紅盤

今日開紅盤，暫時無乜特別睇法。應該會反彈，之後有跌過。理由係三月的hsi 係九千點有成千幾張OI，真係奇怪。如果想法對的話應該今次會做一個似圓低，反彈到14300左右。如果係咁我會到時開short call，之後收三月期權金。

如果以上錯的話，二月就應該會去到一萬點左右，睇下二月初點行。一月轉倉位係一萬二左右，所以二千點係萬四或者一萬。夠種可以買12600 put 同call 個到各有二千幾OI，博佢爆邊。

睇返圖，今日成交唔算大唔算細，所以要睇聽日點樣。五號仔應該會再跌，但一定唔會咁快，大家慢慢等下。2628好似弱勢，941 睇唔到，1800就唔係太差。

希望牛年會有錢賺，長賺長有la..。再咁落去我好快蝕多過廿萬，真係好似我朋友講--燈神 :'(

2628

放工回家，看看HSI圖，見到出現連續兩日出現no demand signal，我想今天應該會跌。我個系統唔係成日中，其中失效有09年一月九日，所以不以為以。點知，HSBC 係倫敦大跌18%，真係估佢唔到。

諗返起short put 2628真係高位中的高位，其中一樣影響係太信人<太信人的意思是俾那名網上高手影響>，其二係自己的系統當時都無特別singal話會跌，直到一支大陰燭出現，不過個時我已經short put左。暫時睇來接硬貨，接完合共會有九手2628,還差目標一手並將會。當然順帶一提有十萬係我媽好耐好耐之前借的。

2628出盈警，會跌多過50%。其實我自己的預左，因為投資入益大跌，但保險賠償有增加，我估係之前的保險留下來的(林森池印象中可能提過下)。暫時對佢信有無乜點變，不過目標價應該係十八蚊左右，睇法係雙頂的頸線位估出來。

2628股權應該會係做三月short call 23 以上的權，收期權金。我有這個諗法一來朋友的解說，二來我個d 2628 成本價係23，做得過。三來恒生期權發覺可能會有大跌市出現，而二月會係好倉低，因為今個月轉倉位係12600左右，所以如果要跌應該係一萬點到，升就一萬四，這個合理一點，暫時想法係咁。

最後，任總的第二波已來，時間係二三個月。我想同我預測的三月大跌市時間剛好，大家點睇呢? 唔寫住...澳門的酒店internet慢到爆

開倉

今日做左兩手股票期權:

short put Jan 2628 @23 $0.6 x2
即係有$1.2 期權金收 = 1200 蚊

跌過龍就接貨，再升我策略係short call March 2628 @30 等佢行使放貨,到時大市應該去到萬九至二萬點。大跌幾會都幾高，因為係超級大蟹貨區。

股市操作 ver 1.0

琴晚諗下諗下係高手的分析中得到點啟法:

作為超級大戶，佢地可以點樣賺錢呢?
1) 當然係人地俾錢佢，好似基金，但係要集資咁煩
2) 問銀行借(拿)錢，超級大戶權力咁大，點會唔俾，重要係息平。
3) 自已找d 低押，不過我想超級大戶咁勁洗乜咁做

問銀行拿錢我覺得可以諗下:
1) 作為超級大戶佢一定可以借任行國家的貨幣，所以近年大熱有: YEN
但係而家美元減息，差不多去到零，咁樣大戶可以問美國借錢,之後放係香港到? 可能港匯變強

超級大戶有錢，當佢想玩香港市場，最簡單買貨。但係買乜? 一定唔係股仔la...應該俾d 小大戶玩
我就覺得係玩期貨。

去到期貨，要找對手玩先得嘛。咁當然俾d 錢傳媒做幫下手吹下風，吹跌買升，吹升買跌。
做到咁下上夠對手就可以玩上玩落。問題出現，點知佢向下定向上同幾多呢?
之前個高手俾到我的feeling係:
1) 因為錢係借來，所以要睇下匯率
2) 要睇當時的按金，咁先可以定下幾時挾爆倉
3) 高低水　(唔會差太大)
4) 轉倉位 (期指可以roll 去下個月)

超級大戶錢多，一定做對沖，即係沽一樣渣一樣 / 做 spread 等等，一定cap 晒兩邊風險。如果係咁全世界一定有佢的踨影。
佢地可能係商品，債市等等。

近個月油係咁跌同焦點無左，即係超級大戶可能走佬玩其它。商品又跌，即係又走人(假設之後挾升係佢地做)。咁佢地d 錢去左邊?
股市? 即係我地睇市要睇晒佢地d 錢走去邊，可能佢地做跌會有錢流入去唔同市場避下風頭。超級大戶都唔係無敵嘛.....

