近日動作

昨日接左3968sp @ 21 *2 兩手貨, 之後馬上係今天開sc @21 Dec $0.32 *2 。用i-access做做小小都可以有錢賺

上個星期五, 我賣左三手939 @ 6.98，有超微利潤, 都廢事講出來。我會睇機會再開short call。

暫時我睇個市係十二月應該先底後高橫行格。期指倉今個月比十一月少, 成倉好似未完, 但對比數月前就實於正常，可能十二月D大戶廢事做咁。圖方面下跌成交開始減少, 但昨明都係期指結算日, 我諗真正要等星期四先可以估方向。睇個勢我就唔係太驚，但任志剛係上個月的言論，我覺得點都要小心點。

期指倉

看看十二月期指建倉過程就知道這個 月不可能是淡倉，不然的話，初初建立的三千多張合約早已輸了兩次總按金了。而本月的四號、五號、八號十二月都加淨倉過千張，這都是本月高位的日子，意思是 對十二月來說，這些本月高位也是開倉的好位置才會這麼早做定，去到剛剛的週五更大加三千多張淨倉，所以只要能看遠一些，現水平應是買貨建倉的時間

ok....睇個樣HSI去到2280，到時會做個頭肩頂/ 頭肩底, 約兩三個星期。咁就知係唔係股災

short put 939

今日 short put Dec 939 @ 7.5 $0.22 *3
做short put 係見939 當時早上出左支hammer-like candle，加上成交細，即係沽壓應該少左，所以做來收返少少權金可以唔洗錢咁買lc @8.5 Dec 。因為之前做左的。

睇返今日的期指倉，好似大戶有少少想反倉，但唔肯定。圖方面普普通通，唯有耐心等待。我暫時都係睇好的。應該大市等G20班大佬做完show 會再郁。

今日動作

今日決定平左2628 Nov @ 37 *4 的short call 搬左倉去 Dec @ 39 *4
結果以0.97 平，收0.92  蝕$120 + 100 +100+100= 蝕$420
計返之前開Nov @36的short call = 0.26*4000-100 = $930
即係930-420 = 暫時賺$510

其實有諗以下應變方案
1. 乜都唔做
2. 平37 開38
3. 平37 開39
最後都係選開$39, 一來唔係蝕太多, 二來琴日發覺期權倉到有2千幾oi 成交係十二月26000到,即係好淡友已經將目標上移。三來我估2628 年尾應該還有得再升，而家只係大戶的收集區, 大戶唔會咁快放棄。四來我的2628 係38到買, 39 放的話感覺良好。暫時hsi 去到p/e: 18.x 都未爆住...

最後想講下美國QE2。其實美國根左無狂印銀紙, 佢的錢極加無留出市面。詳情睇下明報...

short put 2628

short put 2628 @34 * 2 Dec 收$0.75
今日見佢升得有勢，所以做左。原本都有諗住買多一手正股, 對沖手上四手SC @35 DEC , 但諗諗下個時已經係36.2, 無乜肉食, 倒不如做兩手SP好過。

之後又要諗下@37蚊的short call洗唔洗搬倉, 真係有點煩

long call 939

上個星期五 long call 左939 @8.5 *2 $0.35 。諗住用我short put 11月939的錢來博,，點知939開始跌，睇來個勢會有一陣回調，我個兩張short call唔會止蝕，因為輸晒對我的都無乜影響，只係七百多元。我買939原本諗住佢破頂後狂升的，望係咁望la....日線圖做左粒射擊樣的星，好彩係陽燭，情況不太壞，只要明天不是大陰燭，破頂之象應該不差。加上佢好似要集資，只要集資前走人，應該有一定水位可以賺。

睇返個市，我都係睇好，期指倉同期權倉都無乜大變，都係向上。我估而家係牛二，的中段，還有大把水位可以升，我暫時預計應該會升到6xxx(今個月)，先會有個似返點樣的回調，之後會再上。大家可能以為我傻，我有理有的，期指倉有成十一萬多張倉數，而且一路升一路加。期次係期權倉都係咁，三來十月轉倉位係23xxx，以最傻點數計，一個月期指可以上三千點，加上前幾個月築底來計，可以升到26000。當然樂觀今個月，差少少就年尾前，最差點就回調。

