寶盛證券

今日發現boom(寶盛證券證券行)計錯數，供完股之後個買入價計錯左。我$16.28入2000股鞍鋼，之後供440股係$15.91。佢地之後當我個買入價係13.311，好明顯錯la...

之後打俾佢話個買入價錯左喎，佢地找成半個小時都無答案。我之後打去再丙佢，同佢講話邊日買，佢先找到。我問如果我就咁沽，個差價會點，佢話照返內部個record，個record係唔會有錯的。咁我叫佢快d計返好佢。我估唔到佢地做野咁廢。

之後佢打來話改返$16.274入，我話我第一次16.24入點會貴左，佢話佢計晒所有手續費，咁我心諗之前都d reocrd係無計手續費，佢而家走去計，唔一致，不過心諗算la...。唯有我自己計唔計手績費個買入價係$16.18。之後再問佢如果放碎股會點，佢話會打折扣，幾多就睇返市價，無人知。我爸話通常平4 個價位，網上有人話10個價位。真係奇怪。

買入

今日買入3968 @32.1
同 2628 @ 42.9
各一手

之前供鞍鋼，今日終於有440股碎股，都唔知點賣返佢。

第一次用南洋商業銀行的網上證券，唔係太識用，所以入個時唔夠快。加上我諗住入個時個d 股票係咁升，好似有少少單日轉向的意味，升得勁快，所以追都追唔切。入緊個時日本個邊又打來，攪到我入入下都停晒手腳聽佢地講野，所以個價唔係入得太好。我諗下次應該好少少。

我將會放左945增加現金，準備下跌再入市。而鞍鋼的碎股都可能要放左佢，個到約七千元。而家超過九成係股票。

入市計劃

根據自己同林森池的分析，我諗為大市應該還會插多一次。插的意思是恒指要跌大約一千點以上，那麼大市應該不會跌穿二萬六千點。林森池的插三次其實有點似技術分析的數浪。點為之插，係圖就係一枝大陰燭，或者裂口低開。

以下是我的入市策略，為左方便，我唔會一句句咁寫。

Main
if HSI < 28000 or RSI == 30 then
入市買貨
3968.HK < 大圓頂，頸線~$34，終極價約三十蚊
939.HK < $7 - 7.5
2628.HK < '這個好難估，佢保單增長只得十幾巴仙，但投資收入大增，估值要保守點，終 極可以到$40，大圓頂，頸線~$45
2318.HK < '終極價可以去到$85，做左大圓頂 暫時錢不夠，要諗下到時入邊隻，睇跌做人。
如果中資股跌到好吸食水平，我會賣走945.HK 套現三萬以上再入市買貨。
if HSI < 25000 then
清貨一半
sell : 347.HK depends on situation

Buying strategy
3968.hk
商係中點目標，最少要入三注。
32*500 = 16000
30 *1000 = 30000
到時睇環境


其它真係諗唔到。我要花點時間係公司研究下。明天應該係一個機會，因為美國插左二百幾點。但係我d 錢transfer 唔切去南洋銀行。所以可能要遲一日先入到市，真係煩。還有，我想入下香港地產股，但唔知入乜好呀。可能緊Tony入貨，尤其係535.HK可以諗諗，技術方面不錯，但係未諗到，睇下到時有無錢先。

鞍鋼供股

我有一手鞍鋼，所以可以有440供股權。但原來我可以額外申請供多d 股，到時睇下佢批唔批。估唔到咁都得，真係諗唔到。我無申請到，真係笨呀，因為只需用$15.9就可以買到d 股，你話係唔係大平賣呀。
佢有一段時間可以買賣佢d 額外股份，買完之後要係供股價+ 市價咁買。好似options咁，我以為得這個方法，原來原可以申請額外供股。今次真係中晒招呀。
睇來暫時鞍鋼都無運行，到時供股d 股份出現，又會產生另一次人踏人的事件，股價又可能進一步下跌，暫時睇最低去到$18，但機會會細少少。
鞍鋼係咁跌，但用15.9買到一手正股真係物有所價，今次真係大失良機，睇到自己的弱點，就係對corporate finance一無所知。根據肅若元同周顯的心得，如果要炒股大賺，一定要對corporate finance有一定認識。佢地話暫時報章、雜誌都對這方面的範疇一知半解。我要好好地咁加強一下。

