買入中國人壽

今日下午一開市買入中國人壽一手@40.5，點知買完之後佢係咁跌。我對上一次係42.9買，相差約五點幾%。如果我再有錢的話，下一次應該係38左右買入。現在我有三手中國人壽。今次是第一次用我媽個十萬元買貨。次次我一買貨都出師不利。可惜可惜........

當我正諗住買唔買入時，我同alex 講幾句，佢話3968應該好過2628，2628蟹貨太多。今次2628價位較低應該係同保費收入和a 股市場大跌，大家驚佢收益減沙。林森池話中國會計制度有方法可以無事，但佢會係一回分解。

最後係一個網誌到找到有關2628 的分析。
http://www.topcj.com/html/2/YJDP/20071101/61508.shtml


上網做下research，發覺中國人壽保的EPS如果用香港同中國的會計制度有好大分別。唔通咁樣新會計制度出場，中國人壽的收入會顯著增加?其次，林森池話2628係跌過籠，但佢會係星期五講解，暫時聽下佢講乜先算。最後，中國人壽對平安保險都原來有好大的隠含投資盈利，所以可以係適當時候發放。

十萬大軍

終終可以問皇太后借十萬大軍揮軍北上，攻擊中國人壽和招商銀行。原本那十萬大軍只可幫我與行抽獎活動，但我好高望遠，決定揮軍長征，為未來國庫做好準備。我暫時策略是先攻打中國人壽並取得兩個城池及一個招商銀行的城池。當然要看看敵軍當時的時氣，防守力和我當時的狀態。

看圖分析大市

首先我又作出聲明，我唔多信大部分人的技術分析，因為佢地太差。當然有個別例外。所以我自己會細心分析圖表，幫助我入市。暫時睇左兩隻重要股票，941同2628。其它無乜時間睇。

2628最後個兩日vol升，同第二日收陽燭，即係應該有買力係裏面。2628睇圖出現左三個力去阻止佢個跌勢，可以睇下我圖裏的藍點。藍點係no supply, 個vol少過之前兩日的vol，並且係陰燭，詳情自己睇VSA volume spread analysis個方法。所以我覺得2628可以話應該差不多係底所以我覺得2628可以話應該差不多係底。

941你可以好清楚咁見到佢個跌勢減慢。大家係125個時係一個好價入，林森池都講明941係強勢股，所以佢個跌幅係今次唔係太多。所以我認為941可以話大插機會有限。
最後，睇圖最好睇下月線，週線，小時咁，但我無乜時間睇，得閒先再講。

買入美聯集團

今日買入美聯1200.HK @9.28。琴日都諗住入，但唔知入2628, 3968, 1200。今日同alex 傾開，佢話1200 的TA子好，我自己都覺得係。原因如下:

1. 無乜crab貨，佢唔似2628咁由高位一跌係咁跌，lock左好多人，所以升個時應該好快，爆炸力應該驚人
2. 近日跌市時抗跌力都不錯。加上我博佢美國再減息，所以佢應該會有得抄
3. 隻股個management唔係非常好，但香港樓市應該好掂
4. 網上好多高手都有買佢，自己可以睇下: 美聯集團1200.hk分析
5. 加上最近樓市一路升，美聯係唯一一隻上市樓盤買賣agent，所以可以話係獨市
6. 林森池都睇好樓市，簫若元都講明今日落成的新樓盤單位好少，所以我諗應該會有炒風
7. 加上中原指數向始回升，看圖:
   
8. 今年上半年盈利增長六倍，下半年有新年同農曆年都係旺李，應該比上年更好
9. P/E 好底，入市良機。
   
10. 供應有限、負利率、借貸低、高儲蓄、比水湖
11. 加上股東股益表到見到好多基金約八蚊增持，所以唔會咁快散的
    

中外運航運

中外運航運 368.HK 今日開市跌破招股價，真係無眼睇。認像中好似係抽一中一，定係抽七千股呢?我要返屋企睇下。今次真係唔知好唔好彩，希望遲d 遲返上去la......。
琴日大市插左落去，但無撈貨，因為個時我係日本上空返緊返香港，真係有點可惜。今日六叔講完佢入左十億市，結果今日係咁彈左上來。