睇返我持有的股票，1988好似築底，3968 / 2628 好似要儲力再上，所以應該需要點時間。唯一可以做就係等。遲點可能抽新股....往後我的策略就係short call 賺錢的正股，以利潤long call，狂攻。

明天要打去輝立攪攪先..

short call 1211

e 隻股真係同佢無綠，係上個星期五做左 short call @ 48 Nov，收$902。希望佢唔好大跌，升的話我放左佢唔理了，都無眼睇。我估十一月應該波幅幾大。而家adr 的中資股跌緊，我諗時都無乜頭緒。期指倉今個月好大，成十一萬張有多，睇來大家都要小心，坐錯邊真係會死人。當然我暫時都係睇好，各國加息，無理由個game咁快玩完。

而家hsi p/e 係17.8，我諗都未爆煲。成交量等都不錯，暫時都係睇好。我股票個邊無乜動作，都係等。

睇過2628的報告，我估報績不是想像中咁差，應該係2011年先真真正正有運行，大家要耐心等待。

1211

近日工事超忙，一來多野做，二來又因為有香港有公司入股，係到攪衰我份contract ，真係煩到爆。

琴日個朋友問我個sp 1211點樣，大家放心, 我係52.9 即係星期二早上個時已經平倉，賺$86 蚊咁大把。我做這個決定係因為一, 知道係1211的業績不好, 二大成交下跌, 應該俾人洗倉, 所以馬上平倉。 雖然張sp 價內,但我係個多月前已經開左, 加上近月尾, 所以我好彩無事。之後我張 sc @48睇下到時有無事，而家1211做緊47.85。

1211 真係差到爆，我諗我同佢都無緣。

琴日大市大成交下跌, 我諗大家要小心, 今晚返去睇下圖研究下先。

近日交易

一開市買左兩手2628  @34.742，用來對沖我十二月的sc @ 35，我暫時都係驚個市會突然大跌，因為任志剛的言論，所以睇機會會走佬。

之後今日平2628 sc @ 36 ，搬左去出年三月@40，收$1.06 ，計返手續費剛好平手。其實都唔知洗唔洗搬，不過搬左無後顧之憂。因為我個d 貨平均價係四十蚊，所以搬左而2628 又升的話就一定無事，佢唔大跌就得，當放係到。原本諗住36蚊都可以short put 返來，但都係驚係咁升，所以走左貨以後唔理。已經由Oct @34 -->Nov @36 ---> Mar @40。雖則搬倉無乜點蝕，但都好似走得唔好咁。

close sc Nov @ 36 $1.02 * 4 +100
open sc Mar @ 40 $1.06*4 + 100
最後蝕 $40蚊，但個價去到$40。

有關我2628 sc Nov @ 37，我暫時就唔想搬，我估唔到2628 升得咁快，加上成交配合，所以暫時個勢應該幾好。不過AIA係十月廿一日定價，我諗到時個市會回調，到時睇位做short call。加上37蚊走貨我自己都滿意，所以唔係太擔心。不過我都覺得2628 唔會升得太快，哈哈。

再之前開左939 sp Nov @6.75 * 5 $0.18

挾倉

今日紫金復牌，升超過一成，我的12月short call @ 6 已經嚴重價內，都廢事救佢了。唯一好彩係我一向都比較安全，有股票保護一下。

前兩日做左3968 short put @ 20 收 $0.26 * 3

今日搬左我的2628 由34 到十一月36
平sc 34 @ 0.8 * 4 =3200 + 100 + 3 = -$3300
開sc 36 @ 0.64*4 = 2560 -100 - 3 = 2457  - 3300 =  蝕 637
之前 sc 34 @ 0.14 *4 = $497 = 637 - 497 = $140 即 最後蝕$150
當2628 係36蚊，我有信心可以用short put慢慢救返來
而家2628 Dec @ 35 ，我諗可能又要搬倉，不過這個遲點先算數。

