抽新股

今日call 個經紀朋友抽新股，民生銀行抽硬，之後心大心細想抽三一重裝國際。點解我想抽呢? 做左陣research..

首先講三一國際，風險最大的有:
1) 佢原來係三一重裝的子公司，業務係專做煤炭的機械，所以最大風險係煤炭業唔掂。
2) 佢d 機械要用好多鋼，如果鋼係咁升，佢成本會大增。鋼好似係個間公司佔80%以上的成本。

1/ 兩個大風險，我地就諗下這些問題。煤炭係大陸會唔會掂，答案原來係係第三季煤價升左，所以近日的煤炭股都有升。點解升呢? 因為需求大左，加上季節性的關係，有個分析師估計未來的煤價都係波動，不會大升大跌。

2/ 需求方面GDP都係慢慢增長，所以理應不會有任何問題。產能是不是過多這個問題我都唔係聽得好清楚，因為個分析師的普通話講得太快了。

3/ 鋼方面的價格都係會升，這個同經濟的需求有關，重點係三一可唔可以轉價到買家身上。暫時我都唔知道，但睇增長，毛利率，及母公司係內地的增長係不錯的。

4/ 煤價係08年先回落，而三一係08年係升左50%，我估09年以招股價及招股書內的預測eps 來講在09 年pe 約19，再加safety margin，應該2010唔會點死的。

5/ 但有新聞說一些631的問題，所以不能大大注咁抽，風險比較係進取一點。最後做左三十萬margin 本金用二萬九，這個trade 因為集資不多，應該不是太危險，我估一手起兩手只。

民生銀行就一百四十幾萬margin，這個trade非常safe，可能得一手，我多幾手都無所謂。

26/10/2009 Weekly Review

原本話想做個database，點知近排好鬼忙又無心機，我個朋友係加拿大又忙到爆，攪到無晒聲氣，不過我唔會俾個database 胎死腹中的。

今日重陽，去左拜山，之後當然係寄CV(無工...頂) 同研究下股票。暫時我認為大市去到牛一尾，接近入牛二，但唔肯定。我可以講之前係睇錯市....牛一尾。星期日研究股票一輪，諗住將941夠到內房/ 本地地產股，暫時內房有 668, 410, 3377, 1109, 272,123，本地有17, 1200，但我只會買一隻，還需要時間研究，內房俾其它行業大，需要時間消化。點解想換馬呢? 因為諗住入牛二麻，牛二通常會用加息的籍口，所以我睇好內房/ 保險，其次係內銀。這三個行業基本上係有關係的，941 太廢所以換馬內房係正確的。

估唔到2628 係星期五突然爆升，可惜我係36蚊有三手sc..賺唔晒，但我會來緊個星期做37/ 36 sp。我唔太相信2628 今年會升破40，但有點要注意，見到上星期有大手係37/ 40-44到做call 開倉，我一定唔會張所有股票做晒sc的，但可以好肯定短線一定係咁升。還有一點係2628剛出業積，中國人壽稱﹐今年1-9月份﹐公司淨利潤為人民幣198.7億元﹐較上年同期的人民幣131.1億元增長了51.6%。1-9 月 EPS 0.7人仔, 分分鐘 09年有1.3 HKD，果然無買錯。

"国寿很少投连险，也早早不卖了。
之前国内分析师指出，平安的红利平滑储备金体现在计提准备金上，因此可以看到平安的保险责任准备金/保费的比率变化很大，从130%到80%波动。而国寿 一直稳定在92%左右，而国寿事实上也是又做平滑储备的，（就是赚得多时储备一些，如果市道唔好就释放），这部分就体现在保单红利支出了。应该就是这个原 因导致红利支出大增。

大家留意利润表，1-9月保单红利支出109.75亿，但是实际的现金支出（即是实际上分给客户的红利）根据现金流量表，09年半年报为43.61亿，7-9月为29.79亿，合计73.4亿，也就是有36.35亿进入了储备以待将来如果市道下滑可以平滑业绩。"
咁就睇得出點解2628 的EV 尤其係new business個方面勁升.........都係個句，重倉2628

銀行我有3968，見到近日的借貸回暖，加上係中長線的借貸有增長，我認為銀行股尤其係中小型銀行有利。這招連美國佬都用緊，壓短升長，用息差俾銀行賺錢。最後，3968好似已經通過供股，我會留意。