今日再睇佢份招股書，發覺個股份唔係想像中咁好。BDI係升左好多，但佢的經常性開支都升左好多。睇返佢上年07年的業績，佢同06的淨收益是差不多，因為開支增加。佢在乾散貨的業務有良好增長，約7%左右，並佔八成整體盈利，但其它的業務相對減少。營運成本的增加主要由於經營租賃開支大幅增加，增加約16.9%。船舶的經營租賃增加左99%! 毛利下降，同佢地賣走左兩隻船，所以收入減少左。07年上半年的溢利較06年上半年增長0.2%。

佢預測盈利係0.03美元，8.18 上市價計，大約33.3 P/E。咁08年即係好貴，我真係唔信佢可以有30%增長。以現價7.12計，大約預計市盈率大約30，都算貴。

綜合來講，隻股穏定性不夠好。估唔到今次唔睇招股書，馬上中招。

大市分析

今日由澳門返來，之後就去日本，真係忙到爆呀。今日返來睇圖，我諗大市都應該差不多見底，或者係底。得閒係日本再update下.......

T+2

Thank you for using BOOM as your international stock trading partner.

We have received your fund withdrawal instruction. Since you have sold your stock on 16th Nov, the fund will be available for withdrawal on the settlement date 20th Nov. Therefore, your withdrawal instruction will become effective on the settlement date.

We thank you for your continuous support in BOOM. If you have any enquiries, please contact our Customer Service Representatives at (852) 2255 8888.

打去問佢點解會咁，原來佢話要T+2，即係兩個工作天先可以拿到實錢。我問如果我d 錢用係Boom個account會點，佢話無問題，可以係Boom到買股票，但拿走Boom's account 的錢到其它銀行就要T+2。我真係今日先知。而家有個問題，d 錢未必可以返去南洋個邊咁快。唉....又失預算。

賣出宏利

今日賣左宏利，價位係$325。原本set左止蝕價位@330.4，點知一跌就去到332.x ，真係止都止唔切。個價位放得唔係咁好，因為佢最高升到360蚊，你話係唔係差好遠呢。雖然放得唔好，但心理上無乜野，我想放左隻宏利好耐，但成日都無信心去放，結果前前後後都渣左成年半。今日終於放左，可以入過其它野。

入市計劃 II

昨天入左中國人壽同招商銀行，無乜錢淨，加上同之前個計劃有點分別。原因如下:
1) 無諗住咁早入中國人壽。
2) 一跌到入市範圍無馬上去入，攪到之後返彈追都追唔切，入唔到個靚價。

而家現金得返一萬左右，入市計劃有所變動:
1) 放宏利，大前提係當3968 或者 2628跌入入市價位，前者約三十元，後者約四十元。
2) 如果以當時市況，樂觀來看，宏利可能會跌到落320，套現3萬2千元。如果套現不到那麼多，入中國人壽的計劃可能有變動。我可能會入看港平價地產股，如美聯，星獅。
3) 放347碎股，套現約7千元。
4) 剛好夠入一手中國人壽。
5) 最困難係入招商銀行，要等月尾出糧買入，當日係廿六號或者廿七號。但問題係一手要一萬五千，我一個月糧無咁多錢淨。可能要賣出手頭上小量英磅，或者暗中用我媽借來的IPO錢。
6) 以上行動大前提不是股災，HSI不可跌多過25000。入市時HSI應該低於26500，rsi = 30。
7) 諗緊。。。

寶盛證券

今日發現boom(寶盛證券證券行)計錯數，供完股之後個買入價計錯左。我$16.28入2000股鞍鋼，之後供440股係$15.91。佢地之後當我個買入價係13.311，好明顯錯la...