-----------------------------------------------------------------------------------------------

前文講到超級大戶有晒錢，並絕對有足夠能力令市場升同跌。佢地資金太多一定要用期貨，因為期貨可以在神不知鬼不覺的情況下平倉。其它基金唔夠佢地勁，所以一係聯合起來，好似索來斯那次衝擊亞洲，一係就避風頭等個市平穩先。我認為普通基金唔夠超大戶強係1:)好多對沖基金破產，即係廢廢地 2) 大的基金有: 保險公司的、大學的(林森池講) 、退休基金等等。佢地一定唔會將咁多錢放入期貨到。3) 我認為每個地方都有當地的超級大戶，而超級大戶在當地的政府下係有能力穏形的，當然假設佢地係有政治因素。即係佢地平時唔會係正常人知道的投資銀行，基金等等。

有以上理論係因為:
記得香港有本執左的財經magazine佢話香港的期貨市場有三大超級大戶打莊。又記得某一段時間的油市的期貨市場係由兩名兄弟操縱，佢地最後唔記得點俾美國政府拉左，只記得玩得太din，玩到全世界都驚(印象係咁)。

期貨尤其係匯市係最重要的市場，加上係國力的比賽，所以有政府幫助。超級大戶太強，所以佢地找對手時都要大大份的對手，即係廢廢地的基金，理由係大多數基金都輸錢。錢有對手有，場又有。佢地做法就好似網友咁做，但我想佢地應該唔會買選個波幅細的地方投資，因為佢地賺錢的目的係自已個場旺有錢收，即係又上又落，加上唔怕無成交，期貨月尾自己攪掂。期貨都要對手呀，有，就係多個廢廢地的基金對沖時用的期貨。

問題出現，太多期貨的超級大戶由點樣可以俾過市場的監管呢? 大家都知道法例係有些監管，咁政府又點解要幫佢地? 一係根本無這類超級大戶，諗唔通.......暫時假定我的理論是對，而重點係找到超級大戶的行蹤。

話題一轉: 好似網友講匯市係最重要，其次是商品市場。
即係分析應該著重匯市: 1) YEN 2) USD Index 3) hibor spread?
之後 1) Oil 2) Gold
當然要睇下市場情緒: VIX

寫得好亂，遲下諗到再寫.......

高手分析 II

2009-1-3

這名高手因俾小人在網上閒言閒語而氣走了。可惜~
-------------------------------------------------------------------------------------------------
我看今個月的期指平均轉倉位是14,300點，比起上月的12,550點，整個倉底拉高了1,750點。比起再早一期的倉底相差850點 (12,550 – 11,700)，是足足高出了一倍，這就是所謂一月效應的基礎。前文寫過 ( 這個震倉我加了個大字，當然非同小可，先看13900點，破了就……聖誕節啦，希望大戶唔好玩咁盡啦！) 一月效應可能是因為大戶每年牛市聖誕節都手下留情，沒有拉得太底轉倉，造成轉倉位特別地被拉高所至。

( 本人的觀點是大市自從十月尾就入了牛市，所以大市應以一浪高於一浪向上推上。因此今個月的最高點要比上月最高點為高，今個月的期指結算要比上月結算為高。) 這句話今個月一樣適用。

和上月一樣的計法，恆指今月的最高點是上月最高點加上倉底變化再減去二百點期指高底水因素。所以是15,781+1,750-200 = 17,331點。注意條數未計完，千萬不能像我上月一樣加三百點就去買熊証，咁就死得，情況有大變也！