中國移動

琴日有朋友打來問我中國移動點睇，我當然話唔洗驚，最好跌多d 等我入貨。暫時睇法係3G的三張牌照法給三間公司，你可以話中國移動的3G優勢細左少少，但風險又平均左。我的睇法如下wcdma和cdma2000係非常成熟的技術，但國產td-scdma 就麻麻地。不過後者可能會平一點，同將來可能可以推廣到其它地方。

有兩樣野要注意，鐵通係做地線，佢係完整，對中國移動的發展係有幫助。大家最近都有廣告想手機同屋企電話合拼。至於其它又要攪上市的買賣，又要股東通過，都唔會咁快攪掂。中國移動的優勢一定係到，暫時無可能打死佢，見報紙又話乜無晒優勢真係攪笑。佢又唔係好似美國at&t咁俾政府分折唔同公司，又唔係好似香港電訊咁無晒市場專利(最賺錢的長途電話無左)，點會咁快死人。大家諗下以前3G出時邊個會用，最多咪係打電話出同入。但有樣野不得不突，就係光纖到戶，這個可能係未來的大潮流，但我唔知咁合拼同中國移動有無用。

3G最大用處係佢的HSPA，即係無線boardband，同將來的mobile TV。我知道td-scdma已經測試成功，應該唔會對持牌者有太大技術問題。要建一個3G網絡都要兩年到，暫時睇唔到中國移動有乜問題，建網絡初實有問題，你一定要有2G網絡輔助，質素上中國移動佔優。新聯通的網絡客戶係低質數，但新聯通有晒銅線、光纖、WIFI、GSM/WCDMA業務牌照，未來有優勢，但需要好長好長的時間。

我其實都幾同意林森池的講法，中國一定要中國移動強大，走出中國好似Vodafone咁，對將來中國建交(幫人起通訊網絡)等有深遠影響力。

琴日睇返中國移動的IV，去到57%，係近年新高，如果開short put真係好時機，都證明左rsi低過三十，IV高，反彈機會好大，short 即月股票期權收期權金有著數。

中國人壽

出左中國人壽07年盈警。經本公司初步估算，預計中國會計準則下，本公司2007年度實現的淨利潤將比截至2006年12月31日止2006 年度增長50%以上。咁就中招，點解會咁少，我以為可以過百，最大問題係點解Q3時淨利潤係246.96億，但全年得返143.84億，咁第四季不是無左成百億!? 唔係咁玩野呀? 有人話係因為06年新的會計制度，但係查下中國的07中中期報告，淨利潤有成169.96億並且用左會計新制，無可能年尾得返24.6.96億咁少 ? 今日中國人壽開市馬上係咁插水，真係無眼睇呀!!!

檢視大市

而家飛高浪急，歐洲狂跌，由7%變到現在5%實在插得好勁，自己的銀彈已經用盡，雖然自己對後市是樂觀，但股市是一個群體的活動，不是你一個人話事，唯有持有手上的蟹貨，慢慢等署光出來。大市已經去到 panic selling，美期(今日休市)spread 多過50點。

日元走強報105.79，各地爭相收水平倉，短期各市場資金將可能收緊，原油及金屬資源市場價格已經下滑，再加美國次按產生的信貸問題，小心資金進一步由股市流走。同時，須密切留意日本央行動態。

18-1-2008 資料 :
HSI 期指未平倉合約, 10大淡倉比10大好倉多1萬7千多張 ; 恐怖!

我前個post估爆邊，估向上，但點知就向下真係激死我。我係based on 林森池的分析加自己技術分析，這個不是大問題，問題係要學習之前的錯誤。

1) 睇圖，發覺我第一次入中國人壽同招商個時係早左，原因係當時只係第二隻腳，但vsa無出到適當的信號，我諗我可以諗如果突然有一天大插(supply主導)並之前出現升不起的信號可以視之為轉勢Link。如果出現這個signal，唔理VSA出乜都要係三隻腳或者後先好入市。

2) 從圖中可以睇到我入2628@44.9是一次重大錯誤。我入市係因為之前佢一野升反上去個時成交量好，雖然出現左no demand signal但後來的成交量都唔錯，加上佢的水位剛好係一支大陰燭之間，我博佢牛皮爆上，好似上年八月個時咁，所以馬上入市。第二係50%的黃金分割法，因為大約去到這些位，通常都會牛皮，或者回落，我記得我係諗住長渣，所以唔鬼理。$45大約係4.5倍EV，我諗如果勁升應該做到五倍，所以博入去。今次教訓我以後會牛皮多個某個日子先可以入市，最好係一個小雙底後才入市，同唔好咁博命，我會切記!!!