之後打俾佢話個買入價錯左喎，佢地找成半個小時都無答案。我之後打去再丙佢，同佢講話邊日買，佢先找到。我問如果我就咁沽，個差價會點，佢話照返內部個record，個record係唔會有錯的。咁我叫佢快d計返好佢。我估唔到佢地做野咁廢。

之後佢打來話改返$16.274入，我話我第一次16.24入點會貴左，佢話佢計晒所有手續費，咁我心諗之前都d reocrd係無計手續費，佢而家走去計，唔一致，不過心諗算la...。唯有我自己計唔計手績費個買入價係$16.18。之後再問佢如果放碎股會點，佢話會打折扣，幾多就睇返市價，無人知。我爸話通常平4 個價位，網上有人話10個價位。真係奇怪。

買入

今日買入3968 @32.1
同 2628 @ 42.9
各一手

之前供鞍鋼，今日終於有440股碎股，都唔知點賣返佢。

第一次用南洋商業銀行的網上證券，唔係太識用，所以入個時唔夠快。加上我諗住入個時個d 股票係咁升，好似有少少單日轉向的意味，升得勁快，所以追都追唔切。入緊個時日本個邊又打來，攪到我入入下都停晒手腳聽佢地講野，所以個價唔係入得太好。我諗下次應該好少少。

我將會放左945增加現金，準備下跌再入市。而鞍鋼的碎股都可能要放左佢，個到約七千元。而家超過九成係股票。

入市計劃

根據自己同林森池的分析，我諗為大市應該還會插多一次。插的意思是恒指要跌大約一千點以上，那麼大市應該不會跌穿二萬六千點。林森池的插三次其實有點似技術分析的數浪。點為之插，係圖就係一枝大陰燭，或者裂口低開。

以下是我的入市策略，為左方便，我唔會一句句咁寫。

Main
if HSI < 28000 or RSI == 30 then
入市買貨
3968.HK < 大圓頂，頸線~$34，終極價約三十蚊
939.HK < $7 - 7.5
2628.HK < '這個好難估，佢保單增長只得十幾巴仙，但投資收入大增，估值要保守點，終 極可以到$40，大圓頂，頸線~$45
2318.HK < '終極價可以去到$85，做左大圓頂 暫時錢不夠，要諗下到時入邊隻，睇跌做人。
如果中資股跌到好吸食水平，我會賣走945.HK 套現三萬以上再入市買貨。
if HSI < 25000 then
清貨一半
sell : 347.HK depends on situation

Buying strategy
3968.hk
商係中點目標，最少要入三注。
32*500 = 16000
30 *1000 = 30000
到時睇環境


其它真係諗唔到。我要花點時間係公司研究下。明天應該係一個機會，因為美國插左二百幾點。但係我d 錢transfer 唔切去南洋銀行。所以可能要遲一日先入到市，真係煩。還有，我想入下香港地產股，但唔知入乜好呀。可能緊Tony入貨，尤其係535.HK可以諗諗，技術方面不錯，但係未諗到，睇下到時有無錢先。

鞍鋼供股

我有一手鞍鋼，所以可以有440供股權。但原來我可以額外申請供多d 股，到時睇下佢批唔批。估唔到咁都得，真係諗唔到。我無申請到，真係笨呀，因為只需用$15.9就可以買到d 股，你話係唔係大平賣呀。
佢有一段時間可以買賣佢d 額外股份，買完之後要係供股價+ 市價咁買。好似options咁，我以為得這個方法，原來原可以申請額外供股。今次真係中晒招呀。
睇來暫時鞍鋼都無運行，到時供股d 股份出現，又會產生另一次人踏人的事件，股價又可能進一步下跌，暫時睇最低去到$18，但機會會細少少。
鞍鋼係咁跌，但用15.9買到一手正股真係物有所價，今次真係大失良機，睇到自己的弱點，就係對corporate finance一無所知。根據肅若元同周顯的心得，如果要炒股大賺，一定要對corporate finance有一定認識。佢地話暫時報章、雜誌都對這方面的範疇一知半解。我要好好地咁加強一下。

投資書

要想投資有好表現，如果唔想交咁多學費，最好的方法係睇多點書，做點研究，咁可以減少交學費的費用。我睇過都算幾多，但有d 睇d 無睇，有d 買左返屋企隨時睇。以下我自己覺得對我非常重要的投資書:

1. The Intelligent Investor by Benjamin Graham
2. Common Stocks and Uncommon Profits and Other writings by Philip Fisher
3. Japanese candlestick chart analysis by Steven Nison
4. The Master Swing Trader: Tools and Techniques to Profit from Outstanding Short-Term Trading Opportunities
5. 林森池- 證券分析
6. 林森池- 泡沫與市場錯
   
7. 陳江廷- 炒股的智慧
8. 股市真規則
9. Securities Analysis by Benjamin Graham
10. Technical Analysis of the Financial Markets John J Murphy

以下是我係forum 學返來的技術分析，對我影響極大。我的技術分析得以提高，去到另一個層次。

1. Volume Spread Analysis
2. Price & Volume
3. Trading Hammer Candlestick

重有d 書同網站要我返屋企找下先。

調整將近 - 2nd Edition

調整應該來緊，但我方法是一手也不沽。以此為記!
今朝寫e 個post ，寫完就急跌。真攪笑~

十一月六日，十二點幾大市已經有九百五十幾億成交，今日成交真係大，小心!
結果今日成交有千六億到，即係中午成交少，有點奇怪。最後form 左一個hammer-like doji star。對後市有無利要等明天，明天係關鍵，如果明天陽燭收，並成交配合，短暫利好。如果升少過二百點就當無signal，繼續等待。

十一月七日，大市一開始升六百幾點，之後跌，收市升二百幾點，成交一千五百幾億。佢都係升唔穿個枝陰燭，所以暫時都係唔入市，都係調整繼續，超短線係個枝陰燭上落。千五億成交，唔多配合個市，no demand signal。

消息

很多股票書都告訢大家不要信消息，但有時有些消息是真，消息的來源是非常重要。大家應對自己消息的來源有一定認識才可從中肯定消息的真確性。我也不怕告訢大家，阿里爸爸這隻新股一定有過$27元，如過開市低過$27，一定會俾人掃返上去。

今日星期日，我係咁聽財經節目。有林森池，簫若元，周顯的節目。大家都對後市向好，所以我而家已經對後市有絕對信心持續向好。簫若元，周顯的節目今次講到莊家如何買股向上。基本上有三個方法

1. 慢慢收集
2. 大比例供股，供到d 人驚放晒出來
3. 發行convertible bond，好似十億股變到200億股，莊家就只要升少少就逹到目的。這點我不是太明白。

以下節copy自蕭若元文集
我們應通用全面思維，考慮一下所有之後可以發生的可能性
1 莊家震倉，因為價位上時甩了一些貨，此時要令散戶沽貨
2 因股價上得太急，難以令散戶”落搭”
3 莊家不夠錢繼續
4 莊家組織有內鬼，本來答應保証不沽出，卻見價高暗暗將貨沽出街，莊家便要立即將價降低
5 莊家已在高點散貨，正反覆向下散貨中
6 大巿逆轉，令莊家失去預算
7 布置未成熟，時機未能配合(如批股/供股未能進行、預備好的好消息未落實，不能及時發放消息)
在以上種種的可能中
若你斷定是第1、2項的，就應迅速買入
若是第3 - 5項，則要立即沽出
若是第6 - 7項，代表要有稍長的等待期，策略就要看自己狀況而定，或須減持

暫時都唔係太明個玩法，有一點周顯話好重要的是cooperate finance。這個可以看出莊家的諗法。我真係唔係好明白佢的意思。

大市 2007-11-01

今日係公司睇下個市，發覺多隻大藍籌股成交量都下跌，只有少數個別股份同資金輪流炒下。睇個勢就應該有多兩三個星期玩，大前提係無乜持別消息出現。我自己就覺得941, 2628, 2318開始轉弱。

1. 加上佢地的PEG都大過1 ，所以上升動力應該不大。
2. 成交量開始減少，而且上升個時成交量唔配合。

今晚返去再睇清楚d ....
to be continued