又要從波浪理論說起，好多股評人看現在是開展牛市一浪中五細浪的時候，這真是大錯特錯，中晒計了！邊有咁快三個月就行完整個牛一大浪，隻牛係唔係得十零個月命，青春期未過就要死呢？上一個牛市有四年多，我都認為今次牛市會短命啲，但係短極都唔會咁鬼死短啦！

波浪理論是表現自由市場的走向，香港是可以用上，但人為的政策市如上証指數就大家冇謂浪費時間去數浪。但香港一樣有人為造市，剛剛的震倉不是人為的嗎？大行報告不停唱淡五號仔，市場又有流言話佢要供股，晚晚ADR力插等等，突然又冇晒事喎，一切回歸正常了嗎？其實回看我前面的文章都可見大戶如何用心推底大市轉倉。

上一次未寫完，我信心十足，未跑就排隊等派彩理由之三，就係這個震倉可以引導“專家”把它數為一浪四！結果真係好多人中計，把這個人為的震倉數為一浪四，當了它是自然走向的浪。

所以由我出帖開始計到現在，一直都是在一大浪中的三小浪，現在剛好震倉完畢，我們一月就要走完一浪三的下半場了。

現在要介紹一個新名詞係我改的，包大家未聽過，就係叫“人造浪反射效應”。 意思就係在一個自然行走的浪中被人為地折曲，最後這個浪就會走得比原先更遠，多出的幅度就係等於被折曲的幅度。

所以今次震倉由15,781點跌到13,855點的人為折曲要加到上面的17,331點去。記得13,855點是在勁假時段出現嗎？所以我會改用14,000點代替。所以我預測今個月的浪頂是在17,331 + (15,781 – 14,000 ) = 19,112點！

2009 年一月

今日係2009年，希望我可以大賺la..2008年金融海潚都輸唔少。暫時係儲股買貨等牛市。

一月我點睇呢? 原本諗住先跌後升，但我而家睇可能係先升後跌。有一名高手睇一月會大升特升去到18000，另一名高手月頭睇16000點之後月尾會大插。還有幾名高手係睇一月係跌市，而我暫時都睇應該會升，去到邊就不知了。

由於成交近日好少，所以暫時會到一月初先可以再肯定方向。不過可以肯定，一月一定會較為波動。期權倉的分佈見到Call 比較平均，而Put就每個大倉都有一兩千的期權，去到11000P。我估好淡各力中，但我還是較想跌，等我可以入返d 貨。

由於有一名高手睇一月18000點，所以我的策略會有所變化，可能會係17000點後先put佢。最後，世界各地有以下變化:

1) A股突然軟了好多;
2) 美元回軟, 應該 commodity 好, 但 commodity 油價最近好返少少, 因以巴衝突;
3) 金價好返少少, 但國庫債券就開始回
4) Vix Index 又回

分分鐘大戶開始將d 資金流入去股市。

2008 回顧

今年金融海潚，我真係脤面損失好多，整個protfolio蝕三成多，而實質蝕的金錢就一萬三千到。今年玩多左好多野包括股票期權及恒指期權，兩者都係高風險投資產品。今年的心理質素自己覺得係有所提高，尤其玩完恒指期權後，希望對未來的投資有幫助。我自己暫時都係對所有投資產品持開放態度，所有投資產品能係市場上流通一定有期用處，所以我唔會放棄用期權來供我的長線投資組合。2008年我收收的股息有六千蚊多點，估唔到都有幾好的股息。

今年令我有最大的變化係對錢的看法，我覺得做人真係要有一個 balance life。大家都見我今年中後都開始洗多左點錢，通常洗係唔同地方。

我的投資目標係有十手2628以上。暫時還差三手2628，真係要努力。

對下星期係牛皮靠穏，微升，這個動作要係星期中，結算後先出現。之後一月點樣?到時再諗。

平倉

今日跌幾百點，我係早上就決定平倉走人。

建倉:
Call 15,400 收權金: 415.00
Put 12,600 收權金: 63.00
平倉:
Put 12,600 成本: 41.00
Call 15,400 成本: 63.00

所以收(415 - 63) + (63-41) 再乖10 = $3740 再減comission $60 + $30 + $30 +30 = $150
對沖的2800 扣comission有$100賺
所以今個月個倉賺 $3690