投資書

要想投資有好表現，如果唔想交咁多學費，最好的方法係睇多點書，做點研究，咁可以減少交學費的費用。我睇過都算幾多，但有d 睇d 無睇，有d 買左返屋企隨時睇。以下我自己覺得對我非常重要的投資書:

1. The Intelligent Investor by Benjamin Graham
2. Common Stocks and Uncommon Profits and Other writings by Philip Fisher
3. Japanese candlestick chart analysis by Steven Nison
4. The Master Swing Trader: Tools and Techniques to Profit from Outstanding Short-Term Trading Opportunities
5. 林森池- 證券分析
6. 林森池- 泡沫與市場錯
   
7. 陳江廷- 炒股的智慧
8. 股市真規則
9. Securities Analysis by Benjamin Graham
10. Technical Analysis of the Financial Markets John J Murphy

以下是我係forum 學返來的技術分析，對我影響極大。我的技術分析得以提高，去到另一個層次。

1. Volume Spread Analysis
2. Price & Volume
3. Trading Hammer Candlestick

重有d 書同網站要我返屋企找下先。

調整將近 - 2nd Edition

調整應該來緊，但我方法是一手也不沽。以此為記!
今朝寫e 個post ，寫完就急跌。真攪笑~

十一月六日，十二點幾大市已經有九百五十幾億成交，今日成交真係大，小心!
結果今日成交有千六億到，即係中午成交少，有點奇怪。最後form 左一個hammer-like doji star。對後市有無利要等明天，明天係關鍵，如果明天陽燭收，並成交配合，短暫利好。如果升少過二百點就當無signal，繼續等待。

十一月七日，大市一開始升六百幾點，之後跌，收市升二百幾點，成交一千五百幾億。佢都係升唔穿個枝陰燭，所以暫時都係唔入市，都係調整繼續，超短線係個枝陰燭上落。千五億成交，唔多配合個市，no demand signal。

消息

很多股票書都告訢大家不要信消息，但有時有些消息是真，消息的來源是非常重要。大家應對自己消息的來源有一定認識才可從中肯定消息的真確性。我也不怕告訢大家，阿里爸爸這隻新股一定有過$27元，如過開市低過$27，一定會俾人掃返上去。

今日星期日，我係咁聽財經節目。有林森池，簫若元，周顯的節目。大家都對後市向好，所以我而家已經對後市有絕對信心持續向好。簫若元，周顯的節目今次講到莊家如何買股向上。基本上有三個方法

1. 慢慢收集
2. 大比例供股，供到d 人驚放晒出來
3. 發行convertible bond，好似十億股變到200億股，莊家就只要升少少就逹到目的。這點我不是太明白。

以下節copy自蕭若元文集
我們應通用全面思維，考慮一下所有之後可以發生的可能性
1 莊家震倉，因為價位上時甩了一些貨，此時要令散戶沽貨
2 因股價上得太急，難以令散戶”落搭”
3 莊家不夠錢繼續
4 莊家組織有內鬼，本來答應保証不沽出，卻見價高暗暗將貨沽出街，莊家便要立即將價降低
5 莊家已在高點散貨，正反覆向下散貨中
6 大巿逆轉，令莊家失去預算
7 布置未成熟，時機未能配合(如批股/供股未能進行、預備好的好消息未落實，不能及時發放消息)
在以上種種的可能中
若你斷定是第1、2項的，就應迅速買入
若是第3 - 5項，則要立即沽出
若是第6 - 7項，代表要有稍長的等待期，策略就要看自己狀況而定，或須減持

