大插日

記得星期五一起身睇下個電腦馬上見到成千點，當時係香港時間兩點半多點。我以為自己眼花，望多一次手諗pk。之後睇下我d 股票，答案係無眼睇。所以就快快食早餐同返工。去到公司九點鐘到，香港時間四點睇下收市。結果只係跌兩點幾點，我心諗大市會唔會咁強呀。再望一望個恒指圖，candlestick 係hammer 成交奇高。之前個日係小hammer，成交又係勁。我諗可能見底了。返到屋企美國個邊更有新聞出，馬上更加肯定。今日再睇個圖，BB (weekly)保力加通道個枝candlestick 穿過，好signal 來的。RSI過左30。午市後成交先急升，咁即係應該之前好多散戶俾人震走。

今次我都估唔到會插得咁底，理論上最底係黃色的收集區。點知咁都可以插得落去。只要唔破個區我都係會賺，因為我買的股票跑嬴指數。成交量開始變大最後大時代日倒升，所以應該好多人入貨。林森池話有強手係15分鐘買左成億中國人壽，所以時場係好專業。我估大戶真係可以做市，成交量最尾個三日係咁升，即係多人賣同多人買la...。買到最後咪升lor...

今次有好多裂口，所以回升應該有阻力。我估可能會建一個W 底。會唔會係熊市真係無人知。暫時睇唔到。暫時個勢就唔似。下個星期係關建，牛皮係最好等我出量去入貨。暫時目標去到21400/ 22000點，之後可能會回，我唔肯定，到時睇signal。如果下星期升，咁個見底signal 就出來。

今次升浪升得好急，所以跌得好勁。自己唯一輸緊錢係3328，真係飲恨，輸左成7.32%。有一位好友係到yeah 我，我諗佢隻創科都俾我d 股票更慘。

2628.HK	CHINA LIFE	27.60	24.20	14.05%
0272.HK	SHUI ON LAND	7.60	6.75	12.59%
1886.HK	HUIYUAN JUICE	8.68	6.00	44.67%
3328.HK	BANKCOMM	7.72	8.33	-7.32%
0945.HK	MANULIFE	274.00	250.00	9.60%
0941.HK	CHINA MOBILE	81.00	52.00	55.77%
0347.HK	ANGANG STEEL	18.32	16.24	12.81%
1800.HK	CHINA COMM CONS	13.94	10.30	35.34%

好多股票都俾最高點跌左一半好多，唔係好事。回升應該唔係大問題，全部好都係股來的。我都係好放心，一股也不沽。05 年開始買入股票，回報最高由40% 得返20%。真係激死我......

好多大股，941, 2628 等等都有一個hammer candlestick。全部都係反彈。上次2628就係咁form左個hammer candlestick + 一個white candle 變做engulf candle pattern。e 個係一個好好的入市訊息。可惜我無錢，如果一星期見到d 股走勢係咁可以入市。

今次大跌我心情好興奮，真係難得一見呀。可惜係英國唔可以全情感受。