3)今次係好多時係no supply signal 到入市，但証明一樣野，我要confirmation signal，即係一個testing，而家終於明白點解要confirmation，所以下次要有確定signal先好入市。

4)三角形估得無錯Link，會用這個方法，暫時睇唔到我用這個方法有乜問題。

5)今次我承認無之前咁保守，因為大市氣氛的問題，我以後會小心再小心。我會計好晒所有野，諗好晒先會入市，唔會即場諗買唔買入，俾大市影響自己的情緒。

6) 記得當時有人估24000，佢係王教授，係myradio到講，我當時睇圖係認同佢講法，因為24000係恒生八九月的牛皮區，即係accumulation area。但我都係信林森池多點。現在睇應該係第四隻腳的開始。

7)我記得係十二月尾我有以下分析Link。當時我講大市應該係由demand主導，但結果而家有眼睇，係由supply住導，所以我都係估佢爆上，但結果又係錯。係我最後換馬，可以看到個日有成交量supply增加，但我當時一定唔會知道的。我估demand主導但忘記一個好重要的問題，就係testing signal出現，之後有兩個no demand signals加一個係枝陰燭的位置，所以我要小心這個問題。但就算係個位入市，我都唔會大敗，因為點都唔會好似我而家咁傷。

8) 而家大跌市成交好大，因該有買力並no supply又出現，但現在歐洲那邊又大跌，任剛光又出來講野，命中率好高，所以我諗我唯有儲錢再看看出唔出擊。如果咁睇又要做一個testing先知佢係唔係到底，我之後就係唔等這個confimation(灰點)我要小心點。如果緊signal + confirmation，其實唔係想像中咁多位可以入。

9) 底估左美國對全世界的影響，我以為可以decouple到，因為香港當時有少少唔跟美國升同跌，如果大戶真係做市，真係俾佢玩死。

10)現在的走勢有點似Hell Triangle，因為係港股直通車帶動，同當時2628入A股，857入A股都差不多，都係三個底之後馬上狠狠地插下來。如果咁講需要長一點時間recover但個底可能已經見左。我唔肯定，我要等confirmation signal出現才知道。

11) 今日美國休息，大家都自由行。會唔會做場大戲俾美國睇呢?叫佢好快點做返d 野救下個經濟。

現在看看我的protfolio:

2628.HK	CHINA LIFE	-21,100.00
1200.HK	MIDLAND HOLDING	6,560.00
0941.HK	CHINA MOBILE	27,800.00
3968.HK	CM BANK	-3,925.00
1800.HK	CHINA COMM CONS	19,200.00

當然係輸得好多好多，唔多樂觀!!!電台好多人都開始驚，唯一有點安慰係咁。暫時寫住咁多，諗到再加上去。

買入美聯集團

今日買入美聯集團@12.16一手。買入原因係因為我認為香港樓市08年應該不錯，我十一月時寫的分析，大家可以睇下。
不我今日要講下個股的研究，我對美聯的分析方法如下:
1) 美聯佔香港物業代理的生意約三成
2) 只香港全年的樓宇成交金額對比返07年上半年美聯做左的生意額就知07年美聯全年的盈利。
3) 美聯自己有多一間上市公司係專做寫字樓的，生意都不錯，但重要是美聯1200.hk有八成以上的生意係做住宅，所以要係土地註冊處找住宅樓宇的數據

5) 大家睇下香港係下半年尤其係十月個時的成交金額係爆升，因為美國剛踏入減息周期。又有人話係因為股市好，所以好多資金走左去買樓。還要一提係香港的銀行存款係好高，好多人將d 錢係放晒入銀行，香港人大把錢去買樓。
6)07年上半年美聯勁賺，比06年上半升左成六倍。
7)我可以肯定08年的樓宅供應是不足，資料來源係網上好多高手的分析結果，你地自己找下。這個勢可以最少去到08年年尾。