暫時都唔係太明個玩法，有一點周顯話好重要的是cooperate finance。這個可以看出莊家的諗法。我真係唔係好明白佢的意思。

大市 2007-11-01

今日係公司睇下個市，發覺多隻大藍籌股成交量都下跌，只有少數個別股份同資金輪流炒下。睇個勢就應該有多兩三個星期玩，大前提係無乜持別消息出現。我自己就覺得941, 2628, 2318開始轉弱。

1. 加上佢地的PEG都大過1 ，所以上升動力應該不大。
2. 成交量開始減少，而且上升個時成交量唔配合。

今晚返去再睇清楚d ....
to be continued

鞍鋼 2007 Q3 業績

今日出左347.HK 第三季業績，倒退18%，真係有少少跌眼鏡。而家係賣出還是等08年的業績。因為未來發展空間是有的，但未來幾個月至半年應該反覆向下，個心真係唔上唔落。增持還是賣出呢? 成本上升，產量下跌係住因。一個字...驚~~~~~~~

http://disclosure.szse.cn/m/finalpage/2007-10-31/34938645.PDF
摊薄每股净利润1.23元左右，俾想像中底，計返P/E
$30.1 / 1.23 = 24.47
EPS可能得返18%增長，咁即係有下跌空間，今次真係危呀!!!

數浪

網上好多高人，其中一位叫格林斯潘。佢係07年九月中話見三萬二，真係勁。佢有以下的分析:

近來美國次按問題持續影響投資情緒，中國的宏調問題也時不時困擾投資心情。令一些投資者感到不安。 美經濟欠佳，將導致美國減息應對，香港沒有自己的貨幣政策，將因聯匯而追隨減息。
中國通脹加劇，將令香港入口通脹上升，在可見的將來，香港的通脹只升不跌。即是講：未來一段時間內，香港的宏觀經濟將出現低息、高通脹的環境，也即是負利率再現。在負利率環境下，資產價格必將上升。因此這樣的不安有必要嗎？不安者應是無資產在手之人！

基於以上推論，本人已作好部署：
繼續持有手上股票，目標32300，即月線圖97年以來上升通道上破後之量度目標。
同時，增持旺區之仍處於低價的小物業，包括寫字樓和舖位。在未升之前，可享有較高的租金回報，租約期滿後，尚可加租。養大後，拿去賣。

"今次大牛市由03年4月開始，
牛一浪起步8331，止於14058；
牛二浪起步14058，止於10917（調整浪）；

以黃金比率計，牛三浪可以是牛一浪的1.618/2.00/2.382/2.50/2.618/3.00倍數，即是20183/22371/24558/25235/25910/28098。至於何處見浪頂，要等浪行玩後才知。還是那一句：人算不如天算。 "

以上几個黄金比率都己跨越, 之後的比率為3.382/3.50/3.618/4.00..., 即是30285/30961/31637/33825...

8月中的跌浪, 點數唔少, 但幅度並不算大, 仍未達至0.382的最少跌幅, 故不能算是牛四浪調整. 就是講, 現在仍在運行牛三浪, 在牛三浪見頂後, 經過牛四浪調整, 還有牛五浪的最後冲刺.
波浪理論可能能玄佐D。

大家可從經濟大環境來看，一是盈利增長是否可持續；二是利率水平是否低企甚或負利率。前者表示經濟前景，後者預示示資金流向。

現在看不到多少不利於股市的利淡因素，故有以上之說。

32300目標在望了，下一目標會是多少？
以月線圖觀之，自2003年4月低點8331以來的上升軌，平推至2000年3月高點18397，形成的上升通道頂現約為35270。我想這就是一些投資銀行或機構認為港股目標至35000的原因之一。
所以，以圖推演，下一目標可至35270。