2628 今日成交十一點幾個時已經好大，我估可能遲d 要調整小小時間，但個勢我估未完，所以都係搬左倉先再算

再開short call

今日再開short call 2628 @ Nov $37 收 $0.26 * 4
今次夠晒遠，但我已經有 2628 的short call 如下:
2628 @ 34 Oct *4
2628 @ 35 Dec*4
我暫時諗2628 十月可能要搬倉，但唔係太驚，因為有信心走到。
以2628 今日的勢來講，今日收市升的話，應該長升長有。
暫時睇d 圖，3698 , 939 , 2628 應該會有一浸咁升，似築低。

short call 2628

今日開左 short call 2628 @34 Oct $0.15 * 4 = $600-100-3= $497
開完都唔記得左自己有開，無野做個時望下個 screen  先見到完來成交左。暫時我估大市應該會回一下, 十月1-7 日係中國長假期，我估到時港股的走勢應該會較為反覆。我做short call $34  應該夠晒遠，希望到時唔洗走 short call,如果到時係行使價附近, 我諗我賣左去搬去另一個證券戶口。

有機會我會再開 short put 939 / 3968, 雖然而家內銀/內險好弱，但我睇完上証的圖, 而家好可能係大戶收貨期, 網上的人已經有人俾人悶到賣左貨出來。加上而家指數全部係用地產, 共用股等拉升, 內銀等升幅有限, 我估這個板應該會保留用來狂升恒指上A用。

十月尾AIA上市,再加上睇圖要收貨, 估三個月至半年時間。地產回緩, 應該有望令銀行股下一城。

1211

1211 兩日升超過十幾 % ，真係升到傻。可惜我@48做左short call重要係75 蚊個時接貨，所以真係蝕到傻。今日一開市微升，之後十一點幾好似火箭咁係咁升，無法子當時諗一係唔理，蝕貨走人，一係short put 賺返少少期權金算數。諗下諗下都係開short put 所以做左

sp Oct @ 55  $3.1
之前 sc Oct @ 48 $1.84
所以如果佢十月尾係

1. $48-$55之間要接貨同放貨，如是者 55 - 3.1 - 1.84 = 50.06 - 48 = - 2.06 * 500 = 蝕 1030，接左貨再開short call再溝。重點係我覺得大市係向上的，但今日見成交量奇高，動力無上日咁勁，所以暫時都係估 $60 以下一段時間。
2. 係$55 之上無計，可能蝕一萬以後唔理。 
3. $48 蚊以下，暫時唔多信有這個可能。上日係push thro supply 。
4. 理論上應該買正股/ long call對沖，但去到$55-56，覺得向上動力唔會太大，所以打消諗頭。

睇OI 原來睇錯日期，其實今日可能已經反左手，不過二萬三暫時唔變。

二萬三

今個月即係九月期指倉有成十萬張，近年最多。睇個樣波幅應該幾強，所以我估以20500的轉倉位來計，今個月破二萬二有可能，甚至傻係上來上到二萬三。

十月尾好似有保險股來港上市，唔知係唔係咁d 保險股之前俾人洗倉，而家又跑輸大市。暫時好難估。我諗十月應該都唔會大跌，可能去到十一月先來跌下，不過這些到時先算了。

我而家最擔心係2899 突然係星期五升10% ，能到到我short call oct @48 嚴重變到價內，救都無得點救。或者到時開short put ，不過暫時未諗到，希望明天回一排，唔好再爆上。我睇圖感覺上係有力再上，之前係震倉收集，但由於時間唔長加上太多蟹貨，應該唔會短時間企穏係$60蚊以上。

其它都無乜好理，等運到。

short put 939

今日short put 左 939 Oct @ 6.5 $0.14 * 3
原本諗住short put 3968，但諗諗下都係等多陣。今日睇下個OI 同options點樣先再諗。