜點用。佢個理論背後就係因為股價係由大戶所操縱，所以個d 成交量係由大戶做出來。所以咁睇圖就可以知道大戶想做乜。但要注意這個方法唔識合用係太細的仙股亳子股咁，最好用 係流通量交多的股票上。

你睇HSI張圖，係約29000個時上左去又插返，即係好多蟹貨，你又見個到有支大大陰燭，同由supply主導，所以估佢要靠勁消息一野推佢上去，一係係個區到排徊再收貨。這個又即係解釋左點解破頂會一飛沖天。而家HSI升好似做緊雙底咁，佢係29000-26000係咁收貨，佢又跌唔去落去，所以我估無乜貨會沽出同佢近日成交咁少，又假期都升到，應該係由demand推動。睇圖最後加埋基礎分析，26000同HSI係合理價約18 p/e所以大戶想收集有demand一點都不出奇。後市我係睇好，加上我有重貨係正股到。

我可能解釋唔係太好，不過最主要係想大家明白股票的運動背後的理念。其它的example: 例子一 例子二(震倉)

回應銘記，我唔炒即市所以我都唔知。我通常都以日線圖為住，持股數星期至一個月以上，我方法係食股價的大浪，唔會係咁炒。我自己會睇小時圖，日線圖同週線圖為主。時間逾長個d signal就越準。最主要都係你想玩幾耐。尾時時的大單邊我有時都會睇，好似美國晚上出議息，香港地產股最尾個十幾分鐘會爆升，個時我覺得可信性較大。你話單邊走勢，如果係個股來講好多時會出現鎚頭(Hammer)的陰陽燭。我自己覺得鎚頭陰陽燭的可信性係高，但前提係要睇整個股走勢，有空再交流一下。

成交量

近日大家好多都話成交量少，交投淡靜，上升不配合成交量，所以好大機會會跌。我可以告訴你，這想法只是對了一半，因為佢地唔識得睇睇圖，只係將一條rule 亂咁用。
價格升係因為demand大，但又可以講係supply少。需求必須存，價格先會上升係一種常見的誤解。 股價升時，可以係市場沒有賣出的興趣， 因為賣方賣了他們想賣的，咁樣成交量就自然細la..道理同話貨源歸邊，或者係收集左差不多。 另外，股價未到賣家賣出的範圍，無supply，股價一樣會升。股價升或者跌開就唔會點停，要股價轉變，係要一個好大的"力"，這種力不是常常出現，一出現，股價就會係咁一路去，真到另一種力的出現，所以d 人話順勢就係咁解。
點可以分別到係demand/supply做主導，有人留言問我的話我再講。

加息 - 銀行股分析

	調整前利率	調整後利率	調整幅度
活期	0.81	0.72	-0.09
三個月	2.88	3.33	0.45
半　年	3.42	3.78	0.36
一　年	3.87	4.14	0.27
二　年	4.5	4.68	0.18
三　年	5.22	5.4	0.18
五　年	5.76	5.85	0.09

二、貸款

六個月	6.48	6.57	0.09
一　年	7.29	7.47	0.18
一至三年	7.47	7.56	0.09
三至五年	7.65	7.74	0.09
五年以上	7.83	7.83	0

加息只有活期存款與貸款的利差加大了，對招商較為有利，因為活期佔款較多。而對其它銀行的影響來說只是中性，既有利差擴大的部分也有利差減小的部分。至於對其它行業，因為長期貸款無乜加到，所以無乜所謂。因為有加有減，唔知佢個真正影響，所以唔會多理佢。

最後聽人講(同事)大陸將會出股票增值稅，VAT 成十幾%。唔知係唔係真la......

