玉米油

至於將於本周五掛牌的中國玉米油（1006），宣布以三點五九元近上限定價，每認購九十手，要掏出三十多萬元才穩獲一手，炒味甚濃之餘，大部分散戶要望門興歎。

我抽得過五十手，睇下到時點。當時市面一點都唔hit，我睇好都驚唔抽得多。知到結果再update，可能蝕二百蚊手續費。

Ok...知道結果，中左一手。點解輝立都未講我又知?上網查到我身份證喎

好....暗盤價係咁升，應該可以炒下。得一手，d 肉食好過無。

抽中國玉米

今日做左margin 中國玉米 1006。今次抽係因為係電台有人介紹，我自己馬上用一個小時多點係咁睇佢d 資料，如下:

1) 08年六月三十同09年六月三十號 的收入比較, 09 年收入減少，因為退稅、外銷政策、玉米油價格下跌等等。
2) 佢係三大產玉米油的公司，又係銷售玉米油的龍頭股
3) 玉米油在中國回升，需求增加。所以我估下半年的增長好勁，預期09年p/e 約15，如果以招股價下限計得10，對比其它的相關股算平。有點要留意佢都算係細公司，所以打個p/e折扣招股合理。
4) 睇返佢招股書，大陸其實係政策上已經迫佢大力推行內需。加上中國經濟政策要行內需，佢應該食到這條水。
5) 佢產能好快會飽和，今次集資有四成幾係去擴充產能，無集資用來還債。我自己一見到用來還債一定唔抽，金沙就係好例子。2010-2011年有新生產線投入服務，應該產能會再上升。
6) 佢profit margin 下跌但都有12%，負債好細。
7) 係網上見到: 北京東方艾格農業咨詢公司油料行業分析師陳麗娜向《第一財經日報》介紹，由於消費習慣的問題，目前玉米油在國內一直是個小油種，市場份額不到5%，而棕榈 油、豆油、花生油占了幾乎大部分市場。中國玉米油公司的產品主要市場在海外，因此陳麗娜稱中國玉米油公司在歐交所上市，也是對重點市場作出的明智選擇。
8) 根據中國農業部發出的資料，1997-2006年期間，內地植物油消費量總體複合年增長大約9.3%
9) 2009年預測盈利將不少於1.13億元人民幣，按年增加23.6%
10) 佢今次集資股數不多，細細隻應該有得炒下。加上佢會係其它地方集資，我諗ok gwa.....

最後一共用margin抽五十手，約二十萬。