佢還有一個睇法是941由二千年至07年中做左一個大圖底，所以上望可以去到140元。當時我也有這個睇法，但我想升幅不是很可怕?結果我自己同佢的想法都不信，最後市場告訢我這個想法是對的。有陣時真係唔可以唔信技術分析。

投資回報

我現時都投資回報有88%，投資回報算係咁，暫時都算ok。我而家諗法係股市暫時向好，可以入市，但是要小注。資金好多，暫時看不到大跌的理由。現在尤其看好香港的樓市，我想中國股市暫時不會大升，個別股份除外。有錢的可以入一些高質素的樓，應該是一個不錯的選擇。我在上幾篇文章已經從政治方面提及，不會再講。

最好網通728同941中國移動可以用來做對沖。暫時因為要係08年奧運之後發出3G移動牌照，我想所以941一路係咁升，而728 跌返落來，有心者可以收集728的貨，但可能要守一兩年。

在網上電台有位高人，他是蕭苦元，炒股非常勁，佢勁到俾人拉去問話，以為佢做市，最後當然無事。佢提及一個人叫周顯，他的書叫炒股密碼。大家可以看看。

大市 - 在晚上更新

琴日受美國拖累，恒生指數最高急跌過千點。但今日開市即反戰，表現神勇。問題是市底是不是那麼強? 根據本人的觀察所得，原來大陸來香港只要每年每一個人不超過港元四十萬就可以了，這是資金自由行。QDII一日內可以有過百億元的買盤，便知資金是如何泛濫。現在是還有大升，破三萬，一係牛皮等出方向呢? 真係諗到頭都大。我的諗法是中長線向好，短線偏淡。這是中國黃金十年，所以一定是向好的。但短線是怎樣呢?

看看HSI 的圖，每插一野，個成交量都好大。那麼代表好多人賣同買，只要其中一方消失，便會出現大跌同大升。感覺上大升的水位不是很大，可以從上篇文章中由政治角度出發。我想這可能是派貨，還是中資大戶和外資大戶打扙中呢? 我懷疑有大戶在九月中尾抽高，可以看出那時成交量變大，但十月股價在千億的成交量沒有明顯上升。這是一個大懷點。

今日同alex 係公司講左一陣，佢話今天成交少，原來佢都有睇成交量，真係估唔到。我就只用成交量同陰陽燭，所以我就靠一幅勁簡單的圖看後市。晚上有點時間，詳細睇下。發覺原來個市真係幾強，唔係想像中咁差，我諗暫時今個星期問題不大。個upthrust都係收高個之前的candle，所以不是太差，我自己係office個時睇漏左。結論係如下，明天升，成交量比今天少，是一個不良singal。如果明天升，成交量大過今天，問題不大，向好。明天跌，成交量約千六的話，不用多理。應該有人想開始做個市向下，但暫時力量不大。不會成功。

咁我地就睇下基本分析的PEG。暫時還有一點水位上，因為都有幾間公司盈利超預期。現在再整理自己的思維。
1) 中國移動增長由八月的放緩變到廿十幾%的增長。招行有一百三十幾巴仙的增長，這些也是好消息。但941水位一定不高，而3968也不平，但也不貴。那麼大市還有一點點上升空間，可惜不大。在2007年十月廿八日的星期日，我自己再由基本詳細分析，發覺06年的股價其實係幾跟PEG的。如果咁睇法，07PEG沒有大水位，但08的PEG還有好多水位。如是者，在Excel裏面的H股上升水位應該不大，這也解釋了大市轉炒細價股及地產股。
2) 資金非常多，這是一個好事來的。股市一定有上升動力。但會不會十七大開完會出來開始有宏調或者增消息呢? 好似中國樓市有爆破機會、美國減息(+-)、油價高企等等都是做淡的好幫手。