Derviative Analysis 衍生工具分析漫談

derviative俾我一個較為神秘的感覺，佢可以leverage的原理操縱個正股，大市，對大市的波動及未來走勢有影響。我見到好多高手都玩期指期權，但就好少玩窩輪，而且我見網上好多高手都要睇這些數據來預測大市，所以我一直都想知道有甚麼方法可以從中預測大市。但我上網狂做research、上網問人，大家的答法都不一(十個九個唔答)，沒有一個有效的系統去做預測，所以暫時用期指期權的數據來預測大市都係一知半解。暫時綜合所有方法如下:

1. 睇期指的未平倉合約及未平倉合約淨數。這個方法有個問題，就是好難知道是沽方還是買方處於優勢。因為期指是有對家買賣，點先知道買賣雙方誰是強手? 例子: 期指的未平倉合約數量也是在跌市時增加,升市時減少,反映造淡力量佔了上風.講就易，真係分析是都唔知準不準。
2. 睇期權倉分佈。這個方法係知道個最大個倉位係邊到(put or call)自己就可以估到個支持位同個阻力位。因為大戶係唔想俾指數超過這些大倉位而要賠錢的。但這個方法更本就係靠感覺，d 倉位根本就好似差不多咁。而且又係對家，所以實係有大戶參加。加多句由上年至今年每當加期貨合約按金恆指都上升。
3. 睇call/put ratio，如果call多就可能會跌，put多就可以會升，因為話這反映散戶的睇法喎。但咁大成交量邊有可能只有散戶呀。加多句睇指數及熱門股隻的 call 輪街貨量持續增加 ; 相反, put 輪街貨量持續減少，咁大戶就會做淡。
4. 每週睇下個十大參加者數據即係恒生指數期貨市場佔有率數據。在這次牛市中, 每週的十大好倉,經常都比十大淡倉多二,三千張; 你見市況整體亦向上.每當十大淡倉多出三千張, 大市於一週內回跌五百點的機率很高.如果淡倉多出6000張之多, 我只在2006年5月見過.若結算後情況持續, 甚不妙!
5. 在月尾轉倉的時候，留意一下下月期指約莫在什麽範圍內做的，然後結算完之後，看期指突破範圍的方向，就多數是什麽倉了。上就好倉，落就淡倉。有時候，大戶也會做個假突破，然後再回頭，假突破的幅度和時間都是很短的。
6. 高低水，但這個方法被好多批評過。高低水太容易受影響，好似三四月的派息月，通常都幾水百幾點。所以有無無路足，但我有個同事間唔中都睇佢來玩牛熊証的。
7. 有人睇沽空金額銳減及投機告好買盤增加來確認大市見低。
8. warrants對正股的影響好多網上都有討論，但暫時都無一個切實的答案。例子:
   My proposition is based on data and observation. For instance, the crude oil surged over 4% last night, yet 857 and 883 still plunged over 3% today. I have been watching 857 transactions for over 1 month, ABN has been very agressive selling 857 last two weeks. Today, the warrant issuers such as KBC, GS, DB, UBS etc joined forces to sell 857. Needless to say, some funds such as mirae asset were also selling too.
   In addition, do you realize 9089 and 9792 will be expired this month? Their market outstanding volume are huge. ABN has been buying back 9089 since last week. GS has been selling 857 for its 9792 with exercise price of 15 can be made worthless until expiry
   When 2 warrants are expiring within the same week, there's indeed incentive to sell-off the stock. 857 was heavily sold by several foreign firms yesterday, this I notice.
   睇市場數據Link

講左咁耐，大家都可能覺得這些方法都係無乜用，因為都唔可以話太準確。唯有講小弟看不透la...望有高人指點一下迷津! 如果真係要睇咁多野，我諗我一日都無咁多時間去做其它野。暫時結論係眾人相反(鳴謝timothy chan 既寶貴意見)。
買期買put者買call也。買期買call者買put也。
買call賣put者買期也。買put賣call者賣期也。
期指期權相合，變化萬千．唯歸於本源之時，ＣＡＬＬ即是ＰＵＴ，ＰＵＴ即是ＣＡＬＬ．期者亦復是也．