整個倉需要用約五萬蚊 即係 用少個一個月的時間 回報有大約 7%。當然月尾平倉可能回報更大，但都係過開心聖誕安全點。

高手分析

16-12-2008
本帖給置頂了，點擊又過萬，多謝支持！自從上月二十號出帖寫到今天為止測市都未錯過，希望能長勝下去，造福人網的支持者！

之前寫過 ( 總之結論我看是先高後底，然後在期指轉倉期再抽高結算 ) ，這表示今個月的走向是行一個N形浪。N形的第一畫我都算贏到盡，現在是思考第二畫跌到什麼位置。前文說過為何15781是本月最高位和如何計算，不重複了，而我也是在N形浪第二畫的接近最高點沽貨，算有個好的起步。

為何說先看13900點，這約數是由黃金比率計算出來。浪頂是15781點，浪底是10676點，所以是 0.618 x (15781-10676) + 10676 = 13831點。看報紙又有”專家”用浪底11814點來計，計出了個14265點，我真係唔明？唔通佢十月的經歷太痛苦，唔想再記住。

如昨晚所說，我看13831點都未係本月的最底點，但無論如何，跌到近13831點一定有個反彈後才會再下跌，這個反彈的幅度也會很大，但時間會短。我會在大約13900點食糊先，等彈高再put過。

---------------------------------------------------------------------------------------------------------------------------------------
18-12-2008

我信心十足，未跑就排隊等派彩理由之一

期指的十一月倉底是11700點，今個月是12550點，整個倉底一共才升高了850點，作為牛市一期的單月升幅就差不多是這樣了。如果大市唔跌落去，就在現水平轉倉，一月份的期指轉倉位不是在15500點嗎？這樣整個倉底就突然單月高了三千點！難道港股已經在牛市三期了！

有些股評人一路看淡，上週一見個股市升就突然改叫年底前萬七萬八，簡直是痴人說夢！之前寫過多次，我認為今個月的恆指最高點已見，大市係升唔穿上週的高位15781點。我持有隻熊証60231在15900點打靶其實係好安全的。

萬一期指真係就在高位轉倉，這樣就應該是轉一月份淡倉。咁意思就係這兩個月只係熊二反彈，熊市三期還末到。這樣我所有設想就要由頭思考過啦，大Q鑊過輸錢！

所以看好後市和認為大市步入牛市的投資者應該希望港股拉底轉倉。如果看淡後市，認為熊市有排都末過的投資者應該希望年底前再創高點，在高位轉下月淡倉。有些股評人又說看好後市，又認為年底前不會由現水平大跌的，都係知識有限、思想混亂的水皮友。

我信心十足，未跑就排隊等派彩理由之二

當我們說一間公司的股價一股值十元，其實我們在說兩個相對的價值，一個係股票的價值，另外一面是貨幣的價值。之前說過貨幣的價值是在於滙價和購買力。有朋友問我現在很多企業都可以預見長期不會改善業績，股價點會升，更點會入了牛市？我答話企業業績上的負面因素早在十月大跌到10600點已充份反映，跟著的股價上升可以是由於貨幣的價值下跌而把股價推上，而不需要等待業績改善。

我常說期指大戶利潤一個月大約二千點，有朋友問我十月份不是遠遠不止二千點嗎？十月份的轉倉位是19000點，最後結算在13000點，大戶不是有6000點利潤嗎？我答話二千點是大戶的基本利潤，另外四千點是抵消當月的美滙指數大幅升值，當然總利潤是有6000點。好多人在十月份見跌得多就搏反彈，沒有注意到美滙指數大幅升值對股價的影響，因為他們不明白 ( 當我們說一間公司的股價一股值十元，其實我們在說兩個相對的價值，一個係股票的價值，另外一面是貨幣的價值。) 我就由頭空到尾，利潤甚高。

回看今個月美滙指數由86跌到83的一段係有推高港股到本月高位15781點，為什麼之後美滙指數再由83到跌穿78都末能推高港股呢？這一個多星期的美滙指數的跌幅其實還急過十月的升幅，港股冇受影響，一直升唔穿15600點，是不是十分奇怪呢。