得出的結果是07年美聯約有0.8元 EPS，12.16/0.8 = 15.2 P/E。今年樓市只要美聯自己分析會有40%的增長，我自己保守d 當佢30%，p/e都可以話算平。如果咁睇法，美聯08年尾上到20蚊真係不是問題。如果美聯再跌，我會放272瑞房換馬再買美聯集團。

最近消息，十二月的樓宇成交金額只有52511百萬元，比我係計算時的72000少。所以全年的EPS應該為0.8不是0.84。保守點，當EPS0.72，我係12.16/0.72=16.89 P/E。市盈率暫時都合理，看看一二月的重要月份是不是像06年那樣只是小陽春。

加息 - 銀行股分析

	調整前利率	調整後利率	調整幅度
活期	0.81	0.72	-0.09
三個月	2.88	3.33	0.45
半　年	3.42	3.78	0.36
一　年	3.87	4.14	0.27
二　年	4.5	4.68	0.18
三　年	5.22	5.4	0.18
五　年	5.76	5.85	0.09

二、貸款

六個月	6.48	6.57	0.09
一　年	7.29	7.47	0.18
一至三年	7.47	7.56	0.09
三至五年	7.65	7.74	0.09
五年以上	7.83	7.83	0

加息只有活期存款與貸款的利差加大了，對招商較為有利，因為活期佔款較多。而對其它銀行的影響來說只是中性，既有利差擴大的部分也有利差減小的部分。至於對其它行業，因為長期貸款無乜加到，所以無乜所謂。因為有加有減，唔知佢個真正影響，所以唔會多理佢。

最後聽人講(同事)大陸將會出股票增值稅，VAT 成十幾%。唔知係唔係真la......

招商分析

今日係網到見到有人看淡銀行股，住要係因為加息，加準備金，針對內房的宏調，及銀行股在今次的跌市中是較深的原因而看淡。上網看過分析同看過財務報告，發現招商在第三季有39%增長，淨利息收入超過100%。一、發行H股，二、利息差，三、手續費傭金收入，四、稅率降低。
調高準傋可以看這個分析: LINK
第點係佢有超額儲款準備金，可以放貸來自己用。可以睇下這個分析: LINK

銀行主要收入係
1) 利息收入 (手續費傭金)
主要係貸款及債券利息收入，所以加息可能對這個收入有利。人民幣升值對其影響不大。
2) 非利息收入
增長好快同占業務約16%，有不錯的發展。

而招商銀行的非利息收入增長強勁，加上佢可以變動自己的資產，好難預計加息等宏調對佢的影響。佢個超額存款利率好似增加左好多，我唔知點解同乜原因。我就覺得招商銀行唔會有乜大問題出現，但增長唔知會唔會放緩，不過應該有30%以上增長。最後，近排銀行股跌得咁多，此中俾人個信心麻麻地。

買入美聯集團

今日買入美聯1200.HK @9.28。琴日都諗住入，但唔知入2628, 3968, 1200。今日同alex 傾開，佢話1200 的TA子好，我自己都覺得係。原因如下:

1. 無乜crab貨，佢唔似2628咁由高位一跌係咁跌，lock左好多人，所以升個時應該好快，爆炸力應該驚人
2. 近日跌市時抗跌力都不錯。加上我博佢美國再減息，所以佢應該會有得抄
3. 隻股個management唔係非常好，但香港樓市應該好掂
4. 網上好多高手都有買佢，自己可以睇下: 美聯集團1200.hk分析
5. 加上最近樓市一路升，美聯係唯一一隻上市樓盤買賣agent，所以可以話係獨市
6. 林森池都睇好樓市，簫若元都講明今日落成的新樓盤單位好少，所以我諗應該會有炒風
7. 加上中原指數向始回升，看圖:
   
8. 今年上半年盈利增長六倍，下半年有新年同農曆年都係旺李，應該比上年更好
9. P/E 好底，入市良機。
   
10. 供應有限、負利率、借貸低、高儲蓄、比水湖
11. 加上股東股益表到見到好多基金約八蚊增持，所以唔會咁快散的
    

大市 - 在晚上更新

琴日受美國拖累，恒生指數最高急跌過千點。但今日開市即反戰，表現神勇。問題是市底是不是那麼強? 根據本人的觀察所得，原來大陸來香港只要每年每一個人不超過港元四十萬就可以了，這是資金自由行。QDII一日內可以有過百億元的買盤，便知資金是如何泛濫。現在是還有大升，破三萬，一係牛皮等出方向呢? 真係諗到頭都大。我的諗法是中長線向好，短線偏淡。這是中國黃金十年，所以一定是向好的。但短線是怎樣呢?