綜合來說，還是等食花生睇戲。安全駛得萬年船。

震倉

這兩幅圖都係好典型的震倉圖。兩隻股票都係由中期業積好抽高，之後再出個所謂壞消息插返佢落去，就係咁簡單...哈哈哈。347(鞍鋼)個幅圖可能見不到再五月抽高，因為之後升得好勁，所以個山峄唔夠高。抽高唔係咁易睇到，但股價係會有一段時間無乜變動。
原本上入300(交大科技)點知去左個日係日本，一睇個市，佢已經一飛衝天去，之後個日又係飛機到。當然擔細又係一個問題，自己的心魔是最難克服的。
本人有347，無300。我對300的睇法是，一飛衝天，同347一樣。如果讀者技術分析有點基礎，就會看到347在五六七月做緊一個杯型的大圓底，現在300已經做完大圓底，將會做一個杯柄，同347在八月時差不多，但深度應該不會太深。大家有沒有看到那枝push thru supply 的陽燭？是不是兩者很相似?其實股票好多時都係大戶做野，佢地要多方面幫手，沒有盈利的公司好難成事，所以找些有盈利的公司吧。技術分析有沒有用?自己想想吧。

大市

上星期四發現成交量減少，加上股價上升，應該有回吐。點知星期五真係有，但最特別係升返上來。大出我預計之外。今日睇個圖，琴日股價大升，星期五的成交量又咁高，咁即係好的需求係到。咁大市暫時都是算好的。

晚上返屋企睇下個市，馬上發覺有問題，個市開始無力上，好多股都出現黑色射擊之星同黑色inverted hammer! 小心。

今日出左街。

大市 - Updated

近排個市係咁升，真係出奇地快同高，自己都估唔到。當然，我又無話佢會跌，我估牛皮點知錯左。其實有時根本唔洗估大市，升開有條路，見到訊號走人就得，不過大前提係你個訊號係可靠。

講返大市，我個投資組合真係唔錯，除左隻945宏利慢左少少，但都有廿幾巴仙以上的增長。好可惜我暫時的股票對現金水平約七成五，未能做到九成以上，不能賺盡。

今次值得一提是我以前的交通銀行。我買時係8.33 約07年四月買，到九月時放@ 8.89。今日已經10.5。前後有成26% 升幅。我可以肯定交通銀行會再上。我放左交銀，就買入3968升幅有廿幾%，但遲些應該唔夠交通銀行升得快。我想帶出係資金炒完一隻到一隻，第二係未到最後都唔知邊隻係可以勝出。有好多人就係咁悶到震左出來，但出左來又唔知買乜係大忌。第三係中國係經濟黃金時期，作為廿十幾歲出頭的人最好就係買有中字的股票，食今次的超級牛市。第四見到好多人話股票好貴，放左少少出來，理應是對的，但從中又帶出基本分析的短處，就是短期資金流動的影響力。而家最好係抽IPO馬上放左佢，安全又穏陣。我爸話抽到就第如中獎。我媽日日睇財經電視節目，可惜自己又唔買股票，都唔知佢睇來做乜。

衍生工具我都有諗過買。其實佢唔係想像中咁可怕，用得好可以有好好的回報，可惜暫時一來唔多識玩，二來信心不足，但我覺得可以一試。尤其熊市時開期權或者put 輪應該有不錯回報。可以係股市下跌時賺錢。

今日個市微跌，睇下牛皮再上一係爆跌吧。最後上星期日做941 的分析

近日我一張一張的股票圖係咁用VSA（Volume Spread Analysis) + WRB (Wide Range Bodies) + Shadow + Candlestick pattern analysis 睇price action　同 volume 去研究Ｄ　股票。以前我都有用這些方法，但係都無咁深入。而家理解多左，睇的野多左，信心多左，開始feel 到一些感覺，這種感覺好奇妙。有時當你持有一隻股票作長線投資，但你見到張圖話你知會跌，心情有點抒盾。最後我自己一直認為指標是沒有用的，平均線有點，形態不是太有用。最有用就是open, close, high, low price + volume。明天是關健，週線圖出了陰燭，小心，但切勿放晒D 股票開put。