我看是因為美滙指數這個急促的跌幅後很快就會有個急促升幅作低消，一個超靚的Deep V快將出現。這個拉底美滙指數的目的主要是有利於美國企業年終結算。造結算前先以大幅減息拉底美滙指數，然後資金以平價美元回留入美國，由於資金留入，加上大戶推波助瀾，美滙指數就會急促回升。

由於美滙指數急跌，其實這幾天港股上升動力十足，大戶為了不放生好倉，以五號仔來按實大市升幅，今日A股尾市回升，大戶就再加上了943同883，結果港股在15600點前難越雷池半步。

月初就說過
( 到底十二月份幾時震倉呢？這問題可以從資金避難所這處看得到端倪 ) ，美滙指數急促回升正好迷惑市場，造出資金避難的較果，一個須水推舟，底成本的大震倉組合拳又那裡過得了我的法眼呢！
----------------------------------------------------------------------------------------------------------------------------------------
20-12-2008
昨日在港股交易時段，美滙指數大約處於79.5的水平，恆指應該大幅上升，結果在五號仔拖累之下，大市不升反跌。其實再早一天已明顯有這現象，週四在港股交易時段，美滙指數大約處於78之下的水平，照計恆指的價值應在萬八點以上才對，但結果在15600點前難越雷池半步。大戶推底大市之心已經明顯可見！

之前說過有關美滙指數 ( 我看是因為美滙指數這個急促的跌幅後很快就會有個急促升幅作低消，一個超靚的Deep V快將出現。) 比條link大家睇睇個Deep V已在形成中！係唔係超靚呢？

http://stockcharts.com/h-sc/ui?s=$USD&p=D&yr=0&mn=6&dy=0&id=p71316421307

昨晚美滙指數已收高於81點，而且將會再進一步急促回升，週一港股頑強之勢已去，大戶昨日能在79.5的劣勢下連勁假時段在內推底港股370點，利害非常也！我當然是持put等派彩！
---------------------------------------------------------------------------------------------------------------------------------------
22-12-2008
結果今日恆指下跌了500點，又係要加上勁假時段在內才推得到這個位。困難在於美滙指數在港股交易時段從未升高於81，能有這個幅度的跌幅我已經好滿意。

明日又開始期指轉倉了，在這裡出帖已經一個月了，記得我寫過港股是可以一個月一段去看的，有一些上月寫過的內容現在是可以重複使用的。上個月這個時候我寫過 ( 蕭若元先生最近採取的政策是買A股沽恒指。我認為這方法在期指轉倉三日期間的對沖工能會很可能失效。)

現在大家都已經知道人行減利率又減存款準備金率，這消息當然明天會利好A股，但由於對沖工能失效的現象，明日是可以上海還上海升，港股還港股跌。

港股明日會跌幾多呢？最重要因素是今晚美滙指數會升幾多，我沒有改變看法，先看黃金比率13,831點可否守得住。持貨不變。

美滙指數上升會引至日圓下跌，日圓下跌利好日股，但美滙指數上升就利淡港股，所以明天交易時段早段由於港股先前已有調整，加上日股和A股的表現很容易會引人過早入市，最後跌市可能在後段才發生，小心。
----------------------------------------------------------------------------------------------------------------------------------------

一週回顧

今個星期HSI走勢普普通通，暫時大戶用#5號仔力壓HSI，用中資股力頂，所以暫時都以上落牛皮走勢為住。以現在的分析，我暫時都偏向淡(不是太淡)。#5仔應該遲d 會有反彈浪，理由係星期五個日係大成交下跌，而中資股又因為之前力頂，大戶會俾佢地抖下氣。

其次係HSI& HFI 在星期五的下跌都係成交量增大，所以暫時我都係作淡。

講返暫時想法，2628 如果以九蚊的EV來計，以3倍的ev 即係$27蚊。所以我想估值方便不是太平。加上有其它blogger都指出十一月份保單增長率有放緩跡象，暫時都係睇淡。不過佢點都唔會好似五號仔咁俾人狂沽。可應該會用期權來accumlate貨，不過用stock/ hsi就未定。