看看HSI 的圖，每插一野，個成交量都好大。那麼代表好多人賣同買，只要其中一方消失，便會出現大跌同大升。感覺上大升的水位不是很大，可以從上篇文章中由政治角度出發。我想這可能是派貨，還是中資大戶和外資大戶打扙中呢? 我懷疑有大戶在九月中尾抽高，可以看出那時成交量變大，但十月股價在千億的成交量沒有明顯上升。這是一個大懷點。

今日同alex 係公司講左一陣，佢話今天成交少，原來佢都有睇成交量，真係估唔到。我就只用成交量同陰陽燭，所以我就靠一幅勁簡單的圖看後市。晚上有點時間，詳細睇下。發覺原來個市真係幾強，唔係想像中咁差，我諗暫時今個星期問題不大。個upthrust都係收高個之前的candle，所以不是太差，我自己係office個時睇漏左。結論係如下，明天升，成交量比今天少，是一個不良singal。如果明天升，成交量大過今天，問題不大，向好。明天跌，成交量約千六的話，不用多理。應該有人想開始做個市向下，但暫時力量不大。不會成功。

咁我地就睇下基本分析的PEG。暫時還有一點水位上，因為都有幾間公司盈利超預期。現在再整理自己的思維。
1) 中國移動增長由八月的放緩變到廿十幾%的增長。招行有一百三十幾巴仙的增長，這些也是好消息。但941水位一定不高，而3968也不平，但也不貴。那麼大市還有一點點上升空間，可惜不大。在2007年十月廿八日的星期日，我自己再由基本詳細分析，發覺06年的股價其實係幾跟PEG的。如果咁睇法，07PEG沒有大水位，但08的PEG還有好多水位。如是者，在Excel裏面的H股上升水位應該不大，這也解釋了大市轉炒細價股及地產股。
2) 資金非常多，這是一個好事來的。股市一定有上升動力。但會不會十七大開完會出來開始有宏調或者增消息呢? 好似中國樓市有爆破機會、美國減息(+-)、油價高企等等都是做淡的好幫手。

綜合來說，還是等食花生睇戲。安全駛得萬年船。

272.HK 瑞安房地產 2007 中期業績短評

• #272 上半的業績其實同去年同期差唔多, 可以話冇增長.
• 純利上升純粹是因為稅務開支減少佐及重估物業價值比去年上升左.
• 員工人數由同期的935人增加到1048, 增加左12%, 但員工成本就增加超過一倍($64M->$134M). 員工的人工及花紅 全期DOUBLED 佐?
• 推廣開支亦增加80%, 由去年同期的$100M 增加到 $181M. 這裡是否意味著銷售方面較困難需要加強推廣呢? 有待觀察.
• 因為上年上市集佐資, 財務成本減少及利息收入增加抵銷左員工成本及推廣開支的增加.

1. 2006年EPS : 0.476,
2006年H2EPS : 0.286
2007H1EPS : 0.26 (較2006年H2有些微退步, 約10%) (較2006H1增加36.8%)
2. NAV增加6.5%
3. 土儲加42%
4.負債去到10%, 但較2006年的5%多了一倍
唯一較好的是有0.05股息....其他同類股份無息派....但是否無其他作為或有意與股東分享.....要問 羅生先知

1) 盈利已顯示完全攤薄, 去除攤薄的顧慮.
2) 轉讓陪份於武漢天地及上海太平橋項目權益, 對下半年盈利已有保障.
3) 預計於07, 08, 09年可銷售和可出租面積以倍數上升.
4) 出租物業可長期保持穩定盈利收入
5) 負債與其他內房股比較仍然極低, 集資壓力較輕.
6) 2007 年下半年有特殊盈利, 因出售其下三個項目的 48% 權益.