暫時找不到941 的數據，招行而家有中國的分析報告係低買。招行對利率係較為sensitivity，所以佢俾人沽得咁低。鞍鋼(347.HK) 將會係我牛市的入貨重要股票。

最後講返期權倉，自己終於有返d 賺，整個股票(對沖) + 期權組合暫時賺二千元到。HSI 的期權倉，睇來會係一萬六千至一萬三千幾左右上落。

加倉

今日加多張short put@ 12600 收63點期權金，六百都要(權金少所以commision收$30)!!!暫時睇法偏淡。而家的15400C 輸大約350點，short put輸1點。股票win 207點，即係成個組合暫時輸143點= $1430，(計手續費輸$1720)。情況都無乜大問題。上面幅圖係到期日的profit & loss graph，都係慢慢等到期日。

高手分析

今晚說說黃金吧。

今週我在電視上看見幾位期貨”專家”為上週金價大幅抽升作出分析，他們都不約而同地認為是由於Citi Group的問題，資金避難流入金市才引至金價大升。在他們作出分析時其實已經知道華府救Citi而且股市正轉好中，我真想請問他們金價為何不跌返落740美元呢？”難”都過了還避什麼呢？他們這等見識，只會唸口王，完全不知Basic Principle的轉變，我只好搖頭嘆息！

投資市場上沒有永恆不變的Basic Principle，政治政策的改變是可以令到Basic Principle作出180度 的轉變！其實自從十月初起美國國庫債券已成為主要的資金避難所，後來美國政府為銀行存款作保證，香港政府也跟上，加上當時美元升浪已成，大家都見美股十月 一路下跌美元就一路升，這表示由於有了存款保證，資金避難流入美元、港元銀行存款，而銀行錢太多了就買入美國國庫債券。黃金的資金避難地位兩個月前早已被 完全取代。當黃金成為資金避難所時，金價與美股是成背馳的，這才是資金避難的現象，但從十月初起，金價已與美股基本上同步了。

Basic Principle已轉變了成兩個，兩個月後的今天還唸口王，瞢然不知，還用舊的Basic Principle作基礎來分析金價走向，點會測得中呢，問你死未！
--------------------------------------------------------------------------------------------------------------------------------------
27-11-2008
有網友問怎樣看期指轉倉位，一般情況看圖就可以。我以今年六月底轉倉為例，因為最易看到。期指結算是每月尾二的交易日，但建倉就是結算日前三天，只要看這三天的圖就夠。六月的結算日是27號，所以看的是24，25和26號三天如圖。平均轉倉位只是一個約數，就是每日的中間位和密集區。因為這三天中間區都是在22600點，可以說七月期振指平均轉倉位就是22600。

六月是最易的，很多人都看到。

但十一月的11700點平均轉倉位就大有學問，因為轉倉三天千多點上落，沒法從圖上看得到的！辦法是我自悟出來，要從看圖加推理和計數，這個課題寫書都要獨立一個Charter才說得明白的。

---------------------------------------------------------------------------------------------------------------------------------------
29-11-2008

美股昨晚還好，看來如我所說期指成倉後的震倉不會出現。但不用多謝大戶開恩，因為震倉只是遲早問題，一個月不會由頭升到尾。比較好的因素是一般只有成倉後的震倉才會穿期指平均轉倉位，打後時間震倉是會企硬在平均轉倉位之上，就如十一月份企硬在11700點之上一樣。

到底十二月份幾時震倉呢？

這問題可以從資金避難所這處看得到端倪，所以昨晚我先寫了資金避難所已由黃金轉去美元存款和美國國庫債券，知道這個Basic Principle的轉變才可再思考下去。

電視上看見幾位期貨”專家” 都看金價會在大市氣氛轉好和Citi Group的危機過後回軟，因為他們認為升上去是資金避難流入導致，大市轉好資金就要流出自然金價回軟。結果昨晚Citi Group股價勁升，金價升到820美元，下星期初金股都會再升，真係好有興趣想看看”專家” 門怎樣自圓其說。所以投資都係要自已思考，聽水皮到這等地步的”專家” 們分析，不如畫鬼腳。
------------------------------------------------------------------------------------------------
4-12-2008

今日個市又係好悶，我聽蕭生今日的政經短評語氣好肯定地話美股今晚會見頂回落，我唔明點解咁肯定？不過我一向係唔受人影響，仍然是持貨不變。

好多睇圖的專家都認為現在恆指正在行一個三角形，指數波幅會在三角形的頂線軌和底線軌內上下波動，最後波幅在三角的陀螺尖收窄後才作突破。現在三角頂部大約在14000點，底部的升軌支持大約在12300點，所以以目前的恆指點數來看，沽空的空間較多，勝算也高得多。

自從星期二開始，恆指就單日內沒有什麼波幅，而且一天比一天升近三角頂部，好象一日比一日勝算多。美股回升了兩天，升幅也不小，A股也升了，都沒有真正能推高恆指，給人感覺恆指弱勢已成，氣氛甚差，一但外圍下跌，恆指就會下試三角形下面的升軌支持位了。

Wong Sir 說過大戶畫圖，散戶看圖，畫把梯就抓上去，畫個井就跳下去！我看這是個引人做淡局！要由三角頂下跌就早發生了，點解這三日波幅咁細，因為一跌得多就等於放人，前功盡廢，升得多就破壞氣氛！結果積了三日的空倉就差唔多到時間夾鑊甘的！
--------------------------------------------------------------------------------------------------------------------------------------
5-12-2008

美股跌了，港股不跌反升，因為不能跌，一跌就前功盡廢，放生做空倉的人。結果今日再升近三角通道頂部，大市波幅小，儲積空倉，如昨晚所寫，我看這是個引人做淡局，大挾倉快到！我當然是持貨等挾上！

今晚答一答網友問題。Wongster UK問USD short term and long term看法。 Paganini問點解我認為金會升。其實兩個問題可以一齊答，因為美元與金價背馳這 Basic Principle 沒有改變。

我會從兩個方面看美元，一個是滙價，就是美滙指數，第二是購買力。從EURO/USD圖看美元走勢比看美滙指數圖清楚，從圖可見2000年尾美滙開始下跌，這EURO滙價的起步，同時也是金價牛市的起步點。從金價圖很難數浪，不過EURO圖就輕易數出一、二、三、四浪。這圖唔夠update，但可見黃金比率0.382的位置是1.2428，這位置剛在十一月二十一日對現了然後反彈。同日美滙指數見88.46回落，我相信四浪已經在這天行完，EURO與黃金入了五浪，美滙指數就入了C浪。

C浪是先慢跌後急跌，所以三個月內美滙不會急跌，加上資金在這段時間還會不斷流入美債，所以美滙跌幅有限。對滙價來說十二個月也不能說是long term，十二個月後應未開始急跌，但到時資金流入美債現象會慢下來，走勢會較現在急D。

要知先賣出一元美債才可印出一元美金，四浪尾五頭的資金流入美債正好為大量印銀紙作準備，一開始印銀紙，貨幣的購買力就會大跌，當然購買力下跌不限於美元，而是全球貨幣。

黃金是商品，也是貨幣，是一個不能大量印刷的貨幣，這樣黃金的上升價值就是美滙指數下跌乘上貨幣購買力大跌！不要信Cash is King，從十一月二十一日開始，Cash is not King anymore！股神畢菲特早就在十月就這樣說了！
---------------------------------------------------------------------------------------------------------------------------------------
11-12-2008

之前寫過今個月的期指轉倉位是12,500點，其實比上月的11,700點只高出800點，作為牛市一期的單月升幅就差不多是這樣了。上個月的恆指最高點是15,300點，今個月最高點按理應該可參考15300點 + 800點 = 16,100點，問題係上個月期指底水百多點，而今個月輕微高水，這樣就要減返兩百點出來去到15,900點。所以我估計今個升浪的最高點 (也應該是今個月的最高點) 是介乎15300 至 15900點。

今日忽然在收市前急升，我見期指大約在3:40分都已升穿15,500點，離15,900點很接近，期指收市遲半小時，很有可能期指在收市後才升上高點。就算唔係，可上升空間也不多了，不值過夜。立定主義後馬上行動，分了幾段沽貨，又要平期指，時間無多，手忙腳亂。