暫時都係不賣也不買，keep 住。e 匹可可能係未來的太古坊，睇下我的耐性同技術。小注博大回報。

P/E

之前睇書都有講過用P/E選股。例如d 盈利係唔係一次性，增長如何，又要成個行業睇。當股時升時個P/E 實高，股市跌時個P/E實底，所以你都唔知個時個P/E係唔係合理，因為個個行業都一齊升同跌。

今日同陳tim 傾而家d 中資銀行股係唔係好貴。佢話唔貴，銀行股好多都係二十p/e 。咁我咁得閒，一條友咁寞悶就走去計下先。發覺939 個p/e 平均係底的。3968個p/e係高，因為一個增長好快，一個慢少少。咁而家應唔應該買?

Code	06 P/E	07 P/E H1	07 p/e	07 P/E	08' PEG
3968	32.075	68.214	34.107	29.602	0.358
3328	31.923	47.500	23.750	23.750	0.618
1398	#DIV/0!	40.833	20.417	20.417	#REF!
939	19.595	30.789	15.395	15.395	0.190
2318	40.945	53.273	26.637	27.685	0.250
2628	30.667	42.866	21.433	21.433	0.181
347	13.089	26.667	13.333	7.986	0.192

計要個表係咁。咁好似好平。但有個問題，就係股價好似唔多跟盈利走，雖然林森池話會。分析一下: 業績通常係三四出年尾業績，八月出年中業績。好多人話升高出貨又或者有好消息抄上。問題係你用邊年數據去計邊年的p/e 。預計十年後的p/e 實平，半年後的p/e 就唔知。睇個樣而家d p/e 都唔算好高。點個p/e 算叫高，有個方法就係做PEG。但我記得林森池本書保險股d PEG好似係勁底。咁即係點? 唯有返香港再睇下佢本書lor......

而家咁睇P/E 係合理，炒高係因為業績好過預期，所以要買貨。增長快，所以高p/e 是正常的。業績一出，d 股馬上係咁炒，所以好多時由平馬上去到合理水平。炒A/H 股其實係借口，個d 無咁多盈利支持的股份可能係俾大戶做花瓶。咁樣可以解釋點解好股升得快跌得少。

如果真係平，我會放走945 入中資股。睇返d 圖同個p/e個股價係唔會你想像中咁合理，根本唔洗計到頭都大，唔好太離譜就得。最大問題係07年下半年可唔可以好似上半年咁勁，可以就你睇到的數，唔可以...哈哈....肯定pk .......EPS earnings 大部份都係由投資到來，你睇下銀行d book value 邊有增長咁快。股市一爆，業績係幾何及咁跌。

你睇我悶到要計數....唉...天呀....又唔見我係股場賺得錢多。下次一出業績要計數。睇左咁多書有唔同方法，我諗我開始明白自己的style 了。結論係有好多方法，有利有幣，自己鐘意邊其中一兩種就掂。

HIBOR, Oil, 30 Year Bond (3rd Edition)

係公司攪個chart 好耐，唔好睇佢以為e 個係普通chart 佢係stock chart + add series + secondary axis 。 做e 個chart 攪左成日先掂，勁難plot。似d 有空我會再難d ，係兩三個chart 用同一個Y-axis 一齊plot 出來。難上加難。

睇森林池本書佢教睇 oil price > Fed funds rate > HIBOR > CPI > HSI P/E 等等 同其它一此宏觀理論去諗個股市有無泡沫。我個感覺就係更本無一個實際formula, 其實好似technical analysis 咁，同一幅圖唔同解釋。好睇經驗。


每一次股災都有唔同因素，可以睇返林森池本新書。基本上fed interest rate > 6% 要小心。HIBOR 就要跟，無乜話幾時股災，但係有d 參考價值。

我諗TA，可以睇到成交量同心理，再用基本分析應該有幫助。

睇張20年圖而家HIBOR暫時都係低，即係有把錢係到? 但係美元又弱，所以個息底?


全部HIBOR都係三個月。HIBOR 係乜? 香港銀行同業拆息!

d 圖係用VBA generate 出來，excel 無乜就咁gen 出來,真係差。今次發覺Excel 可以做好多特別的chart ，但係就非常難做。

林森池之前有講用債市去predict 股災，但係佢本書就無講，只係係佢個talk 到講。notes 就上網自己睇睇吧。

http://www.rthk.org.hk/rthk/pth/ezone/20070716.html
我自己都好唔明債券、股票、商品、利率、期貨、拆息等等這些經濟重要數據關係。上網找過有好多research，但就無人會話一條formula 俾你。所以唔洗諗到頭都大都無用，自己知道少少就算。