2899今日升了近18%，看來是提早反映今晚金價大升，現在黃金升到810美元了。最近港股領先美股，看港股後去炒美股勝算高；原來看金礦股炒黃金都好得！

金價昨晚大升，今晚又大升，這當然是資金流向造成，問題是那裡來的資金？一早說過黃金已沒有資金避難所的作用，現在股市氣氛也甚好，也沒有什麼難要避，今次金價的升浪又與美股現背馳，十分奇怪。

其 實我相信是昨日開始大戶已經開始在環球股市出貨，套出的資金就選擇了黃金作為短暫停留，才引至金價離奇大升。今早亞州股市一開市就傳出救氣車業的好消息， 這是大戶以好消息出貨的手段，一邊出貨，一邊買金！以我看期指的功力，今月高位已見，早說過今個月是先高後底，大震倉啟動了！

大戶在出貨後選擇了黃金作為資金短暫停留，有利金礦股，但這一步我就冇本事預測到，所以在沽出2899後還留有今日10%升幅，可惜可惜！但恆指的轉角應該冇看錯，見到期指突然在收市前底水一百多點就更有信心了。

這個震倉我加了個大字，當然非同小可，先看13900點，破了就……聖誕節啦，希望大戶唔好玩咁盡啦
---------------------------------------------------------------------------------------------------------------------------------------

分析

琴日港股大跌，我隻options由蝕五千幾變做蝕三千幾，計我d 對沖股就暫蝕一千幾。暫時睇今個月勝算都幾高，不過都係估估下，點知佢一陣又升成千點。

之前講過係comment到話金價大升，美股跌左d ，係大戶放d 資金去避大震倉，所以應該今個浪未跌完。我暫時估13500，最多去到12000，因為12000有好多options，係大倉來的，穿的可能性不大。

如果去到13500，我諗住入2628 或者941 或者加張short put，個張short put可能即月或者一月，到時睇下點。之後我估一月，二月應該會都係升市，最少去到萬八，甚至去到二萬。不過都係估估下。

今次開options真係壓力大，有好幾次已經想止蝕。最後朋友都話有正股洗乜驚，後來我都係覺得是對，所以都無理到，如果咁快止蝕，今日真係打心口。壓力大，連自已估的方向都錯晒，升時去到萬七以上，亂晒。

而家睇返d 圖，大跌個日成交增加，應該還有得跌，不過好似唔會跌到傻個種。美股adr 大升四百幾點，睇來星期一又要慢慢捱價。

挾倉

好大壓力，止蝕還是死坐? 紅色線係而家的p&l 當然要乖十。
藍色線係月尾到期的p&l 。
粉紅色係options p&l 。
紅色係而家options + 用來對沖的stocks的 p&l。

大市預測

今日係到睇上各個網上高手的分析，暫時好似好壞都有，其中一個指出牛一已經開始來臨。我沒有甚麼竟見，但由於高手預測恒生指數可能會係14800以上結算，所以真係對我來說要非常小心。

我自己都唔知爆邊，但爆邊一定會來，IV 同成交係咁收窄，我想下個星期應該會出現。暫時看不到向上還是向下，所以無竟見，只可以說向最有應該會有二千點以上波幅。

如果係牛一，那麼我估二月大插，係最後上車時機，之後並會進入牛市，詳情不講了。期權倉方面，Call 多過 Put，近來少見的情況，實在要小心。941 的高位已經高過十一月頭的價位，雖然成交細，但當無人入市的時候成交細係唔出奇，但大升就有問題，這也是我認為今個月不會大升的理由。

道指近日都係升，真係好勁。即係中資股會上升，本地地產股暫時無運行。

我個倉位點算呢?
1) 牛皮，不用理
2) 急跌，到時做多張sp
3) 慢慢地升，不用理，可能到時會roll去下個月，又收期權金。
4) 慢慢地跌，不用理。
5) 急升，這是我最怕的，而家的情況感覺上會出理。如果急升到14400至15000，我會馬上平倉。我應該到時會打和，而我的2800會有點賺。

最後睇返晒d圖，我感覺係向上多，不過未有signal明確向好還是向淡。